11-8 (sat) 相逢何必曾燒衣

 剛剛過咗o既一個禮拜…全香港o既人彷彿一起回到最美好的八/九十年代…多得“老表, 你好hea!”, 令我哋呢代人o既集體回憶返埋嚟…好多六/七/八十後都表示睇到喊, 我都係其中一員…因為堅係感動o既, 尤其係等咗24年, 終於見番經典組合蔣志光同韋綺珊再現螢幕, 仲要合唱番最經典合唱歌“相逢何必曾相識”…真係要講句: 我最期待的畫面出現了!!!

呢首歌當年hit到咩程度唔駛我多講, 80年代尾/90年代初適逢卡拉ok興起…合唱歌大行其道, 再加上校長, 哥哥, 梅姐相繼宣布唔攞奬, 令樂壇改朝換代…各種因素造就咗呢首歌大熱…真係去到邊度都聽到! d小朋友 (包括我本人) 仲好中意喺電話對唱呢d合唱歌, 年青人就當然係去k唱啦…所以各六/七/八十後今次聽番佢哋唱呢首歌先會感觸成咁, 因為集體回憶堅係無得輸! 一聽前奏已經起雞皮...滾動到要哭! 我相信呢首歌好快會上番卡拉ok熱唱榜冠軍…真係: 也許一天可以嘅話, 准許我多愛一次~~~



仲要salute to王祖藍...如果唔係佢, 我哋無機會重拾當年的集體回憶...而曲詞唱俱佳o既蔣志光, 只會永遠俾人以為係一個普通甘草.......

…”蔣志光原本是創作歌手出身，其中包辦曲詞的歌曲有《相逢何必曾相識》、《舊朋友》等，雖然歌曲走紅，但可惜本人卻並未能一炮而紅，他其後認為自己「歌唱生涯經已完結」，故決定封口不唱，甚至連牽涉唱歌的綜藝節目，都拒絕演唱。由於他從不提起自己的歌唱生涯，因此令現今很多年輕觀眾都意想不到。直到2004年羅大佑在港舉行演唱會，蔣志光才再次上台獻唱兩人名曲「皇后大道東」。

去年蔣志光被王祖藍邀請拍《老表，你好hea！》，終於再次開金口唱歌，祖藍說：「我一直覺得蔣志光是TVB的滄海遺珠，他好有觀眾緣，為何沒有一部代表作？我們合作拍《食為奴》時問他：『我知道你說過不會再在幕前唱歌。』他說：『可以傾下。』結果我三顧草廬與他傾談，最後他心動，我就加重藥畀佢。今次我就將他與韋綺珊的《相逢何必曾相識》作了另一個故仔，足足橫跨5集，有笑有淚。好多90後唔知蔣老師識唱歌，我是真心想向他致敬。」”

仲有呢首咁抵死o既”相逢何必曾燒衣”…都係蔣志光自己填詞o架…

”我嚇你,其實你都想嚇我
問此刻世上, 一早嚇死有幾個
親戚親友好頭痕
尋日過世今日要出殯
好想我唱歌慰問
相逢何必曾燒衣
在這一息間相遇奈何橋
你請不必知道我是誰
無謂勁勁勁勁勁
勁勁勁勁勁勁灑淚兒"

唔search番都唔記得…原來我2006年曾經寫過一篇關於蔣志光的…

2006-4-21(fri) 蔣志光

因為睇番d舊雜誌, 居然發現蔣志光原來曾經係“風雲”樂隊o既成員, 我淨係知道鄭敬基係 (除o左“酒杯敲你個頭, 你阿媽話痛”之外, 佢仲有一首名曲叫“anita” (無意中發現o左呢首歌o既tvb版mv…女主角係余倩文!!!)…唔知點解我到依家仲好記得個旋律, 仲有我o個時聽呢隻歌成日都諗起梅艷芳添! 但我一路都唔知蔣志光都係“風雲”成員, 不過佢同鄭敬基係唔同年代, 鄭係第一代, 蔣係第二代…但兩個依家居然都無唱歌, 反而走o左去tvb拍戲!

其實蔣志光係我幾欣賞o既一個藝人, 做戲得, 唱歌得, 連作曲填詞都咁得 (不過佢自己話“相逢何必曾相識”作得好唔掂喎! 我就覺得好得喇…!), 所以走去search下佢d o野…睇到一篇關於佢o既article…(btw, 我幾個禮拜前搭地鐵見到佢…但個look好係一個中年伯伯…雖然佢事實都係!)

