2007年6月23日星期六

6-23(sat) 芒姐@蘋果 (6月號之四) + 賣飛佛

電 視 撈 飯 (2007-06-22)
http://appledaily.atnext.com/template/apple/art_main.cfm?iss_id=20070622&sec_id=462&subsec_id=830&art_id=7240732

《 學 警 》 劇 情 乏 味

播 映 了 三 周 的 《 學 警 出 更 》 , 坊 間 評 語 好 壞 參 半 ; 雖 然 網 上 討 論 區 興 起 挑 劇 中 錯 處 的 玩 意 , 但 其 實 這 些 所 謂 錯 處 , 多 屬 無 關 痛 癢 , 相 比 起 無 綫 其 他 劇 集 , 此 劇 已 算 製 作 認 真 , 可 惜 劇 情 乏 味 , 加 上 上 輯 最 吸 引 的 成 熟 型 男 苗 僑 偉 , 今 輯 已 離 我 們 而 去 , 取 而 代 之 的 是 過 氣 「 師 奶 殺 手 」 陶 大 宇 , 但 他 因 與 郭 羨 妮 的 緋 聞 而 激 嬲 師 奶 , 注 定 冇 運 行 。

年 輕 演 員 卻 又 未 能 成 大 器 , 吳 卓 羲 人 氣 急 跌 , 連 唱 主 題 曲 亦 被 取 笑 將 「 sweat and tears 」 說 成 「 spaghetti 」 , 相 信 是 「 賣 飛 佛 」 事 件 太 深 入 民 心 所 致 ; 但 平 心 而 論 , 這 次 的 罪 名 真 的 有 點 「 欲 加 之 罪 、 何 患 無 辭 」 。 陳 鍵 鋒 尚 算 穩 穩 陣 陣 , 但 近 期 被 負 面 新 聞 拖 累 , 一 時 被 指 與 官 恩 娜 爭 吳 卓 羲 , 一 時 又 被 指 態 度 欠 佳 , 形 象 不 及 《 學 警 雄 心 》 時 討 好 , 希 望 看 畢 他 在 《 學 警 出 更 》 的 演 出 , 能 對 他 有 所 改 觀 。 除 了 兩 位 年 輕 男 主 角 , 上 輯 的 主 角 不 是 「 死 於 非 命 」 就 是 「 人 間 蒸 發 」 , 永 無 好 下 場 , 莫 非 這 就 是 所 有 續 集 的 宿 命 ? 但 其 實 觀 眾 早 與 劇 中 主 角 建 立 感 情 , 續 集 換 上 一 批 新 面 孔 , 反 而 會 減 低 繼 續 追 看 的 興 趣 … …

至 於 新 加 入 的 演 員 大 多 是 樂 壇 青 春 偶 像 , 由 天 后 容 祖 兒 帶 領 關 智 斌 、 吳 浩 康 及 吳 日 言 等 歌 手 演 出 , 新 鮮 感 的 確 有 , 但 他 們 的 演 技 真 的 尚 待 磨 練 ; 加 上 一 向 沒 甚 觀 眾 緣 的 港 姐 冠 軍 徐 子 珊 , 演 技 被 一 致 評 為 造 作 得 很 , 這 次 還 要 安 排 一 個 既 煩 氣 又 不 討 好 的 男 仔 頭 角 色 給 她 , 真 的 要 看 她 的 造 化 了 。



《 拾 年 》 香 港 情

臨 近 回 歸 十 年 的 大 日 子 , 各 媒 體 均 著 力 製 作 很 多 回 望 十 年 的 節 目 贈 興 。 無 綫 10:30 檔 播 畢 虛 幻 浮 誇 的 《 謎 》 後 , 推 出 一 連 十 集 以 十 個 不 同 主 題 去 道 出 香 港 十 年 情 的 節 目 《 拾 年 》 , 至 少 感 覺 踏 實 一 點 。 倪 匡 與 蔡 瀾 兩 位 才 子 的 十 年 際 遇 、 老 字 號 蛋 撻 店 老 闆 與 末 代 港 督 彭 定 康 的 十 年 情 、 97 年 港 姐 季 軍 佘 詩 曼 加 入 娛 樂 圈 十 年 的 起 與 跌 … … 包 羅 萬 有 , 但 均 充 滿 香 港 情 懷 , 很 好 看 ! 找 來 入 行 十 年 的 陳 鍵 鋒 擔 任 旁 白 , 也 是 上 佳 之 選 。 DJ 出 身 的 他 聲 線 動 人 、 咬 字 清 晰 、 中 英 文 均 說 得 流 利 , 在 主 持 界 發 展 應 大 有 作 為 , 不 知 無 綫 是 否 想 培 訓 他 成 為 志 雲 總 經 理 的 接 班 人 ?

