2012年11月11日星期日

11-11(sun) 大太監


台慶大劇”大太監”…相信真係幾高質素o既, 同埋個cast, 求其拆開佢都可以開5套劇…不過眾所周知我唔太喜歡睇古裝劇, 尤其係宮廷劇, 太heavy囉! 我只係想講, 黎耀祥同陳國邦真係幾似樣⋯廿幾年前已經咁覺得⋯當年陳國邦做”燃燒歲月”o既年青版劉青雲, 黎耀祥做”人在邊緣”o既曱甴….我仲幾乎以為佢哋係同一個人! 估唔到廿年後, 個style依然幾似!


另一個“亮點”係蔡淇俊個角色居然係以前好得意o既童星東東張裕東配音…咁搞笑! 但蔡淇俊唔係講唔正廣東話呀? 點解要配音呢?!


上星期WhatsApp上瘋傳有關「三色台」男女藝員車震的短訊,指有警員在八鄉「照田雞」檢查一路邊車輛,發現一對男女藝人衣衫不整,其中一對被傳涉事的是鄧梓峰及吳綺莉。鄧梓峰在微博上高調否認,表示是「非常離譜的鬧劇」,及後再發微博指有關短訊内容完全失實,並指傳播有關「不實及誹謗性的報道,均需負上法律責任」。女方同樣否應事件。


但最好笑係呢段…”有網民表示傳聞與鄧梓峰形象不符,亦有網民高呼「你真識食」,又笑言他「殺龍巴斯」的外號暗藏玄機,或他們是繼《雷霆掃毒》一劇合作後開拍續集「《雷霆掃黃》」”


本來4, 5年前我係好鍾意睇”福祿壽”的…直至佢哋2010年同pizza姐o個個節目 (除咗pizza姐每集高歌o個part)都好好睇…但做到第n次真係呢…個“萬千升呢福祿壽”節目…唔係話太差, 不過真係好yim悶! 點解tbb永遠都唔明見好就收的道理?


依家下午兩點幾tbb重播番d未o係翡翠台播過o既劇…o係亳無expectation之下又幾好睇喎…之前o既”肥婆奶奶扭計媳”, 仲有依家播緊o既”我外母唔係人”都唔錯…哈哈! 播多d呢d倉底劇都幾好呀!