2007年9月11日星期二

9-11(tues) 小時電視精 長大唔定性…為所有電視精平反!!!

上個禮拜o係飛機上無意中睇到呢一篇名為:“小時電視精 長大唔定性”o既報導…注定係要俾我睇到, 平時都唔會上網睇明報, 點知好日都唔搭飛機, 一搭就俾我睇到…

淨係個標題已經吸引我…點可以咁樣詆毀我o地呢d電視精?????!!! 可惡呀!

睇完直頭即刻keep起份報紙, 記住番o黎一定要寫番! 作為一個超級電視精, 我一定要o係度為所有電視精小朋友大平反!!!

呢篇報導實在係錯得不能再錯…邊個話愛看電視的小朋友會專注力不足? 相反, 係因為愛看電視, 先令我讀書讀得更快更專心…我唔敢話我讀書讀得好好, 但都比上不足, 比下有餘…同埋至少比人記o野會記得快d…邊個話電視精會讀唔成書? 邊個話電視精會無成就? 邊個話電視精會欠缺專注力? 又或者只係因為佢o地睇得太少電視…哈哈哈哈哈!!! “接受研究的孩子在5至11歲期間,平均每天會看2.05小時電視”…坦白講, o係o個個年紀, 我睇電視o既時間係佢o地o既double, triple, 有時甚至係quadruple…咁我個case可能係extreme d…但係一般如果每日睇2.05小時電視…真係唔知點算得上係電視精囉?! 可能就係睇得太少, 所以唔夠專注呀…小朋友!

記得呢篇嗎? 係講當年我為o左睇 “刑偵2”, 逼自己o係9點前要溫好書…係推動我考好會考的最大動力! 我有今日, 都係要多謝我o既…tvb…hohoho!!!! (太瘋狂了嗎? 我認我係…你都唔係第一日識我!)

“講開會考, 其實要好多謝 “刑偵”, 因為係佢令我改變o左少少讀書習慣…從前o既我, 不嬲都係最最最last minute先溫書…其實由小學一年級開始, 我已經係睇完“歡樂今宵”先做功課o既小朋友…對於一個學生o黎講, 已經係離晒大譜; 如果對於一個6歲o既小朋友o黎講, 更加係十惡不赦, 因為其他同齡o既小朋友, 應該九點就瞓o左! 不過我覺得爸媽採取呢招“放任”政策係咁多年來最正功o既一招, 第日如果我有仔女, 我都一定會照版煮碗…任得個細路自己發展, 咁先似番個人o架嘛!

講番正題先, 由小學開始, 我都係耐唔耐會一兩點先瞓, 到中學年代當然更加變本加厲, 最變態係由f.4開始, 以為自己好多o野讀, 每次要test我都溫到差唔多4, 5點 (不過係1點先開始溫, 中途又瞓著o左咁), 到第二日先瞓晏覺補番, 其實咁樣一d都唔effective…就係因為“刑偵”, 令我改變o左呢個多年來o既壞習慣! 我為o左可以安心睇“刑偵”, o係放學5點食完tea返屋企後 (無錯, 我o地中學年代已經培養o左呢個闊太習慣, 當年仲會去excelsior食tea添, 真係好囂張…不過多數都係去老麥/當年最興o既許留山/f.6開始勁hit o既仙跡岩/仙踪林, 仲有我o地o既favorite-kam’s cafe, 同埋太古foodcourt…!), 就讀兩o下書, test前夕仲可能唔去食tea早d返屋企, 再瞓個晏覺, 總之就要o係9點做“刑偵”前初步溫好晒書, 安安樂樂咁睇我最鍾意睇o既劇…到睇完再溫兩溫! 呢個溫書方法真係幾湊效, 當年次次bio test都唔係考得特別好, 係“刑偵”溫書法開始, o個次test居然攞滿分, 我好記得係考d咩chromosomes, 又x又y咁…我呢世都會記得!”


…無錯呀…呢d chromosomes, 我到依家都會記得, 雖然已十幾年無掂佢o地!

坦白講, 我覺得睇電視真係學到好多o野, 無論係知識方面, 定係應對技巧, even係待人接物…當然, 無人叫你淨係睇電視, 梗係要出去同朋友仔玩o下溝通o下o架啦! 絕對不能一竹篙打一船人…其實一個人有無專注力, 係咪欠缺耐性, 識唔識分配時間, 係好睇o個個人本身…關咩睇電視事呀?! 睇電視都唔知幾有益, 我識親細個時鍾意睇電視o既朋友, 大個都唔知幾精靈, 讀書又叻添…反而細細個唔俾睇電視o個d, 更見呆呆滯滯…哈哈! 所以如果我有仔女, 都真係一定會由得佢, even鼓勵佢睇多d電視, 學多d o野…哈!

