2009年12月3日星期四

12-3(thurs) 萬千星輝頒獎典禮2009

聽日就係“台慶頒獎禮”o既大日子…無啦啦由人人記得o既11月tun到去12月, 其實都幾無謂! 我相信佢話要幫“宮心富貴門”兩劇做勢其實都唔係特別work, 因為係人都知今年係“巾幗梟雄”o既天下…同埋即使係11月頒, 呢兩套劇都可以照入圍o架...所以都真係無鬼聊!

今年都係o個句大家千萬記住唔好sms我同我談論賽果住…因為我要出街唔知睇唔到…等我返屋企先一氣呵成睇晒成個頒獎禮先同我討論啦, 多謝合作!

今年亦都如常有好多朋友問我邊個會攞視帝/視后…我諗今年應該大家都唔洗點估喇o卦! 但每年o既賽前預測點都照玩o下o既…其實邊個攞都無咩所謂, 最緊要搞得好睇+精彩+d人講o野抵死係最緊要!

首先轉貼o左今日蘋果預測《萬千星輝頒獎典禮 2009》o既得獎名單先…基本上芒姐o既預測, 又或者我相信大圍o既預測都係差唔多啦…

最佳男主角:《巾幗梟雄》黎耀祥
最佳女主角:《巾幗梟雄》鄧萃雯
我最喜愛的電視男角色:《學警狙擊》謝天華/《巾幗梟雄》黎耀祥
我最喜愛的電視女角色:《宮心計》佘詩曼
最佳男配角:《學警狙擊》謝天華
最佳女配角:《巾幗梟雄》謝雪心
飛躍進步男藝員:敖嘉年
飛躍進步女藝員:陳茵媺
最佳劇集:《宮心計》/《巾幗梟雄》


好喇…到我講o下心水喇…

奬項:最佳男主角

候選者: 林保怡(珠光寶氣),馬德鐘(東山飄雨西關晴),苗僑偉(學警出更),黎耀祥(巾幗梟雄),馬浚偉(碧血鹽梟),鄭嘉穎(烈火雄心3),王喜(烈火雄心3),黃宗澤(烈火雄心3),錢嘉樂(王老虎搶親),黃子華(絕代商驕),郭晉安(古靈精探B),劉松仁(蔡鍔與小鳳仙),陳豪(宮心計),呂良偉(富貴門),羅嘉良(富貴門)

芒: 黎耀祥(巾幗梟雄)應該真係無走雞啦…民心所向, 仲要無咩對手添~

奬項:最佳女主角

候選者: 邵美琪(珠光寶氣),黎姿(珠光寶氣),蔡少芬(珠光寶氣),毛舜筠(畢打自己人),汪明荃(東山飄雨西關晴),周海媚(學警狙擊),鄧萃雯(巾幗梟雄),胡杏兒(烈火雄心3),郭羨妮(古靈精探B),李司棋(有營主婦),佘詩曼(宮心計),楊怡(宮心計),袁詠儀(富貴門),戚美珍(富貴門),郭可盈(富貴門)

芒: 鄧萃雯(巾幗梟雄)…呢個又係唔洗估…今年視帝視后都應該無咩驚喜o架喇…你唔俾柴九同四奶奶, 真係會俾人鬧爆…以無綫呢期o既民望同形象, 我諗佢o地唔敢玩到咁大o既!

奬項:最佳男配角

候選者: 岳華(珠光寶氣),黃德斌(珠光寶氣),歐錦棠(畢打自己人),徐榮(畢打自己人),謝天華(學警狙擊),陳山聰(學警狙擊),吳卓羲(巾幗梟雄),敖嘉年(巾幗梟雄),黃浩然(碧血鹽梟),郭政鴻(古靈精探B),麥長青(有營主婦),林嘉華(蔡鍔與小鳳仙),李國麟(宮心計),蔣志光(宮心計),馬國明(富貴門)

芒: 謝天華(學警狙擊)
其實按呢期個勢…我有d想選馬大將軍…hohohoho…雖然論佢o係“宮心計”o既戲份同埋搶戲程度, 我覺得應該列入男主角候選名單先o岩…哈哈! 咁如果你話真係會得獎o既…我當然相信會係我年頭曾經力撐佢, 仲燒o左間警局同埋芯姐俾佢o既laughing哥啦…如果套劇擺o係年尾播, 個勢應該會仲好添…不過係咁o架啦!

