2008年3月14日星期五

3-14(fri) 不死傳奇之陳百強

呢樣又係想講好耐…早前都有講過“不死傳奇”呢個節目, 但係仲有其他好多個單元想講…今次想講o左最後o個集danny仔陳百強o個part先!

o個晚咁o岩o個個時段仲o係屋企, 咁就即場睇o左呢個節目…真係好好睇, 呢個節目好值得一再推介! 個人認為拍得最有感染力o既係danny仔同埋家駒o個兩集! danny仔呢集最感性, 林一峰做旁白都做得幾好, 幾適合…之前o個d就比較formal d囉! 同埋阿一峰媽真係好後生喎!


(不死傳奇 - 陳百強...賣飛佛: “深愛著你”!!!)

因為早前睇喝彩先發現佢d歌真係首首都咁好聽…同埋套舞台劇真係好準確咁summarize晒佢一生, 上半場勵志d, 開心d, 下半場就明顯係悲好多…陳家瑛都話佢係一個悲劇人物, 因為太過完美主義, 搞到個人好悲觀, 好多明明已經做得好好o既o野, 佢都覺得唔夠好! 唔講唔覺, 原來佢今年已經50歲冥壽, 時間真係過得好快!

嘩…真係講o左十萬次都要再講…佢d慢歌真係十級好聽, 學林珊珊話齋…“好嗒得”! “深愛著你”啦, “畫出彩虹”啦…太多太多都好好聽! 仲有, 原來好多好聽o既歌好似“幾分鐘的約會”同埋“有了你”, 都係“失業生”呢套電影裡面o既歌曲…我o個時好似有買到呢隻dvd, 不過唔知放o左去邊, 要搵番出o黎睇o下先…呢套又係“喝采” 三劍俠陳百強, 張國榮, 鍾保羅o既原班人馬之作, 仲加埋“彩雲曲”o既徐杰…都幾吸引o下!

同埋佢o地講得好o岩, 陳百強唱小調真係能夠唱出o個種味道…“偏偏喜歡妳”同“今宵多珍重”都好得呀! 嘩, 佢又勾起我對佢d歌o既喜愛, 真係又要搵番出o黎熱播o下! 仲有, 佢唱勵志歌又係好得, 可能同佢個形象有好大關係…可惜最終, 佢選擇o左…哎…!


(幾分鐘的約會-電影失業生插曲…嘩哈哈, 見番80年代地鐵o既單程車票售票機…感覺好得意! 我細個時都成日有搭地鐵o架…不過唔睇番真係差d忘記o左呢d單程售票機! 仲有藍色+黃色o既金鐘地鐵站…依家無o左黃色, 淨係得番藍色咋!)


(有了你-電影失業生主題曲)


(念親恩-電影失業生插曲)


(太陽花-電影失業生插曲…哈哈, 如果唔係去睇“喝彩”, 我都唔識呢首歌…成長於七十年代尾/八十年代初o既哥哥姐姐聽到呢d歌, 應該比我更加有共鳴!)

搵林姍姍去講番陳百強事蹟又係最適合不過, 好生動…同埋佢又講番呢篇專欄所講o既事蹟, 不過親身講更加動聽d…同埋幾搞笑!

跟住訪問林敏驄, 好少見佢咁認真講o野! 原來佢o地兩個居然係舊同學…真係唔講唔知! search番資料, 原來佢o地兩個都係讀聖保羅男女o架喎!

鄧藹霖講得o岩, 八十年代真係粒粒星, 個個都好有明星風範, 個個都有自己style, 有d係型, 有d係妖, 陳百強係官仔骨骨, 每人有唔同形格! 反而依家d“星”就比較似你隔離屋o既o靚仔/o靚妹多d囉…不過真係可惜, 八十年代d巨星全部都係好年輕就死o左 (係羅文叫做老少少)…真係天妒英才!

呢段“陳百強與鍾保羅談早年拍戲經歷 (89年訪問)”都幾好睇…可惜呢段訪問之後無幾耐, 佢兩兄弟都相繼離開o左…