8-7(fri) 李小龍傳

上幾個禮拜亞視又做“李小龍傳”, 雖然已經重播o左十九幾萬次, 但我都唔覺意睇o左少少!

嘩, 呢套又真係傾盡全台喎…吳大維, 萬綺雯, 張家輝, 關詠荷, 尹天照, 劉錦玲, 歐錦堂, 陳山河, 莫家堯, 張錦程, 江華, 龐秋雁, 何偉龍, 譚筠怡, 麥景婷, 仲有“殭屍”做孔雀o個位冼灝英…etc etc etc…真係你講得出o既都有…vely“星光熠熠”!!!!

我諗佢今次又重播可能係因為今屆今像獎影帝影后張家輝同鮑姐都有份做呢套劇, 再加上李小龍熱幾時都有…所以長播長有!

哈哈…不過張家輝個樣真係變o左好多…再加上人紅亦自然型呢個定侓啦! 其實當年睇亞視d劇,成日都唔明佢點解可以做主角? 我記得有套“衝出校園”係佢同陳錦鴻做男主角, 但女主角劉錦玲居然揀o左佢都唔揀陳錦鴻…我當年覺得好匪夷所思o架! 咁當然, 你依家叫我揀, 我一定係buy鬼馬o既張家輝多好多啦! 同埋關詠荷當年真係好靚又好有格…抵佢係亞視幾乎最紅o既花旦!

仲有做李小龍老婆o既譚筠佁…嘩, sorry, 我知你無咩演戲經驗, 但你d演技真係嚇死我! 其實最記得佢係當年參加“歡樂今宵”o既“劉德華夢中情人選舉”…仲好似攞o左冠軍! 同場仲有後來參加過新秀, 又同丘采樺一齊出過碟, 又做過兒童節, 依家幫人占塔羅牌o既姚朱利安娜/姚琇齡/anna姐姐…不過佢最為人熟悉應該係“姚安娜”呢個名o卦?!

Oh, 仲有 “IQ成熟時” o既阿朦…佢除o左有份做深夜o既“大昏迷”, 原來十幾年後o既“李小龍傳”, 都有份做茄喱啡…oh, 阿朦…I remember you!



嘩, 無啦啦又睇到呢段久違了的亞視“魚樂無窮”…真係久違了…點解唔再播…?!

你真係唔會估到呢個咁無聊咁九唔搭八咁影住缸魚o既節目, 影響力可以咁無遠弗屆…試問呢個節目有邊個香港人未睇過先? 有時夜孖孖開電視點都會唔覺意睇到…仲會唔覺意咁俾佢吸引o左望住d魚游來游去幾分鐘…都唔好話唔驚!!!

亞視真係永遠都會做到d能人所不能, 你諗都未諗過o既o野…正如我三年前所講: “我覺得諗出呢個咁慳水慳力又叫好叫座節目+咁貼題又抵死節目名o既人, 真係應該升佢做亞視總經理…同志雲總經埋過o下招”囉~~~!

呢期好多套劇都有陳茵媺份…“烈火3”有, “畢打自己人”有, 連12點幾重播o既“原來愛上賊” 都有佢 (btw, 點解tbb咁快重播呢一套?)…我想講係, 其實佢d演技都算進步o左幾多…抵無綫捧佢! 我由初初好唔鍾意睇佢做戲, 到依家都覺得算係可以接受啦!

Oh, “畢打”開始講到社長同老總有d o野…呢part最好睇! 仲有, icy係咪應該唔會返番“畢打”o架喇…? 好似舖排緊gary同高ling一齊咁喇喎…!