3-30(mon) 學警狙擊大結局

嘩…上星期五個大結局, 一如所料, 都ok悶, 同埋最主要係“為復活而復活”, 搞到勁突兀!

報紙就煲到好勁…其實我覺得上個禮拜已經有少少水尾feel…laughing哥個熱潮比起前個禮拜係跌o左好多watt…同埋正如我前幾篇所講, 呢d特登為“群情洶湧”而改o既結局, 通常都係搞到唔湯唔水…破壞晒原本個感覺同埋完整性…

66715 重 披 警 察 戎 裝 Laughing 哥 復 職

Laughing 哥 正 在 穿 警 察 制 服 和 整 理 裝 備 ， 警 察 編 號 為 66715 ， 他 把 一 個 97 年 的 5 蚊 硬 幣 放 進 胸 前 口 袋 後 ， 便 對 着 鏡 頭 說 ： 「 無 論 Laughing 係 生 係 死 ， Laughing 都 會 喺 度 ， 一 日 警 察 ， 一 世 警 察 。 着 得 起 呢 套 制 服 ， 咁 多 夥 計 撐 ， 驚 乜 呀 ？ 記 住 我 個 名 ， Laughing Sir 呀 ！ 」 短 短 復 活 30 秒 後 ， 劇 集 便 正 式 結 束 出 字 幕 。

而 昨 晚 奧 海 城 招 待 了 數 百 名 市 民 入 座 收 看 《 學 警 狙 擊 》 大 結 局 ， 場 面 熱 鬧 ， 到 場 市 民 俱 全 神 貫 注 收 看 劇 集 。 在 Laughing 哥 說 完 「 記 住 我 Laughing Sir 」 這 句 對 白 後 ， 全 場 觀 眾 拍 打 吹 氣 棒 歡 呼 ， 並 大 叫 Laughing 哥 的 名 字 。

Er…報紙話奧海城d觀眾見到laughing哥復活勁開心, 但我o個晚o係間酒樓食飯…睇到呢段時係大家同聲一噓…咁樣結局法有d雞囉…!

我最贊成陳鍵鋒o既睇法…果然咁多個係佢最有sense…
“陳 鍵 鋒 ： 「 Laughing 唔 翻 生 嘅 話 ， 個 角 色 先 至 更 傳 奇 更 經 典 ， 我 覺 得 結 局 唔 需 要 交 代 Laughing 係 咪 翻 生 ， 反 而 令 下 一 輯 有 個 引 子 ， 進 興 話 事 人 個 個 死 晒 ， 吳 卓 羲 就 坐 上 去 做 大 佬 唔 做 差 人 ， 我 覺 得 咁 樣 好 玩 啲 。 」。”

仲有, 我個人認為Laughing哥如果唔係做卧底, 根本套劇就唔會咁好睇, 亦唔會可以引起好似今次咁大迴響…所以都係見好就收罷啦…
“無 綫 將 Laughing 哥 復 活 拍 得 如 此 隱 誨 ， 據 知 是 有 意 將 一 切 細 節 留 待 《 學 警 》 第 4 輯 再 作 交 代 ， 而 Laughing 哥 屆 時 將 紮 職 做 督 察 繼 續 反 黑 ， 與 吳 卓 羲 並 肩 作 戰 。”

前兩日終於睇番三哥o個集“名人飯堂” (我承認我是十分out的), 頭兩段係請番佢d學警兄弟上去, 後兩段就係請佢d真兄弟, 包括五虎o既黃日華同湯鎮業! 嘩, 原來阿三哥真係好先知先覺, 佢當時已經話覺得laughing有機會做今年台慶最佳男主角 (雖然照依家咁睇佢會被提名最佳男配角多d)…同埋睇完個節目之後, 真係更覺得三哥好有大哥風範…抵佢做老板!

仲有, 呢幾樣係想講好耐但係未有機會講…其實我覺得阿寶珠姐個經經今次做黑社會演得幾好! 同埋唔知各位電視迷有無留意 (因為我係同一日煲o左幾集) 芯姐去o個間婚紗舖同鑽飾舖的sales係同一個人...就係"高朋滿座"個高B鍾煌...佢做過呢個半主角之後, 就跌番落去做大茄...真慘!

仲有仲有, 原來梁嘉琪真係拍好多ETV…呢期成日唔覺意睇到d教育電視, 成日都見到佢同個friend王祖藍!

至於新劇“桌球天王”…我未睇…但依家先o黎做八十年代的時興玩意snooker…會唔會有少少out呢?

前兩日無意中睇到1點幾重播o既“今日vip”, 居然係訪問我好欣賞o既林敏驄…今次佢好一本正經, 無咁搞笑…不過佢又真係好叻…原來好多首我最鍾意o既歌都係出自佢手筆…包括我生平第一隻識唱晒成首o既歌“愛在深秋”, 仲有近年愈聽愈鍾意o既”深愛著您”…oh, 仲有d比較”有趣”o既八十年代歌曲“跳舞街”, “夢伴”, “無心睡眠”等…真係不愧為才子!

原來“愛的根源”第一句o既“殞石旁的天際”係from“once upon a time”的諧音…真係虧佢諗到!

仲有…其實我唔係好明點解“東張西望”要改路線? 淨做娛樂咪好囉…新聞應該留番俾d新聞人做, 炒埋一碟只會影響專業感覺!