奬項:最佳女配角

候選者: 鍾嘉欣(珠光寶氣),江若琳(學警狙擊),謝雪心(巾幗梟雄),商天娥(巾幗梟雄),惠英紅(巾幗梟雄),胡定欣(巾幗梟雄),滕麗名(老婆大人II),陳茵媺(烈火雄心3),陳法拉(有營主婦,伍詠薇(有營主婦),湯盈盈(蔡鍔與小鳳仙),關菊英(宮心計),韓馬利(宮心計),米雪(宮心計),李詩韻(宮心計)

芒: 謝雪心(巾幗梟雄)
yeah…我當然投我近期最buy o既太皇太后謝雪心一票啦! 雖然佢候選o既角色係巾幗梟雄o既大奶奶...



奬項:我最喜愛的電視男角色

候選者: 陳豪(珠光寶氣:賀哲男),林保怡(珠光寶氣:高長勝),黃德斌(珠光寶氣:游日東,苗僑偉(學警狙擊:江世孝),謝天華(學警狙擊:梁笑棠),馬國明(幕後大老爺:周炳),黎耀祥(巾幗梟雄:柴九),馬浚偉(碧血鹽梟:聶致遠),王喜(烈火雄心3:鍾有成),錢嘉樂(王老虎搶親:王老虎),黃子華(絕代商驕:麥提爽),郭晉安(古靈精探B:于子朗),鄭嘉穎(宮心計:高顯揚),呂良偉(富貴門:卓一元),羅嘉良(富貴門:卓一鳴、沙富來)

芒: 黎耀祥(巾幗梟雄:柴九)
大家話係laughing同柴九之爭…其實我都無咩所謂…不過見黎耀祥呢期個勢真係幾勁, 所以估佢可能機會大d…不過佢o地是但一個起雙飛都有gimmick o既!

奬項:我最喜愛的電視女角色

候選者: 邵美琪(珠光寶氣:康雅言),蔡少芬(珠光寶氣:康雅思),毛舜筠(畢打自己人:殷賞),周海媚(學警狙擊:程若芯),鄧萃雯(巾幗梟雄:康寶琦),佘詩曼(絕代商驕:林淼淼),郭羨妮(古靈精探B:刑晶晶),李司棋(有營主婦:魯小麗),陳法拉(有營主婦:吳采妮),伍詠薇(有營主婦:魯小美),佘詩曼(宮心計:劉三好),楊怡(宮心計:姚金鈴),袁詠儀(富貴門:卓一心),戚美珍(富貴門:賀爵年),郭可盈(富貴門:董令姿)

芒: 鄧萃雯(巾幗梟雄:康寶琦) /佘詩曼(宮心計:劉三好)
Oh…居然an-jie都可以入選…仲要係“我最喜愛的電視女角色”…真係咩事都可以發生! Um…其實我同蘋果一樣, 都係估三好有機會攞我最喜愛囉…親生女嘛, 點都要分個獎俾佢! 但如果鄧萃雯起雙飛又係有gimmick喎…同埋可以“彌補”番04年頒o左個視后俾黎姿o既“過失”…以示tbb超公道咁囉 (雖然呢個機會比較微)~

奬項:飛躍進步男藝員

候選者: 李思捷(老婆大人II、有營主婦),敖嘉年(巾幗梟雄、碧血鹽梟),黃浩然(東山飄雨西關晴、碧血鹽梟、廉政行動2009),趙永洪(畢打自己人),鄧永健(畢打自己人)

芒: 敖嘉年(巾幗梟雄、碧血鹽梟)
阿敖生今年個勢好似好強咁喎…同埋其他候選者應該都無咩得同佢爭…反而女飛躍實力好似接近d!