其實睇得多電視會唔會構成負面影響, 係咪o徙晒d時間, 都係睇o下你識唔識分配時間o既o者…我曾經問過一個工作十級忙碌, 但仍然可以jit到時間每日去寫好多o野o既朋友…有咩可能會有咁多時間? 其實人人每日都係得24小時, 佢俾我o既答案當然係同大家諗o既一樣: “allocation of time”囉!

我發覺愈忙o既人, 真係做到愈多o野, achieve得比其他人多o既…因為佢o地識分配時間! 君不見supposedly最忙o既人, 反而update得個blog最多 (好明顯唔係我…因為我愈o黎愈懶, 證明我其實好得閒), 因為你愈忙就愈會著重點樣去好好分配時間…反而得閒時就會咩都唔做! 有d人可能用o左o黎睇電視, 有d人選擇去行街, 有d鍾意去唱k, 睇o下你擺邊樣o野個priority高d, 咪會擺多d時間落o個樣o野度…係個人喜好o既問題…d人成日話人有咩可能咁得閒日日update個blog, 或者咁得閒整一個好靚o既website…一定係超得閒無o野做o個d人…其實我諗係剛剛相反先o岩! 所以“點解會有咁多時間睇電視”的原因亦然…都係allocation of time!

呢個“allocation of time”theory簡直係智理明言…雖然人人都知道, 但未必人人都有為意! 我都成日提醒自己呢樣o野…話自己“太忙唔得閒做”, 明顯係搵借口…”是不為而非不能”…我都會學習唔好俾咁多借口自己!

忽然好“學術性”咁…都係唔好講咁多…依然係o個句: I’m proud of being a 電視精! hohoho!!!

*********************************************

小時電視精 長大唔定性
日看電視2小時 長大易專注力不足
(明報) 09月 05日 星期三


【明報專訊】睇電視究竟有益有害?是每一代小孩子跟父母爭拗不斷的老問題。新西蘭一項研究顯示,兒童每天看超過2小時電視,到了青春期便容易出現專注力不足的問題。下次父母狠心關掉電視機,阻止孩子看電視,又多一個理據。

路透社及美國廣播公司報道,新西蘭奧塔哥大學研究超過1000名於1972年4月至1973年3月在新西蘭達尼丁出生的孩子。專家長時間研究他們的習慣和行為,發現「電視精」兒童於青春期出現專注力障礙的風險高四成。

接受研究的孩子在5至11歲期間,平均每天會看2.05小時電視,到了13至15歲時,平均每天則看3.1小時電視。負責研究的專家蘭德胡伊說,結果發現每日看電視超過2小時、尤其是看3小時以上的孩子,到了少年時較多出現專注力問題徵狀,即使長大後減少看電視,亦無助減低專注力的損害。

電視畫面快 感現實世界節奏慢

蘭氏表示,由於電視畫面經常快速轉變,會過度刺激兒童仍在發育的腦部,使他們覺得現實世界沉悶、節奏慢。他說﹕「好多『電視精』兒童對於一些需要花較長時間去完成的工作,例如做功課,會顯得欠缺耐性。」

對於孩子應否看電視,不同家長各有哲學。育有兩名子女盧子翱(8歲)和盧芷慧(4歲)的盧小燕,並不鼓勵子女看電視,「看電視只能被動地吸收資訊,小孩可以思考的空間不多」。她會讓子女多?#92;讀,比看電視更能訓練思考能力,且能提高集中力。

相反,育有11歲兒子的香港浸會大學計算機科學系教授吳其彥,每晚都會由得兒子看2個多小時電視。他說,兒子喜歡看電視,習慣在8時至10時半看劇集,有時候看得過分投入,吃飯也會望電視機,「好像被電視吸了過去」。他認為兒子看電視的時間不算長,故沒有管制兒子看電視的習慣。

吳其彥認為,看電視能刺激思考,「兒子看到不明白的地方,會反過來問我」。他舉例指,兒子最近看到大型客機A380的新聞,會問他客機可載多少個乘客,而不是一味接受資訊。



前一篇提到 “jay姐姐o個時真係唱好多兒歌…其實tvb都算比機會佢! 佢88參加新秀, 之後就被揀o左入新開張o既“閃電傳真機”做第一代主持! 92年有一集“婦女新姿”, 搵o左看似同佢無o黎“啦間”但其實係同佢同屆參加新秀得o左季軍o既sammi一齊上去接受訪問, 仲播番佢當年參賽唱“海旁獨唱”o既片段…”…唔知點解post漏o左段片…係jay姐姐婦姿訪問片段…依家post番先!