2012年3月4日星期日

3-4(sun) 三個女人一個墟

oh, 志雲大師咁快去咗商台做行政總裁...這是商台的福氣, 因為我真心覺得他是有才的!

啱啱o個集"三個女人一個墟"幾好睇喎…依家d"少女"諗嘢都幾有趣! 個”沙巴女”話同人去旅行, 拖晒手, 影晒泳衣相都仲係曖昧中...我笑咗! 真係generation gap! 不過d男生應該會buy沙巴女呢隻雖然唔係靚但係嬌滴滴, 嗲嗲地又懶係"年少無知"o個種... 我反而就幾鍾意個levia, 幾有型! 就算佢係扮, 起碼扮得幾好!

至於個咩”五覺大戰”…其實有d悶, 同埋佢賣弄色情得o黎有d cheap…其實個節目可以唔洗搞到咁!

我依家先有時間睇番少少”4 in love”…其實d對白又係幾唔錯吓! 葉翠翠同韋家雄o個段“高矮戀”幾好笑! 仲要次次一做佢哋o個段就播“top of the world”! hahaha! 仲有劉丹同韓瑪利o既志明與春嬌…仲要係勁鍾意o係後巷煲煙的…haha!

“on call 36”依然幾好睇, tbb拍專業人士劇真係有一手! 幾個主角都做得幾好! 仲有張慧雯好似第一次睇佢做戲, 幾ok喎!

“東西宮略”就真係興趣不大喇!



終於去咗睇電影"愛love"...又幾好睇喎! 雖然我唔係點睇台劇,所以啲好出名的主角我好多個都唔識(最熟係舒淇囉), 但就咁睇故事都幾好睇! 直得推介!

咁啱睇到呢段新聞, 好搞笑…搞笑在呢句: “日食三包煙的煙霸羅嘉良,多年前曾在訪問中透露人生第一支煙,是當年仍是學生情人的劉小慧所贈,估不到煙齡深的蘇太連煙癮亦極深,一呼一吸亦異常狠。”…居然係因為當年o既學生情人劉小慧而令羅嘉良變咗煙鏟…但更搞笑係佢爆咗佢出o黎!


劉小慧常叉電 星級夫婦煙酒飯局

誰說娛樂圈沒有真友誼?陳奕迅、梁漢文、草蜢及何超儀就好老友,經常約埋一齊玩,前晚便各帶另一半到上環大班樓食飯吹水飲啤酒,聯誼飯局同你我他一樣,都係飲笑再出門口食支煙叉電,眾星一邊「打邊爐」、一邊望各自泊在門口的靚車閒話家 常,人生如此,夫復何求?採訪:徐錦池、張詠森

當晚眾星聚集二樓貴賓房,飯局8點開席12點散場,其間,陳奕迅及劉小慧堪稱男女叉電之王,前者街頭撻火頻率之高無人能及,剛與Group A陳子聰及劉小慧聚完,又再跟Group B的梁漢文及蘇志威煙駁煙,最後女子組蘇太小慧又再孖蔡一傑接力,全大班樓最忙的不是侍應及廚師,是店外不斷死灰復燃的煙灰缸。

Eason有衣食

日食三包煙的煙霸羅嘉良,多年前曾在訪問中透露人生第一支煙,是當年仍是學生情人的劉小慧所贈,估不到煙齡深的蘇太連煙癮亦極深,一呼一吸亦異常狠。當晚,徐濠縈因要飛往外國所以一早閃走。12時多,問首先離開的陳子聰夫婦有咩咁高興咁齊人飯局?眼中只有手中香煙的陳生無回應,幸好蘇老闆有菩薩心腸:「無呀,咪食飯之嘛。」眾星陸續離開,拎住打包食物的Eason充當司機,載蔡一智夫婦返歸。


oh, 戚其義啲friend?


呢支酒…又係搞笑…:p