2008年7月3日星期四

7-3(thurs) 甜言蜜語

放假睇o左少少“甜言蜜語”…其實都算ok好睇! 呢隻劇種我都ok...其實阿徐子珊真係靚o左好多, 似番佢參選港姐o個時, 但係唔知點解拍埋姚嘉妮度, 反而做配角o既姚嘉妮顯得仲靚過佢, 不過個角色就當然係第一女主角討好d啦! 公平d講句, 徐子珊都算有進步, 尤其係比起佢初期o係“女人唔易做”etc.o既演出…不過tvb今次安排佢做字正腔圓o既配音員, 又係玩佢, 事關佢講o野不嬲都lur lur o地…頭o個兩集o個個”掘金掘骨掘雞骨”佢真係講到lur晒脷, 反而佢配d卡通音就做得幾好…但係可唔可以唔好正經講對白時都用bb聲? 呢樣o野我真係好怕! 相比起上o黎反而姚嘉妮幾字正腔圓…其實以佢o既條件, 我又唔明點解佢做極都係配角…唔通真係港姐同亞姐出身”親疏有別”o既分別?

仲有, 我想問阿“o雪o雪o雪”蕭正楠點解忽然會出番o黎仲簽o左無綫? 佢唔見o左幾年, 我以為佢退出o左娛樂圈添?! 當同佢同期o既樂壇新人余文樂同埋juno都已經分別o係不同範疇經歷o左好多o野之後…佢又忽然出現番o係香港娛樂圈, 仲簽埋無綫做藝員, o個日7.1回歸show仲見佢同林峰+廖碧兒+鍾嘉欣做o左今年tvb “奧運之星”…都咪話唔勁! 世事無奇不有o既程度, 真係好多都係你估佢唔到…忽然令我諗番起當年o既"邪不能勝正"言論添…hohoho!

o係youtube又睇到一段少少經典o既片段…1988年“都市方程式”裡面成日係咁“烏龜戴眼鏡…”o既郭富城o既演出片段! 原來仲有林利添…唔睇番都唔記得佢有份做呢套劇…印象中就只係記得佢有份做我最鍾意o既“我本善良”裡面邵美琪同父異母o既細佬石家豪…


[經典回憶] 1988年 都市方程式 (當年郭富城部份演出片段)

講開林利, 前排睇到一篇林利o既訪問…都唔錯!

“變色龍”依然好好睇…我依然每晚都好唔夠瞓! 雖然d人開始變“奸” (又唔可以話好奸o既, 係為達目的不擇手段囉)…呢期我最欣賞係做張瑛個公人o個位嬸嬸…真係做得好好, 好抵死, 好神似! 依家每次見佢講o野都會發出會心微笑…佢講o野個語調同埋內容都好切合佢個身份同埋o個個年代…超抵死! 佢o係“大地恩情”好似係做九斤哥個阿媽…唔知我有無記錯呢?