---------------------------------------------------------------------

當 還 有 人 記 得 蔣 志 光 曾 是 創 作 歌 手 ， 寫 過 唱 過 《 相 逢 何 必 曾相 識 》 、 《 舊 朋 友 》 等 金 曲 時 ， 他 卻 不 堪 回 首 ， 自 稱 今 日 對 音 樂 見 識 愈 高 了 ， 愈 不敢 再 出 唱 片 。 轉 型 做 演 員 ， 當 演 技 終 於 被 認 同 時 ， 他 卻 仍 留 戀 在 從 未 實 現 過 的 導 演夢 。 要 做 導 演 ， 他 清 楚 知 道 最 應 做 的 第 一 件 事 是 找 老 闆 投 資 ， 同 時 又 最 不 屑 去 幹 此勾 當 — — 對 自 己 要 求 太 高 ， 理 想 與 現 實 相 差 太 遠 ， 怎 能 不 寂 寞 ？ 蔣 志 光 是 虔 誠 教 徒， 在 圈 中 本 已 屬 少 數 ， 偏 偏 他 連 藝 人 之 家 （ 演 藝 界 基 督 徒 組 織 ） 也 合 不 來 ， 堅 持 更多 原 則 ， 孤 單 的 路 更 孤 單 。 《 棟 篤 神 探 》 中 的 史 高 拔 督 察 ， 公 認 比 主 角 黃 子 華 更 生鬼 ， 我 們 索 性 將 他 打 扮 成 《 傻 豹 》 中 的 彼 得 斯 拉 。 但 逗 趣 的 外 表 下 ， 現 實 畢 竟 不 是一 場 喜 劇 。

牛 油 麵 包

蔣 志 光 祖 籍 浙 江 寧 波 ， 父 親 是 典 型 的 上 海 裁 縫 。 小學 畢 業 後 ， 蔣 志 光 在 家 中 洋 服 店 學 過 幾 年 師 ， 發 覺 真 正 興 趣 在 電 影 ， 便 一 邊 做 片 場小 工 ， 一 邊 讀 夜 中 學 ， 學 好 英 文 睇 西 片 。

一 路 做 到 副 導 演 ， 參 與 的 都 是 獨 立製 作 ， 蔣 志 光 自 嘲 講 出 來 也 無 人 識 。 同 樣 由 低 做 起 ， 如 果 一 早 加 入 大 公 司 ， 總 較 易 闖 出 名 堂 ， 他 卻 說 ： 「 我 沒 行 錯 ， 正 因 我 揀 了 這 條 路 ， 比 人 行 得 慢 ， 經 驗 也 更 多 。」

後 來 朋 友 勸 他 不 如 憑 唱 歌 入 行 ， 會 較 易 獲 賞 識 。 於 是 唱 起 廣 告 歌 來 ， 模 仿 林 子 祥 腔 口 幾 可 亂 真 ， 唱 片 公 司 找 他 組 成 風 雲 樂 隊 ， 再 獨 立 發 展 ， 一 手 包 辦 作 曲 填詞 和 主 唱 《 相 逢 何 必 曾 相 識 》 、 《 舊 朋 友 》 ， 在 八 十 年 代 尾 至 九 十 年 代 頭 風 光 過 一段 日 子 。

流 行 音 樂 於 他 無 難 度 。 「 睇 得 準 賣 錢 的 音 樂 ， 不 代 表 就 是 自 己 滿 意的 音 樂 。 『 同 是 天 涯 淪 落 人 ， 相 逢 何 必 曾 相 識 』 的 一 組 音 符 ， 其 實 填 得 好 夾 硬 好 難聽 ， 但 因 為 這 十 四 個 字 是 名 牌 （ 白 居 易 詩 句 ） ， 融 得 落 歌 唱 到 出 來 ， 大 家 就 會 當 好叻 。 「 金 曲 獎 的 時 候 ， 不 能 話 問 心 有 愧 ， 但 成 個 人 真 的 很 『 空 』 — — ， 原 來 咁 就 叫 金 曲 。

「為 什 麼 歐 洲 的 牛 油 麵 包 咁 好 食 ？ 歐 洲 人 一 樣 識 食 海 鮮 食 大 餐 ， 但 他 們 很 早 已 認 清 最好 的 技 術 不 一 定 要 拿 來 賺 大 錢 ， 所 以 寧 願 將 心 思 花 在 平 價 食 物 上 。 等 於 外 國 隨 便 一個 街 頭 音 樂 家 ， 來 到 香 港 流 行 樂 壇 都 贏 晒 ， 但 是 不 是 所 有 人 都 必 要 行 這 條 路 呢 ？ 世界 不 應 該 只 得 一 條 路 。 如 果 我 繼 續 像 工 廠 啤 多 十 首 像 《 相 逢 何 必 曾 相 識 》 的 樣 板 歌出 來 ， 不 退 開 一 步 ， 我 對 音 樂 的 認 識 ， 不 會 像 現 在 提 高 。 「 還 有 ， 連 太 太 也 不 喜 歡 我 那 時 期 的 音 樂 ， 她 知 道 我 是 商 業 計 算 出 來 的 。 男 人 ， 怎 能 做 連 身 邊 人 都 不 欣 賞 的 工 作 ？ 」

