2009年5月22日星期五

5-22(fri) 驚情

o個日又係link link o下, link o左去一個site, 居然有1985年哥哥個音樂特輯“驚情”o既足本睇…好正呀!

記得03年我寫過話: “不過我最想睇番o既都唔係呢個特輯, 而係一個好多好多年前, Leslie同李麗珍拍o既一個音樂特輯! 我諗我o個時4,5歲啦, 只係記得個特輯係關於時光倒流, 仲好似係有一隻“跎表”去牽引住, 拍得好靚, 仲好得意! 呢個特輯o係o個幾年係成日重播o既 (好似o係90年代初就成日重播克勤同林穎嫻+劉小慧+關淑怡o個個音樂特輯), 但近10年就好似無咩播過, 所以都好想睇番!”

就係呢個1985年o既音樂特輯喇…唔覺意link link o下居然link到入去…咁多年後有得睇番!

以前d音樂特輯真係好睇好多, 有故事有情節…雖然成日都係玩時光倒流呢條橋, 係就係老套d…不過我個人其實係幾鍾意睇呢d穿越時空o既情節…好似“回到未嫁時”同埋張學友91年個音樂特輯“穿梭夢裡人”, 都係類似o既劇種! 細個好鍾意睇呢d故事, 我記得當年印象中都覺得呢個特輯好好睇…拍得好靚, 仲有d“鬼秘”添!

仲有哥哥d歌又真係好好聽, 同埋佢真係超靚仔…尤其呢d翩翩公子o既造型好o岩佢!

Oh, 仲見到好多“我們的老友記”, 好似“手語人”家姐王敏明, 鄧汝超, 麥子雲etc…oh, 原來仲有呂方添!