2005年8月28日星期日

8-28(sun) 家燕媽媽

有樣o野想講好耐但一路未有時間…係想講家燕姐有個卡通片叫“家燕媽媽”, 由暑假開始已經逢禮拜日朝早10:30播…幾抵死o下…不過都應該就快做完喇!

套卡通片o既主角家燕媽媽係仿照家燕姐個樣畫o既, 好鬼神似o下, 仲係佢自己配番音! 而佢身邊o既人都畫得幾似幾抵死…包括有佢3個仔女, 口罩男友, 安德尊 (都係自己配番音), 連甘國亮都有…有幾集仲出埋七公主添! 跟住佢仲o係個“開心電台”返工…連兒童節目都玩影射, 真係好騎呢! 內容亦都頗無聊, 有時仲頗粗鄙…完全唔明點解會製作套咁o既卡通片? 更加唔明點解會有我呢d無聊人錄o黎睇…簡直係十萬個為什麼?!?!??!?!

最鍾意佢大叫一句:“媽咪變身”就可以變成“媽媽超人”…好低能! 仲要變完身之後d人一d都唔認得佢…更低能! 不過, 就係鍾意佢低能之嘛!

我呢期真係覺得cream d歌好好聽, 去k仲成日唱佢o地d歌…不停咁俾d朋友笑, 話: “o下?! 佢o地細過你咁多?”…大佬, 依家d歌星有幾多個係大過我o架?!

Image hosted by Photobucket.com
(尋日講完欣宜同吳卓羲o係“兒歌金曲”一吻定情, 今日就收到一條好抵死o既link, 內附好抵死靚相一張…真係好賤格, 但又好好笑! 最貼切o個句都係: “原諒我付了代價”! 原來“別怪她”係寫俾欣宜o既!)