2007年5月28日星期一

5-28(mon) 沒有程亮的日子…

oh…沒有常在心的日子去到第八百幾十幾天…程亮…終於死鬼o左!!!

但係…可唔可以唔好咁死法? 我知, 監製/編劇要刻意營造一個好深情的效果, 彷彿"烈火戰車"咁…oh, "情深的一句…"!!! 但係電影勉強都可以話要有電影感, 電視可唔可以真係寫實d呀…你唔係撞o左車明知自己重傷, 唔去醫院反而走去電話亭打電話教人打case呀嘛? 最終仲要搞到失救而死…oh, 真係咩劇情o黎o架?!

係, 係營造到一個好冧的效果, 跟住立即轉去一個勁悲傷位, o黎一個大contrast…但係, 真係唔好太誇啦! 次次都係咁, 每次套劇有d主角要死時, 之前一定係會有一連串懶溫馨情深場面o黎營造一個大contrast…不過咁死法, 真係over o左! 係…雖然程亮失去o左常在心之後, 已經失去埋“常性”, 完全唔似一貫o既程亮, 仲要寫o左八百幾日o既“沒有常在心的日子”…完全out of character, 但你唔係撞o左車唔去醫院, 反而去教人打官司嘛? 唔好過份情深啦…"au-fred"!!!

雖然劇情有d over, 不過林峰真係做得幾好, 尤其係臨死前o係電話亭同常在心講o野o個幕, 同埋死阿媽o個段…真係做得好好! 雖然話係客串, 但佢絕對出過男主角得得o地或者阿gil gil好多 (sorry, gil gil應該唔算係男主角)!

仲有, 上個禮拜五o個集, 鮑鮑發火鬧細契話一毫子都唔會分俾佢o個段…好型呀! 直頭係hero! 果然係薑愈老愈辣…夏記好o野!

細契大鬧醫院爭產o個part基本上係一個鬧劇…但又鬧得幾精彩, 幾好笑o下…睇得人好開心, 因為我睇住佢o地o個d嘴臉只能係咁笑…尤其阿上等親家i.e.姻伯母一家人真係好頂癮…成日九唔搭八o係度出現做傍友, 乞人憎得o黎其實又幾搞笑…呢part幾有娛樂性!

今個星期三細契上勁歌…記住支持呀!!! "講不出聲…講不出聲…"!!!

阿法拉姐o係呢套戲做乖乖女真係亳無發揮, 亦亳無說服力…反而o係"師奶兵團"度做性感小野貓勾人老公真係幾入型入格…仲有佢d口音真係好北姑…唔知點解令人諗起80年代尾90年代初o個jar鄉音亞姐, 更加唔知點解佢o地當年成日有得擔戲? 好似李其鈞咁…大家記唔記得邊個?!

仲有, 阿常在心平時d戲我都可以接受, 但係今集o係醫院話禁止細契搬走鮑鮑o個幕, 真係唔該晒! 佢瞪大對眼扮惡鬧人個樣…我真係好想笑! 佢呢part演技真係好唔得, 一扮惡就出事, 演技真係要再練多幾年…咁真係寧願佢苦埋口面喊苦喊忽算喇…!

呢期成日聽到o個隻慶回歸o既“香港始終有你”…其實都ok o既, 有d九十年代勸人唔好移民o既“凝聚每分光”或者“同舟共濟”個feel, 但當然無咁好聽…同埋中間大段莫華倫加一個女聲唱到opera+粵曲咁…好恐怖! 嚇死人!