7-9(fri) 天地豪情

嘩…六十幾集o既“天地豪情”終於做到聽晚就大結局喇! 最經典o既場口“家咩姐jack~我姓甘o架!”應該呢兩日會上演…好緊張呀! 呢兩晚d劇情好緊湊…我只係上星期五同今個星期一miss咗兩晚 (即四集倒啦)…已經咩都follow唔到…原來阿joe死咗? 跟住家咩姐同大頭文翻撻咗, 仲有diana同家雄又翻撻埋…我完全唔記得有d咁o既劇情…原來, 我對“天地豪情”劇情的認知度都幾低吓…我真係咩都唔記得呀…大勇!!!

阿kelvin又真係好克人憎…搞風搞雨…所有人都俾佢玩弄於鼓掌中…睇得人好激氣呀!!! 晚晚咁睇到三點真係唔係辦法…但又欲罷不能喎! 下星期做“古靈精探”…可以唔駛睇喇!

真係禁不住要post晒五首主題曲+插曲去紀念吓呢套咁經典o既電視劇~~~

呢首係五首之中我最鍾意o既一首…當年睇"天地豪情"覺得最好聽o既插曲...咁多年來一路都o係我o既mp3 player裡面...各位觀眾…”其實我明白妳暗示”~~~當年我都仲有成日聽電台數榜, 呢隻歌都高踞咗電台龍虎榜好多個禮拜o架…



仲有真係唔講得笑, 我記得當年集齊一set天地豪情主題曲+插曲o既"天地豪情"大碟, 曾經係兩星期ifpi銷量磅冠軍...o係網上搵番當年的報導: "羅 嘉 良 事 隔 九 年 再 出 新 碟 ， 竟 能 蟬 聯 IFPI銷 量 榜 冠 軍 ， 即 使 天 王 黎 明 、 陳 慧 嫻 及 陳 慧 琳都 不 敵 ， 成 為 他 手 下 敗 將 。"...都真係唔好低估電視劇的影響力~~~

除咗"其實我明白你暗示"...另一首"等不到"都係一路都o係我個mp3 player裡面…首歌配埋落d劇情度又真係變得好聽咗......:p



仲有呢首家雄同diana的主題曲…”好夢難圓”…


當然唔少得上半輯o既主題曲“仍然在痛”…


仲有下半輯o既主題曲“說天說地說空虛”…


“家咩姐啫~~~?! 日本人o黎o架~~~” (quoting甘量宏...wahahaha!)


哈哈...其實呢幅圖幾年前已經o係呢度post過...不過趁呢期"家咩姐"熱潮, 點都要post多次…hohoho! 真係好似…直頭係失散咗!!!

“家咩姐啫”@香港網絡大典...真係吹漲...但好好笑!

“「家咩姐啫！」為《天地豪情》內張家輝飾演的甘量宏一句經典對白。多年來一直為網民津津樂道，不斷被重覆使用。
「家咩姐啫！」一詞帶出一股輕視「家姐」的意識，多年來感染網民的心靈，令「家姐」此家庭角色備受輕視，甚至演變為被逼害的對象。
直至「家姐被炒潮文」流行，才令特區網民意識到「家姐」在社會上備受逼害的一面，令眾人重新關注家姐的應有權益，令家姐重新被重視。
不過「家咩姐啫！」此一伴著關心妍成長的經典對白，曾否對她的言行構成影響，則是不解之謎。”

仲有, 前幾日開始亞視三點幾居然重播我細個曾經好鍾意睇o既“中環英雄”…o個時就係因為睇完呢套劇幾鍾意呂頌賢拍吳綺莉, 亦因為咁之後一播“勝者為王”就有追, 因為佢o地又係演一pair! 呢套劇係呂頌賢拍一眾1990年得獎+落選亞姐…佢最後好似情歸譚文潔, which我有二百個憤怒…hoho! 雖然o個一班佳麗d演技真係生硬到呢…但唔知點解我當時又真係幾鍾意睇呢套刻喎! 噢…話咁快就…二十年…勁驚~!