2-12(tues) 天真論

“疑似”事件去到呢個地步, 已經唔係要討論誰對誰錯 (因為已經討論得太多), 反而想講o下係由呢件事件學到o既其他o野…例如點去應付危機, 甚至轉危為機!

其實阿mani都幾慘, 阿嬌搞出o黎o既o野, 佢就要幫佢諗方法補鑊…不過呢d都係金牌經理人o既最大用途! 阿嬌個記招都高招呀, 搵晒鷹王旗下o既藝人出o黎掛名撐場, 乘機仲可以宣傳埋旗下其他歌手添!

不過都估唔到阿嬌咁快復工…其實又係o既, 快好過慢, 愈唔出o黎就愈傳得多o野, 所以佢公司都係醒…d公關公司幫佢計過唔錯得去邊o既!

好! 去片…


(Now News 鍾欣姛記者會 2008年2月11日)

就咁…認唔認其實無咩分別, 因為真相太明顯, 亦都無需要刻意去講到好explicit咁! 勇於“認錯”(唔知認“天真”同“傻”算唔算喇?!) 反而可以搏到d同情分, 都話d公關計過度過唔錯得去邊, 唯一係o係呢個情況下唔應該笑得太開心...雖然要表現堅強樂觀勇於面對, 但o係呢個情況咁笑法好奇怪…好明顯佢背稿背得好辛苦, 咁短o既script但每一個字都驚講錯o野…唔講咁多係o岩, 因為講多錯多! 不設發問亦都o岩…因為根本都唔知可以點答! 以後全部鷹王藝人都唔再答就更加o岩…反正真係唔講好過講!

之前睇報紙話:
“阿 嬌 正 考 慮 屆 時 發 動 「 眼 淚 攻 勢 」 以 博 取 廣 大 市 民 的 同 情 。”
…我都以為佢會出喊招添! 個人認為呢招更有效…不過可能上次被“偷拍”事件出過, 跟住不停俾人用o係今次事件以作嘲諷, 所以費事再出呢招, 改以笑面迎人…但個人覺得o係呢個場合咁笑法有d怪, 無咩表情反而好d!

“資 深 公 關 尹 美 玉 認 為 ， 阿 嬌 昨 日 雖 然 沒 有 確 認 相 片 真 偽 ， 但 默 認 做 錯 ， 以 受 害 者 姿 態 出 現 ， 英 皇 的 公 關 技 巧 可 算 成 功 ， 「 佢 唔 係 認 做 錯 乜 o野 ， 係 件 事 已 經 發 生 ， 佢 被 狙 擊 ， 係 受 害 者 ， 面 對 危 機 ， 能 夠 塑 造 出 受 害 者 o既 形 象 係 成 功 o既 做 法 。 」

她 又 指 ， 若 阿 嬌 一 日 不 現 身 ， 傳 媒 只 會 繼 續 追 訪 ； 英 皇 今 次 選 擇 以 軟 性 手 法 解 圍 ， 算 對 公 眾 有 交 代 。 尹 認 為 不 安 排 記 者 提 問 ， 旗 下 藝 人 就 事 件 封 口 ， 做 法 正 確 ， 「 行 內 有 句 話 ， 叫 做 越 描 越 黑 ， 講 o的 唔 講 o的， 就 會 令 人 再 挖 落 去 ， 佢 輕 描 淡 寫 ， 釋 放 o左 件 事 ， 就 會 告 一 段 落 。 」”

其實我覺得佢o地最棋差一著o既係一開始o既“移花接木”言論, 仲走去備案, 呢個錯晒…明知係真, 唔回應係最好o既方法 (好似梁榮忠車震單o野, 一開始唔出咁多聲都好d, 佢一話記者屈佢, 咪即刻有短片出o黎囉)…依家俾人話報假案促請警方設查, 係咪lai o野呀?

至於你對於佢o地“天真論”有咩睇法…我相信意見會係好極端…鍾意佢o既人, 咪會覺得佢好勇敢, 好同情佢…唔鍾意佢o既人咪繼續會覺得佢一塌糊塗, 扮可愛, 講一套做一套, 私生活唔檢點囉…“真天真”vs“假天真”的論點, 大家可以參考番東方vs蘋果…因為兩者o既立場都好明顯, 仲要係成個集團都好一致…你睇東周刊同壹周刊今期封面取向o既分別已經知! 一個話佢勇敢, 對人歡笑背人垂淚, 另一個當然係講佢有幾咁淫亂同虛偽! 蘋果企呢邊我明呀…尤其因為前年o既壹本便利偷拍事件之後阿嬌的一番言論, 但係東方係咪全個集團都係羊生旗下o既呢? 我以為淨係東周添!

