2005年11月17日星期四

11-17(thurs) 龍的天空

哈! 真係估唔到一個"黎姿+林文龍+郭可盈"會引起大家咁大o既迴響... 好明顯佢o地呢期真係好紅! 我相信年幼o既一輩 (真係講到自己好鬼老咁) 可能真係唔知林文龍同黎姿o既關係…不過我相信當年佢o地無十成都有九成係真, 應該唔係緋聞咁簡單!

o係guestbook講過o既o野唔再重複一次喇, 好高興發現原來都有好多同我一樣o既“電視精”或者”娛樂精”…我以為我o係呢方面已經o係好好記性o架啦, 但原來有好多資料我都係唔知道…好似話當年郭可盈同傑青許志安o既緋聞啦 (講開許傑青…睇雜誌形容話 “許志安攞完傑青“火羅”上加“火羅”…好中肯, 好到肉…笑死我! 都唔知提名佢o個個人係咪靠害o既? o係佢人氣+聲勢最唔掂時俾個咁o既獎佢…想玩死佢咩?)…反而chi lam o個單我就記得! 好多謝大家提供咁多資料!

好多人話呢度仲多o野睇過娛樂週刊…仲要唔洗錢呀嘛! 係呀…因為我夠八呀嘛, 加上我o地人多…好多資深“娛樂人”提供資料, 集思廣益係掂d! 同埋“電視精”係我o既終身職業, 一定要more into it…哈! 最緊要o既係: 呢期o既娛樂新聞有十級精彩!

記得當年我表姐好鍾意黎姿, 我仲恥笑佢有無搞錯呀, 鍾意黎姿?! 不過又無可否認佢真係幾靚o既, 同埋係甜到漏o個隻! 我只係記得o係“龍的天空”裡面, 佢真係青春無敵, 身材勁fit, 個樣又勁靚…同林文龍仲真係幾襯到絕! 年青時代o既林文龍演呢d吊兒郎當o既“冧死女”角色, 都算幾稱職o既! 我當年係幾buy呢套戲o架, 前半部好fresh好開心, 有d似我最喜愛o既青春勵志劇…但我勢估唔到, 佢後半部又係變得灰到痺…又死人又lum樓又坐監又俾人搶女友…咩慘o野都有…所以睇到林文龍入獄之後我都無睇喇! 就好似我另一套favourite“儂本多情”咁…我只係力追o左上半部, 跟住完全放棄o左下半部!

其實我覺得“龍的天空”呢個名, 好係為林文龍而改囉…o係網上search“龍的天空”, 反而search到好多林文龍o既網頁…但其實我想搵套戲o既資料同劇照多d…但唔多點搵到!

Image hosted by Photobucket.com

我淨係好記得古巨基都有份做呢套戲, 不過係做林文龍d同學仔, 都有幾句對白o既…同同年代o既“茄喱啡之王”林家棟o係其他劇o既重要性有得揮…o係林家棟未拍“娛樂插班生”之前, 佢係“出名”o既茄喱啡之王…事關d主角的朋友呀咁o既角色一定有佢份, 大家未必知佢叫咩名, 但一定認得佢個樣!

咁點解我特別要提起古巨基…只係因為呢兩日“娛樂直播”訪問佢, 佢話做“娛樂新聞眼”前, 都o係tvb拍過好多戲, 做o左好多路人甲乙丙…o係o個個年代, 我最記得係佢o係“龍的天空”?面做林文龍個多嘴同學…因為我都睇o左呢套戲好多次 (咁當然無“浪族闊少爺”, “儂本多情”, “刑偵”或者“鬥氣一族”咁多)!

仲有, 個amigo又出佢d訪問嘉賓殺手鐧…估唔到佢連男嘉賓都要狂冧, 真係有殺錯無放過…佢話當年都有買佢o個隻大碟“笑說想”, 話覺得好好聽…咁呢樣我都認同o既, 好明顯amigo係同我o地差唔多年代!

睇睇o下林文龍個網頁, 見到佢其中一套劇“命運快車”…醒起我當年都幾鍾意睇呢套戲o架, 同埋唔睇都唔記得, 原來女主角係胡櫻汶!!! 原來佢都紅過兩下…成日都覺得佢同林映輝差唔多style, 大家都係撈o左好多年但都半紅不黑…但係原來胡櫻汶威好多, 做過o下主角! 跟住前排睇“刑偵2”其中一單案, 佢亦有份做…咁究竟佢幾時先退出娛樂圈呢?

仲有唔記得係主題曲定插曲係幾好聽o既…由maria cordero主唱(其實好似兩隻都係), 唔知有無人記得呢?