2006年4月11日星期二

4-11(tues) 一生不變

唔知大家今晚有無咁o岩睇到11點無線o個個什麼碧桂園特約“情定故鄉里”節目呢?! 即係o個d其實sell大陸樓盤但係又懶係整個愛情故事出o黎拖幾集吸引大家o個d節目…不過通常呢d劇其實都“幾好睇”! 我講真o架…至少會幾好笑, 同埋都有d景睇o下嘛!

今晚無端端睇到一集, 仲要係由近期我最鍾意睇o既“超級靚聲演鬥廳”男女廳長伍衛國同關菊瑛主演…必睇啦! 兩位“老人家”一把年紀仲要扮d初戀feel…最欣賞就係阿伍小生, at least佢今次講o野無走音, 同埋做戲佢點都拿手過唱歌…但同時就少o左d灰諧囉! 不過無無聊聊都值得睇o下!

睇o左兩集今個禮拜首播o個套處境劇“高朋滿座”…都真係幾悶o下…唔知佢之後仲會唔會有改善?!

曹永廉有份做呢個小家o既二哥角色, 相信係同佢o係 “妙手”?面o既出色表現有關, 不過阿chris個小男人角色就討好+出過今次呢個角色好多!

同埋我覺得鄧上文唔止可以做阿旦個女, 直頭連曹永廉個女佢都做到…相差廿年, 佢做佢o地細妹都怪怪地咁!

反而亞視套“豈有此理”騎騎呢呢仲好睇! 呢期話麥家琪患o左個什麼“ka la”失憶症, 逢一, 三, 五就會失憶, 以為自己係學生妹, 仲會著埋校服出o黎! 逢二, 四就都係失憶, 但唔會以為自己係學生妹…d咁o既劇情都俾佢諗到, 真係唔寫個服字都唔得! 完全聞所未聞, 但又幾好笑! 依家好似再唔係每日即場拍o個日o既新聞出o黎…即刻流暢o左好多! 諷刺時弊呢家o野, 亞視未有能力+資源去做到…

搵到一段資料, 原來“曹永廉當年參加歌唱比賽,憑演繹李克勤的《一生不變》而勇奪冠軍,被發掘簽約成為歌手,他先後出了四張唱片—「情深款款」、「唯一的女神」、「忽然開心」,還有由他作曲的《感激一個人》。”

…唔怪得知佢o係“酒店風雲”無啦啦會唱“一幽風飛散髮披肩…”啦, 原來“一生不變”係佢飲歌…仲搵到呢套劇未播時吳唱k同觀音娜上勁歌合唱, 原來已經有唱“一生不變"…直頭係呢套劇o既插曲! 居然係十幾年後再次帶番起呢隻歌…我諗阿克勤都估唔到!



仲無啦啦搵到一段係好勝gigi96年拿勁歌新人獎o既片段…聽番呢首“愛自己”, 睇番呢段片…憶起我當年都曾經 (注意係“曾經”…隻歌依家仲鍾意o既, 但個人就…) 好喜歡呢隻歌, 同埋當時唱隻咁簡單o既歌都到走晒音但我反而好鍾意o既清純梁詠琪 (當時居然係支持佢, 而唔係我後期好喜歡o既千fa)…oh, those were the days!