睇報紙呢d o野, 你buy邊邊咪睇邊份囉…如果唔係睇o左d完全“意見不合”o既報導就無謂啦! o係呢次事件, 我個人就會buy蘋果個stand多d…

呢段“真天真”都寫得好抵死…睇完會發出會心微笑…

呢期d報導/評論真係每篇都好抵死…救命:

隔 牆 有 耳 -- 祝 淫 照 風 暴 仝 人 ： 恭 喜 發 傻

不過最精警, 最中point o個句應該係: 「 大 家 鄙 視 的 不 是 你 的 放 蕩 ， 而 是 你 的 虛 偽 。 」 (仲不停有人勁forward呢句添!)…即係大家明白你個形象個公司幫你建立, 未必係你想o既…呢個完全無問題! 但係既然真人係同形象剛好相反, 之前咁多年答問題時其實可以避重就輕, 好過依家俾人揭發句句都講大話咪仲衰!

“在 昨 日 的 網 民 大 遊 行 隊 伍 中 ， 一 名 已 為 人 母 的 遊 行 人 士 說 ， 其 16 歲 的 女 兒 熱 捧 Twins 三 、 四 年 ， 看 過 疑 似 鍾 欣 桐 的 淫 照 後 ， 憤 而 棄 掉 所 有 Twins 的 唱 片 。 她 認 為 某 些 女 藝 人 的 行 為 ， 已 經 污 染 了 fans 的 心 靈 ： 「 我 個 女 就 話 大 個 女 ， 識 得 分 辨 ， 如 果 得 11 、 12 歲 o既fans ， 我 擔 心 佢 o地 會 模 仿 偶 像 ， 個 女 藝 人 真 係 教 壞 細 路 。 」”

d家長又係講得o岩o既…都唔知點同d小朋友解釋呢件事…雖然話係私人事/個人喜好o者, 但佢o地身為青春偶像, 言行好影響到小朋友/年青人, 所以相對地有社會責任, d學者話擔心今次事件令年青人有樣學樣, 覺得影呢d相無咩o野, 係個人自由…咪係…d家長同學校今次真係有排煩!

至於陳冠希…就真係唔知佢可以點拆呢件事喇…無論點回應, 都無人會同情佢!

“按事件發生地的香港法律，留存個人親密照片並無不法。惟眾所公認之道德規範：男女間之親密行為，雙方應共同保密。陳冠希非但保密不力(不具備電腦資料安全常識)，已嫁為人婦之親密檔案應該銷毀卻未銷毀，同時期與眾多「女友」有親密行為等等，將使陳冠希在事件之後的任何道歉與說明難為世人接受。”

“在 基 督 教 網 站 《 時 代 論 壇 》 ， 由 銘 恩 堂 主 任 梁 永 善 牧 師 主 持 的 時 評 式 專 題 演 說 「 永 善 亂 壇 」 ， 以 「 陳 冠 希 與 老 鼠 」 為 題 ， 批 評 淫 照 風 暴 男 主 角 陳 冠 希 有 錯 不 認 ， 避 走 外 地 ， 與 老 鼠 無 別 ： 「 陳 冠 希 透 過 短 片 認 錯 ， 但 係 說 話 全 部 充 滿 法 律 詞 彙 ， 佢 冇 真 正 承 認 犯 錯 。 」

梁 永 善 狠 批 事 件 中 的 男 主 角 與 多 位 女 性 發 生 性 行 為 ， 被 揭 發 後 一 走 了 之 ： 「 依 家 已 經 冇 人 再 質 疑 相 片 係 合 成 照 ， 陳 冠 希 將 責 任 歸 咎 於 擺 相 上 網 o既 人 ， o個 啲 人 係 值 得 鬧 ， 但 邊 個 先 係 始 作 俑 者 ？ 佢 事 後 即 刻 離 開 香 港 ， 好 似 老 鼠 咁 ， 咁 係 潮 人 咩 ？ 咁 係 冇 勇 氣 承 擔 責 任 ， 係 鼠 輩 。 」”

…十分認同! d女仔俾你玩死, 你仲一走了之, 完全唔係男人!

哎…依家d女星俾你搞到無覺好瞓…放o左出o黎o個d慘, 但係明知自己影o左但未放出o黎o個d仲慘…日日唔洗瞓, 唔知幾時到自己?! 不過真係估唔到陳思慧同佢都有“啦間”…睇睇o下佢個樣有d似陳嘉玲! 好多人問我佢係咪幫tvb劇集填詞o個個…我諗應該唔係o卦? o個個好似叫陳詩慧, 我諗係兩個人o黎!