2006年1月25日星期三

1-25(wed) 2005十大中文金曲

尋晚o係電台聽o左一半“十大中文金曲”, 居然連kellyjackie都有金曲反而hocc無?! 有無離譜o左少少? Kj小妹妹隻“迪士肥”o係網上係好紅, 但o係流行樂壇又好似一般咋喎! 連首超老套但又係網絡勁hit歌“老鼠愛大米”都有?! 睇唔出港台咁重視internet?!?!?!仲爆個冷俾新人男側田隻“好人”入十大…隻歌係幾好聽o既, 不過又係有d未夠班…不過港台最鍾意賴係爆一兩個冷…好似前兩年o既方力申! 好港台style…更港台style係熱捧佢o地最支持o既劉華…年年都力谷個傳媒大獎俾佢! Oh…btw, 聽完我都唔知今年傳媒大獎係邊個? 頭先去睇番港台網頁先知係陳eason!

Image hosting by Photobucket

另一個港台特色就係鍾意搵o個年o既其中一個新人做司儀, 然後俾個獎佢…當年係梁詠琪, 今年係周麗淇…niki o係tvb都無獎, 反而港台會俾個獎佢…真係匪夷所思! 不過又合理過toby?o既!

更騎呢係今年“金針獎”居然唔係頒俾人, 而係俾“香港中樂團”…其實無人qualified咪唔好頒囉!

Image hosting by Photobucket

仲有, Twins唱得依然難聽, 但都要讚o下佢o地, 真係進步o左好多! 反而前輩憶蓮做表演嘉賓唱歌就退步o左…太重鼻音喇…救命!

唔知大家有無睇金曲完o左之後楊千嬅回答有關雜誌封面“箍基陣”o既問題時o既回應 (miss o左可以睇番“娛樂直播”或者“東張西望”)…我覺得佢答得好好…好笑得o黎又答到問題! 不嬲都話佢唔喪笑時真係幾有腦…十年來睇佢d答問技巧, 真係覺得佢係唔簡單o個隻, 思維好清晰轉數又快…大家學o下o野啦!

“無賴”如常地入十大, 但無o左利孝和夫人以超沙聲讀出“無…賴”…真係失色不少! 佢呢句“無賴”簡直係勁歌總選當晚o既高潮所在…唔好笑佢, 我覺得佢其實唔係讀錯, 而係以“正音大使”o既身份教大家讀番o岩d字…哈哈! “賴”讀成“賴”…點會錯呢?! 係我o地膚淺o者! 即係好似“週刊”要讀“週hon”咁囉…真係好鍾意利孝和夫人! 佢o既fans“雙面依人”叫我搵一篇介紹利夫人每年o既佳作…但其實都不外乎係每年“台慶”時以超豆沙喉宣佈台慶密碼解碼方法…如 “3+6x5-2…”或者切蛋糕時問: “係咪切呢一度…?!” 但點都唔夠今年o既“無賴”爆笑…錯過o左o既朋友真係一定要去睇番!

Image hosting by Photobucket

另外, 唔好以為我會唔記得…o係“刑偵3”完結前一定要講…“萬千星輝星x輝”同學, 你一定係好似高婕咁俾人調o左包! 否則你點會連long play都唔知係咩? 更令人失望o既係你連蔡楓華“剎那光輝”事件o既來龍去脈都唔清楚…枉你仲claim自己係電視精?! 我一定要除去你“電視分部”department head的官職!

仲有, 前幾日見番d好耐無見o既同學, 佢o地居然問我呢期寫緊d咩稿, 又話有睇我個日記…仲要o翕o左d內容出o黎…實在令人太尷尬喇! 網絡真係一個好偉大又好神秘o既境界, 威力實在太大…你唔知有d咩人睇緊你, 而我其實亦都暗啞底睇緊好多精彩o既網上日記…大家有睇我呢度我好多謝大家支持…不過我要在此再次向大家呼籲: 請唔好o係我面前高談闊論我日記寫過o既內容…唔好再quote我…好令人“間介”o架嘛! 但係o係email/guestbook/msn/icq以文字回應我就無任歡迎…

相信大家都記得上年o個篇: "串謀令作者尷尬案"? 可知我係幾怕大家o係我面前談論甚至朗讀我o既日記…哈哈! 不過其實睇番呢篇o野, 我覺得最抵死+低能係尾段inspired by當時單案而寫成o既“判詞”…好低能!!! 但我好欣賞自己當年寫得出d咁o既o野!

頭先睇節目表, 原來今個星期日晚12:15重播好評如潮o既“2005翡翠歌星賀台慶”…勁! miss o左o既朋友記住睇喇, 睇過o既都應該再睇多次…因為我睇完都幾推介…留番重播完先講!

跟住下個禮拜“覆雨翻雲”又無啦啦調o左去10:00, 9:00就播歐陽波比同郭可盈套“施公奇案”…呢套應該好睇過“覆雨翻雲”o既, 至少笑o下o岩新年feel d! 仲有深夜12:15又做“難兄難弟”喇…雖然重播過n百萬次, 對上一次仲好似唔夠一年添…但呢套確係一套好戲, 又幾o岩新年氣氛…我諗經過9年後, 我都係時候再睇番!