2010年6月30日星期三

6-30(wed) 羅敏莊

上個weekend d節目忽然好得, 除咗"福祿壽"o既"盧覓雪×阮兆祥twins"笑爆嘴, "超級巨聲"o既"偶像巨聲挑戰賽"都好好睇, 最估唔到係連"獎門人"都可以係成集無停過笑...big4的低b應記一功!

首先係星期六o既“荃加福祿壽”結局篇…阮兆祥o係"福祿壽"一路都被扮嘢能手李思捷同扮女人能手王祖藍比下去, 今次終於有番個"代表作"...似到呢...真係笑爆嘴!!!


(“荃加福祿壽”…盧覓雪×阮兆祥 - 風箏與風)

估唔到盧覓雪都幾玩得, 會同佢o地一齊癲…仲要係好放o個隻! 上次佢o地玩咗一小個環節已經幾有趣吓, 估唔到今次連mv都拍埋…最頂癮係佢兩個好認真地拍o個個樣…留意0:30連風箏卷線都放埋出去…好攞命! 笑爆嘴…hohoho!

仲有, 亦都估唔到原來陳善揚唱歌都幾好聽…做主持亦算係咁…有potential!

跟住禮拜日o個集“獎門人”…好耐無試過咁好笑…基本上近5年的獎門人己變得好yim悶…你要玩三級遊戲都無所謂, 但唔好笑o個吓慘! 呢集可能因為有big4, 反而玩番上世紀d簡單但經典獎門人遊戲, 但仲好睇好笑過平時好多!

根本獎門人好唔好睇係在乎有咩人腳多過玩咩遊戲囉! 所以初期簡簡單單的“tvb個b”(超級無敵馬拉松), 大電視, 乒乓波, 食壽司, 跳舞等遊戲…其實好睇過o個d咩坐爆波好多…呢d遊戲反而令人懷念! 當然更重要係big4真係好好笑…估唔到佢o地咁低b, 無論係真白痴定扮扮白痴都好, 真係好好笑! 呢集終於似番以前睇o既“獎門人”…好有娛樂性…成集無停過係咁笑! 不過阿李蕙敏就好慘吓, 雖然係戥腳啫, 但成晚好似無參與過咁…一係佢就無份玩, 一係就俾人cut晒! 不過話時話, 我真係唔知佢仲o係呢個圈打滾緊!



接住o既"超級巨聲"亦都係幾好睇…因為呢兩個禮拜係做"偶像巨聲挑戰賽"…上一輯官恩娜都係因為呢一part而彈番起 (我有理由懷疑無綫搞"超級巨聲"係想捧番起d應紅而無紅o既歌星而唔係發揮什麼"超級巨聲"...hoho!), 上個禮拜就有初哥哥唱番初哥哥...簡直係冧爆! 今集除咗好睇在有林峰之外(:p)...係因為有羅敏莊唱番久違了o既"挑戰者"!!!

即係呢…"挑戰者"明明o係九十年代係好hit o既k歌...我唔明點解近年去唱k, 十個有七個朋友都話唔識唱 (即使係我個年齡群組+/-5的朋友)...難道佢o地少年時代無去唱k?! 但就算無去唱k, 睇電視或者聽電台都應該有聽過呢隻歌o架嘛?! 大家反而記得“挑戰者汽車美容”多過“挑戰者”呢首歌…我接受唔到囉! 我o地當年唱k好鍾意唱呢隻o架嘛!

上一輯羅敏莊上o黎踢館唱"星夜星塵" (雖然我對呢個安排感到極度匪夷所思…你有咩可能搵個唱咗十幾年歌o既歌手去挑戰一個參賽者? 咁你不如話搵miss chan chan去踢館…雖然呢個比喻可能誇咗d! 但咁o既安排真係連表面上都太過欠公允啦嘛!), 佢一唱完無論評判定youtube/討論區的評語都係話“驚為天人”!!! 咁佢當然係唱得好…但大家的驚訝反應我又真係十分驚訝! 可能因為同上次官恩娜個case唔同, 羅敏莊係佢一出道我就有留意佢, 不嬲都知佢唱得o架啦…同埋我反而覺得佢以前唱得仲好…事關佢呢兩次的表現我同一班以前有聽開佢o既朋友都覺得反而over咗少少, 過份肉緊喇…反而無以前咁"恰到好處"! 我聽番佢以前唱"挑戰者", 其實比依家再好d添…


(羅敏莊95年的“挑戰者”mv)

o係呢兩次"超級巨聲"踢館同埋"偶像巨聲挑戰賽"之後…我先知道原來好多人以前都唔“認識” 羅敏莊…只係知道佢係tbb一個搞笑演員而唔知佢其實係一個歌手! 查實羅敏莊係同當年o既東東 (陳曉東) 同埋陳慧琳同一屆新人, 我記憶所及都應該都攞過幾個新人獎! 我最有印象係95年唔知第三季定第四季季選, o個年最hit o既新人當然係雙陳啦, 跟住有另一個新人出o黎唱咗首歌…我一路以為佢係嬌滴滴偶像派, 點知一聽佢唱完我心諗:“嘩! 估唔到佢咁好中氣, 唱得咁好!”…呢個就係羅敏莊喇…真係人不可以貌相…我記得佢唱完好似羅文都有讚!

點知佢出咗一兩隻碟之後就唔見咗…過咗幾年先o係電台節目見番佢蹤影, 但係變咗“文員A”…後來睇番報導先知原來佢當時因為同經理人有合約糾紛, 所以唔可以做d幕前工作, 只係可以做d幕後打字呀, 接線等工作…詳情可以睇吓呢度…跟住佢就做咗“倫住o黎試”, “人間定格”等港台節目…呢d節目我全部都有聽, 亦都係我好buy佢o既一期!

o個時聽“人間定格”, 係為咗聽佢而唔係聽杜文惠, 杜都唱得ok o既, 但羅敏莊唱得更好! 呢個節目o個時逢星期五會有個happy hour環節, 有live band夾歌手唱歌…由佢98年一開播我已經有聽, 早期成日搵楊千嬅, 陳奕迅呢d當年o既新進歌手去唱歌…有一段時間我直頭會錄呢個節目添…好瘋狂!


(羅敏莊 - 星夜星塵)

至於"超級巨聲"…今次呢個第二輯的確無第一輯咁好睇! 第一係先入為主啦…同埋今次d參賽者真係無咁"有趣", 仲要今次班評判團真係yim悶咗好多! 呢幾集仲要連我o地最鍾意睇o既趙增熹都無埋…哎! 呢一round的評判真係失色不少…倫永亮可能好有音樂造詣, 但佢做評判真係唔太得, 單立文講o野直頭係無咩內容添…真係要唱番首“豈有此理~~~”! 仲有o個位負責評甚麼造型的janae小姐…佢講o既o野真係…I’m sorry! 好懷念上一輯的黃國倫老師同埋李泉大哥…佢o地好funny! even金句王都叫做有d金句聽吓呀, 或者b哥哥都ok…呢一輯最慘真係好鬼yim悶囉!