8-13(wed) 家好月圓

好, 終於可以講o下已經做o左接近三個禮拜o既"家好月圓"…我都係o岩o岩過o左o既weekend先一氣過睇番之前九集! 其實劇情同上集一樣, 老老土土甚至有d娘, 但上次亦都係唔知點解中段之後又真係好有追看性同埋好有戲味…今次睇o左頭幾集, 又的確令你有想追落去的衝動…我終於明白 (其實不嬲都明白, 但今次係深深咁了解到) 點解“溏心”可以咁受歡迎…真係因為d演員演得做得好好, 尤其係d老戲骨. 所以可以吸引到人睇! 好少可以o係一套戲裡面聚集o左咁多個好戲之人, 場場都演得好肉緊! 後生o個d其實都算演得唔錯o架喇, 可能面對d前輩有壓力…所以真係幾有火花同埋戲味, 令到成套劇好有張力, 就算d劇情睇到人好激氣都要追埋落去!


其實每集都睇到勁忟囉, 好想打爛部電視機…個二奶點可以克人憎成咁, 仲衰過細契, 但最嬲係個個仲要幫住佢…上次鮑鮑都會怕o下大契, 但係今次就成個懦夫咁, 拋妻棄子仲可以咁理直氣壯…睇到人好激氣! 不過可能就係咁大家先會繼續追落去! 同埋可能佢之後又係會發威, 咁先有一大contrast嘛…wahahahahaha!

米雪個奸角又真係做得好好, 個樣本身都搞到邪邪地咁, 仲克人憎過上次細契...關菊英個“攞婆”麻煩阿姨角色其實都幾有趣…我幾鍾意睇佢! 琴姐同司棋姐就唔洗講啦, 又係一貫水準!

後生o個班就其實暫時個個都差不多…林峰同陳豪個角色都各有各討好o既, 不過又唔算特別出…鍾嘉欣個角色又係同上次差唔多, 係討好, 但無咩突破! 反而陳法拉今次真係出到喇…做啞女被一致激讚…至少佢出少o左聲聽唔到佢把尖聲加埋鄉音, d人即刻覺得討好o左好多! 無綫呢個救佢o既招數真係出得唔錯喎…抵讚!

仲有, 無綫呢排真係勁捧葉對對 (credit to李阿婆夫人…呢個名我覺得改得幾抵死!)…套套戲都有佢, 仲要又係做主角的前女友, 依家連奧運主持都要俾佢做…真係好睇佢!


(複雜到不能再複雜o既人物關係圖)

其實佢o地兩邊每人分到o個三個仔女又唔需要搞到咁contrast o既…jo鮑o個邊個個有錢闊少咁款, 跟住荷媽o個邊又要窮到咁, 書都無得讀…有間餅舖都唔會窮得去邊o卦? 不過算啦, 佢要咁d人先睇得激氣o架嘛!

不過今次d花名同埋爛gag…我依然覺得好難頂! 荷媽/jo飽再加埋“家.好.月.圓.慶.中.秋”…好明顯係特登用o黎比觀眾叫…邊有人屋企會幫阿爸阿媽改d咁九唔搭八o既花名呀?

仲有, 細契後來係咪真係要同舅父波做一對? 咁黎耀祥呢? 係咪都會加入埋搞三角戀? oh my god!

花 心 夏 雨 再 爆 溏 心 風 暴 大 契 單 挑 細 契 米 雪 破 餅 重 圓