音 樂 見 解 或 者 高 了 ， 但 發 表 的 平 台 也 隨 退 出 樂 壇 而 失 去 了 。 蔣 志 光 說 不 可 惜 ， 只 希 望 將 來 還 有 機 會 出 真 正 屬 於 自 己 的 唱 片 。

我 有 張 良 計

我 們 沒 有 荷 李 活 的 資 源 ， 但 能 不 能 有 荷 李 活 的 道 德 呢 ？

說不 可 惜 ， 總 考 慮 過 經 濟 因 素 。 那 時 礙 於 合 約 ， 歌 紅 了 卻 收 不 到 大 錢 ， 而 且 蔣 志 光 自言 一 早 看 穿 唱 片 業 將 式 微 。 「 唱 歌 為 我 帶 來 了 知 名 度 ， 我 便 馬 上 運 用 這 知 名 度 入 電視 台 ， 至 少 做 演 員 會 與 我 終 極 目 標 （ 做 導 演 ） 較 接 近 ， 結 果 我 都 花 了 十 年 時 間 ， 近年 才 總 算 被 認 同 為 性 格 演 員 。 如 果 死 賴 在 歌 手 身 份 愈 久 ， 轉 型 步 伐 便 更 慢 。 」 剩下 來 ， 畢 竟 歌 手 萬 千 光 芒 在 一 身 ， 這 是 性 格 演 員 永 遠 無 法 相 提 並 論 的 。 蔣 志 光 說 ：「 我 會 引 用 波 波 夫 的 名 言 ： 『 偶 像 是 虛 幻 的 ， 我 是 真 實 的 。 』 」波 波 夫 ， 今 屆 奧 運 游 泳 老 將 ， 老 驥 伏 櫪 ， 志 在 千 里 。

做演 員 ， 蔣 志 光 很 清 楚 自 己 不 夠 靚 仔 的 局 限 。 最 近 在 《 楚 漢 驕 雄 》 演 張 良 ， 肥 皂 劇 講楚 漢 相 爭 ， 主 線 離 不 開 劉 邦 項 羽 恩 怨 情 仇 ， 但 愛 讀 書 的 蔣 志 光 知 道 ， 真 正 創 造 這 段歷 史 的 是 運 籌 帷 幄 的 軍 師 張 良 ， 只 不 過 退 居 二 線 而 不 起 眼 而 已 。 蔣 志 光 戲 份 不 多 但做 得 很 興 奮 ， 因 為 張 良 符 合 他 的 演 員 志 願 — — 做 二 線 王 。

自 編 自 導 的 夢 ， 從 未 淡 忘 過 ， 已 到 了 落 筆 寫 劇 本 階 段 ， 是 一 部 懸 疑 片 。 他 甚 至 樂 意 不 收 劇 本 費 ， 但 打 死 不 願 放 低 尊 嚴 摸 杯 底 搵 老 細 。

「我 們 沒 有 荷 李 活 的 資 源 ， 但 能 不 能 有 荷 李 活 的 道 德 呢 ？ 道 德 並 不 虛 無 飄 渺 ， 可 以 是很 實 際 的 — — 這 麼 多 外 景 車 ， 為 什 麼 不 留 一 部 做 餐 車 ？ 道 具 部 什 麼 都 搭 得 出 ， 為 什麼 拍 外 景 時 不 搭 個 帳 篷 讓 大 家 抖 抖 涼 ？ 就 算 香 港 電 影 最 風 光 的 年 代 ， 也 從 未 替 員 工 take care 過 。 老 闆 盡 說 要 做 大 事 ， 但 這 麼 簡 單 的 好 事 就 是 未 做 妥 。 」

難 怪 他 的 路 依 然 漫 長 。

除咗感動位, 仲有笑位同抵死位…tbb今次不停咁自己抽自己...學網友捉穿崩位, 搵張繼聰做番自己“食為奴”個角色, 又惡搞羅樂林一日死5次vs張繼聰一日死7次…仲有飛簷走壁關禮傑, 古裝人玩手機…食肉有肉味…連“榴槤乜乜乜”都有...真係真預言家! 救命…笑死我!

更痴線係居然真係有人真係整咗林在野個”自投羅網”(www.zitaulomong.com)…同埋個網堅係會不停更新的! 救命! 好crazy呢! 不過我鍾意!

老表@芒姐再現:

2014-10-23 (thurs) 殭屍和我有個誤會

2013-2-2(sat) 老表你唱得好好嘢~~~

2013-1-21(mon) 老表你好嘢+我是歌手