2009年3月27日星期五

3-27 (fri) 花吃了這女孩

嘩…真係“你吃了我罷啦”…正如post呢段片的朋友所說…這是“天籟之音”!!!!

上個禮拜睇到勁歌金曲已經大吃一驚, 估唔到報紙/討論區/youtube都有大肆報導/討論…其實我預o左傅小姐唱得差…但我真係無諗過會差成咁!!!! 直頭每一粒音每一個字都好似“喇mor”咁…睇埋字幕都唔知佢唱咩! 我要邀請利孝和夫人出o黎, 以宣讀2005年度金曲金獎~~~無"籟"o既語調, 去講一聲“天~~~~籟籟籟籟籟~~~~~~~!”

唔係話要你唱得好好, 但真係唔好太差呀! 佢唔係stephy o個隻走音咁簡單, 直頭係把聲長期都好“mun”, 講o野好重鼻音咁, 係女版“貽興王”…根本就唔適合唱歌! 去番做model或者拍戲可能會適合d囉…做咩要咁樣虐待自己又虐待聽眾?!

出道7年, 呢個水準真係十分得人驚…同埋佢依家個look, 有d人 (尤其係男性啦我諗) 會覺得好索, 但係我個人就好驚...個妝濃到呢, 仲要係o個d standard o既大眼仔, 一號鼻, 二號口…同市面上o個d咩“baby”無咩分別…個個化到一模一樣樣咁…無晒個人特色….好唔真實!

哎! 我寧願佢曲奇年代個樣喇...對我o黎講, o個時o既佢都可以叫做幾靚幾清純!


(“天籟之音”~~~你吃了我罷啦~~~!)

嘩, 聽聞無裁員居然裁到我們的譚玉瑛姐姐, 同埋唔經唔覺都做o左兒童節目十幾年+有望成為“譚玉瑛姐姐第二”o既蓋世寶姐姐…大過份喇! 簡直係一個年代的終結…無論係大人定細路都要“同聲一哭”囉! 唔怪得知tbb要播佢o地同羅貫峰哥哥一齊演出o既“大冬瓜”去“悼念”佢o地呢班出色o既兒童節目主持啦!

睇節目表見亞視o係凌晨四點幾又重播 “甜甜廿四味”…over呢幾年重播o左5次以上…雖然又真係幾好睇o下! 可能因為就o黎到4月1號, 所以又係時候要重溫o下哥哥o既作品…無綫都應該要重播o下“儂本多情”呀…呢套好好睇!


(呢期keep住收到d好爆笑o既“laughing圖”~~~)


Oh, 今晚就係“laughing”大結局…oh, sorry, 係“學警狙擊”先o岩…真係幾乎無人記得呢套劇叫“學警狙擊”, 人人都只係記得laughing…!

報紙話今晚laughing哥會翻生, 講真, 我真係唔係太buy呢d為“群情洶湧”而改o既結局, 通常都會破壞晒成套劇…其實laughing死o左有咩問題 (除o左拍唔到第四輯…咁咪拍前傳囉…仲好啦! 反正除o左佢, 其他角色都唔係幾好睇! 大家講得o岩, laughing上個禮拜三死o左之後, “學警”真係無咩o野好睇…我又再次以飛快速度睇o左之後五集)…咁先震撼同埋有戲味嘛! 之前話為o左留番條尾而cut o左搵到laughing條屍o個一幕, 咁樣我都覺得ok, 留番條尾我都可以接受…但改結局通常都係唔改好過改!

睇到呢段三哥講laughing之死o既報導…都ok好笑o下, 尤其係d 人o既comments…

三 哥 則 認 為 Laughing 的 死 是 成 功 , 他 說 : 「 係 咪 復 活 睇 觀 眾 意 願 , 或 者 可 以 係 ending 交 代 我 俾 人 拉 嗰 陣 有 Laughing 個 側 面 、 背 影 , 等 大 家 有 空 間 諗 吓 。 」

網友comments…:p

1) "ending 交 代 我 俾 人 拉 嗰 陣 有 Laughing 個 側 面 、 背 影"
阿三哥,依d橋好out吓架喇喎,果然係80年代嘅演員。

2) Laughing 個 側 面 、 背 影??? 呢個似係猛鬼復仇既橋段多 d 喎.