奬項:飛躍進步女藝員

候選者: 朱慧敏(珠光寶氣、畢打自己人、絕代商驕),呂慧儀(絕代商驕、天賜良緣),周家怡(珠光寶氣、桌球天王、王老虎搶親),陳敏之(click入黃金屋、富貴門、萬眾同心公益金),陳茵媺(畢打自己人、學警狙擊、烈火雄心3)

芒: 陳茵媺(畢打自己人、學警狙擊、烈火雄心3)
佢的確係真係進步o左好多…如果俾佢我覺得係實至名歸! 另外其實當年因為“車震”而一厥不振o既朱慧敏, 今年d戲都做得幾好! 反而話好有機會威脅陳茵媺o既陳敏之, 雖然無綫咁多年都力捧佢, 但我覺得一般啦...唔係話差, 但又真係唔算特別好!

奬項:最佳節目主持

候選者: 古巨基(係咪小兒科),吳君如、錢嘉樂(星星同學會),曾志偉、錢嘉樂、阮兆祥、王祖藍(鐵甲無敵獎門人),鄭中基、梁漢文、方力申(美女廚房),森美、阮小儀(千奇百趣)

芒: em…揀唔落手! 如果我buy o既當然係吳君如…但係我估應該係古sir機會大d!

奬項:最佳劇集

候選者: 珠光寶氣,畢打自己人,東山飄雨西關晴,Click入黃金屋,學警狙擊,大冬瓜,桌球天王,幕後大老爺,巾幗梟雄,老婆大人II,ID精英,碧血鹽梟,烈火雄心3,王老虎搶親,絕代商驕,古靈精探B,有營主婦,蔡鍔與小鳳仙,宮心計,富貴門

芒: 宮心計
“巾幗梟雄”應該會攞男女主角獎啦, 點都要分番個俾近期大熱o既“宮心計”o卦? 同埋結局衝破50點呀嘛佢話…咁直頭大條道理添啦! 皆大歡喜呀…yeah!

奬項:最佳綜藝資訊節目

候選者: 係咪小兒科,星星同學會,品味咖啡,霎時感動,鐵甲無敵獎門人,美女廚房,香港獨家,超級巨星,由1967開始,活著

芒: 超級巨星 (聲)
無記呢期力捧“超級巨星(聲)” (候選者名單我係照copy & paste無記網頁…佢連自己個節目名都打錯…好o野!) 呀嘛…十幾集節目可以做足半年都未做完, “西”極都仲有十個…本來覺得幾好睇都睇到悶, 仲要咩節目都搵一班“巨聲”做免費表演…慳水慳力…好o野! 班小朋友又可以一圓明星夢…互惠互利…何樂而不為~

雖然, 其實我個人會鍾意“星星同學會”同埋“由1967開始”多d!

奬項:TVB.COM人氣大獎

芒: 我估係林峯! 唔係因為我鍾意佢, 而係因為我相信o係tvb人氣最強, 一定係佢o卦?! 就算你唔buy佢都不得不承認呢個係事實!

歷年台慶回顧時間:

2009:

http://hejnom.blogspot.com/2009_11_19_archive.html


2008:

http://hejnom.blogspot.com/2008_11_14_archive.html


http://hejnom.blogspot.com/2008_11_17_archive.html


http://hejnom.blogspot.com/2008_11_19_archive.html


2007:

http://hejnom.blogspot.com/2007_11_17_archive.html


http://hejnom.blogspot.com/2007_11_19_archive.html


2006:

http://hejnom.blogspot.com/2006_11_09_archive.html


http://hejnom.blogspot.com/2006_11_13_archive.html


http://hejnom.blogspot.com/2006_11_19_archive.html


2005:

http://hejnom.blogspot.com/2005_11_19_archive.html


http://hejnom.blogspot.com/2005_11_20_archive.html


http://hejnom.blogspot.com/2005_11_21_archive.html


2004:

http://hejnom3.blogspot.com/2004_11_19_archive.html


http://hejnom3.blogspot.com/2004_11_23_archive.html


2003:

http://hejnom3.blogspot.com/2003_11_17_archive.html


http://hejnom3.blogspot.com/2003_11_19_archive.html


2002:

http://hejnom3.blogspot.com/2002_11_19_archive.html


http://hejnom3.blogspot.com/2002_11_20_archive.html


最後, 送幅o係討論區見到o既圖俾大家…各位觀眾…“當卓一元遇上鄭太后” !!! 男人果然係kum老好多囉~~~