撰 文 : 芒 姐


**************************************************************

呢套“拾年”…我個人幾鍾意睇, 一向都幾buy呢d少少回顧, 又少少documentary形式o既節目, tvb一向都拍得唔錯! 臨近回歸十年o既大日子, 就更加有意思!

佢揀主題揀得幾好, 揀主角亦揀得幾好…雖然基本上我覺得蔡瀾同倪匡o個集有d悶同無聊! 彭定康+蛋撻都ok o既…十年港姐佘詩曼都算揀得幾好 (其實係無得揀…唔通搵番翁嘉穗同李明慧出o黎講番爭隻海馬o既經過咩?), 佢又係97年入行, 有d代表性, 唔通搵97年新秀冠軍劉浩龍咩?

不過揀得最好o個樣, 真係搵o左陳鍵鋒o黎做旁白…佢中英文都講得幾好, 把聲又動聽…開正佢o個瓣, 唔錯呀! 我認同金美姐姐講, 佢做得仲好過志雲總經理…至於我話“培訓他成為志雲總經理的接班人”呢一句, 有人問我都係暗寸佢基? 其實真係完全無咁o既用意, 你o地諗得太多喇, 都係搵d o野講o下o者…!

個人認為佘佘o個集幾好睇…因為港姐呢d每年大show, 最貼近我o地呢d電視精! 睇番佢選港姐o既片段, 咁就十年, 實在過得太快! 都唔明點解無線d化妝師總要化到d港姐咁核突, 個個選完之後都好樣o左好多 (除o左徐子珊同譚小環)…跟住再睇番佢第一套戲o既演出, 令我諗番起當時我睇完佢每日係咁用把雞仔聲o係度叫"小胡斐", 真係睇得人好想大巴大巴車埋去o既情景…再聽番佢依家講o野把聲, 真係變o左好多, 無晒雞仔聲! 原來聲都可以改到…睇得出佢真係有付出努力! 唔係睇番佢十年o既改變, 都唔會發現佢真係下過一番苦功! 以前真係好唔鍾意佘佘, 尤其佢把聲, 同埋佢做戲…o個d咩"生命有take2", "刑事偵緝檔案4", 真係救命! 係到o左2000年"十月初五的月光", 我真係覺得佢唔同晒, 都算開竅開得快…相比起另一個我又係好怕+一選完港姐d人話佢係翻版佘詩曼o既楊思琦小姐, 佢真係好好多…楊小姐到依家做戲/講o野, 仍然有令人想熄機o既感覺!

當然, 更令人感到驚喜o既係佘佘訪問時都講得幾坦白幾真幾放幾自然, 都幾有point又幾好笑, 仲有少少寸…呢樣我欣賞呀! 尤其佢講番2006年台慶o個最喜愛女角色+女主角獎o個part, 真係估唔到佢咁坦白囉…哈哈, 幾impressed! 好過楊小姐講o野的超低能感覺…唔該晒!

呢個節目真係幾好睇, 當然, 其他港台/tvb/whatever台o既回歸十年時事節目我都差唔多撈晒汁, 因為呢d節目真係我杯茶…睇完好有一種“十年人事幾番新”o既感覺!



又咁o岩o係個討論區度見到呢張“吳唱k+spaghetti”…勁抵死, 真係笑爆嘴呀! 香港市民真係有創意! 仲要抵死到後面有張“學警出更”poster!!!

我依然覺得to be fair, o個句唱得真係唔似“spaghetti”, 但又確係不太清楚佢唱咩o既…因為最後尾個音, 好明顯係“s”…點可能覺得係“spaghetti”?, 不過算啦…佢個底花, 俾人個印象就係英文差, 無法o架喇!

雖然我唔係好buy吳唱k, 但係但自從上次有位讀者問我“賣飛佛”o既出處, 咁就去youtube search番段片, 重覆聽o左五次, 又發覺其實佢都讀得ok喎, 絕對唔係讀成"賣飛佛"…搞到我即刻懷疑其實係咪一直冤枉吳唱k呢? 定係仲有第二段“泰林廣告”…真係一個“謎”?!



仲有, 前兩日睇報紙港聞版居然見到呢段:

“近 日 有 網 友 在 高 登 討 論 區 提 出 「 你 聽 過 或 見 過 最 難 頂 英 文 」 的 議 題 , 引 起 網 友 熱 烈 回 應 , 列 出 不 少 爆 笑 「 港 式 英 語 」 : 搞 Gap ( Gag ) 、 賣 飛 佛 ( My favourite ) 、 What the help ( what the hell ) 、 Thankyou You 、 Undingable ( 頂 唔 順 ) … ”

哈哈哈…阿唱k其實都有d慘, 成日都俾人笑! 不過上面舉o個d例子又的確係幾經典…我鍾意“搞Gap”同埋“Thankyou You”…真係腥橋晒!