2005年12月3日星期六

12-3(sat) 刑偵之私人珍藏2

繼續公諸同好…k-100“刑偵2”special…第二段依然係咁跳o下跳o下! 話說上回講到d觀眾表達o左佢o地對結局o既不滿, 於是請曬佢o地同埋三位主角上k-100現場一齊諗方法叫番醒車匙…其實頗無聊o下! 不過對於一眾當年好著迷o既刑偵fans…都係一件好開心o既事! 於是…我錄起o左…不過一路都無咩點睇番!

睇呢一段, 發覺阿賤男梁榮忠又確係幾搞笑o既…抵佢?得掂咁多女! 不過…依然面目可憎! jessie呢個特登set o既“hiu曬頭”真係好核突, 正正常常咪好囉…set咩頭呀?!


Image hosted by Photobucket.com
(第二段: 觀眾提供噢醒車匙的方法***私人珍藏, 純粹為公諸同好…版權屬tvb所有***)


上期講過“刑偵”o個兩個童星黃美琪同胡耀峰…兩個都做得好好! 尤其係黃美琪細個o個陣真係幾得意…好樣過依家好多! 呢套好似係佢第一套劇, 對一個5歲o既小朋友o黎講, 真係做得唔錯, 幾好戲! 佢以前把聲好沙, 唔知點解依家反而變o左嬌聲人?!

我發覺原來我o係一年前一個講關於“一屋兩家三姓人”都有講過呢個我細睇到佢大o既小朋友…

o係呢套“蕉蕉”戲入面仲有個童星 (正確o黎講已經係一個少女) 飾演二妹, 即係“學警雄心”?面吳唱k個妹…唔睇番d資料都唔知原來佢細個都係童星, 仲要個樣我都真係有見過喎…但完全associate唔到原來o個個細路就係今日o既呢個少女…佢反而係細個唔多靚, 依家變得靚好多! 佢個真名仲要叫潘曉彤…同“香城浪子”?面莊靜而個角色名一樣…套戲播o個時佢都未出世…可能佢呀爸呀媽係睇完呢套戲得到幫自己個女改名o既靈感!


Image hosted by Photobucket.com
(呢幅相係o係網上偷返o黎o既…整得非常之好…我覺得黃美棋真係細個時得意好多!
http://hk.geocities.com/kidkidhouse/kidhouse_index.htm

(嘩! 好detailed o既童星網頁!)

另一個整得幾好o既童星網頁…有不同年代童星list! d九十年代o既童星確係令人懷念…仲有提到“刑偵”o既棠棠同??…我諗??依家真係應該好大個:

http://shingkaying.com/hkchildstars/extra.html


仲有呢兩兄弟…個阿哥有份做“一屋兩家三姓人”o既四少, 而個細佬就係o係“人間蒸發”做苗僑偉個仔o個個…但我以前一路以為佢o地係同一個人…直至我睇到呢個網頁! 原來坊間真係有好多瘋狂o既fans, 連童星都有好多忠實蕃薯:

http://www.kevin-ivan.com