2006年1月13日星期五

1-13(fri) “好勝gigi”

(續前篇)

原來大家真係對呢個topic好有興趣, 今日繼續講, 聽日都會繼續講…!

雖然“鄭伊面為o左鍾嘉欣同梁詠琪分手”呢段傳聞未經證實, 而且我傾向相信唔係真, 因為相都好似影唔到張, 同埋只係大家一路太想梁fing琪同鄭伊面散, 所以不停唱散佢o地!

不過, 呢單新聞都夠激死好勝gigi啦, 俾個更醜o既o靚妹話咁易就搶o左佢食到落口o個碗面…都係o個句: “歷史係會不斷地重演”…

當年邵美琪o係花o左7年青春, 年華老去時, 比質素差佢幾班o既梁詠琪搶o左佢碗面 (我當然係指大家同年紀時相比, 咁34歲o既邵美琪同23歲o既梁詠琪, 當然無得比啦…青春永遠係無敵o架嘛! [題外話: 今日無意中o係d舊帶度搵到蔡楓華 “愛不是遊戲”無線版mv, 居然係邵美琪做女主角!!! 我當年錄o既時候完全無留意到, 只係想錄番呢隻經典歌! Oh! 仲要係剛出道o既邵美琪…應該係最卜卜脆o既“皇上保重”年代…真係…好…靚…呀!!! 有咩可能靚成咁?! 而更抵死o既係, 如果我無認錯, 第一個scene應該係mcs出面…當時o既梁詠琪, 可能o係入面返緊小學! 跟住第二個scene, 居然去o左pizza hut, 九唔搭八, 可能呢個地方係當年o既“潮點”! 同埋原來呢隻歌真係咁好聽又咁鬼hit…唔怪知得佢入唔到季選蔡?華咁dum心, 仲講出“一失足成千古恨”o既說話!])…

Image hosted by Photobucket.com

…7年後, 梁詠琪又o係o徙o左7年青春, 年華唔算太老去o既時候, 又俾一個質素再差佢幾班o既鍾嘉欣搶o左佢碗面 (鍾小姐除o左青春, 真係好似全無可取之處…雖則佢爆冷奪得華裔小姐冠軍, 但係個樣真係不大靚, 仲嚴重爛面添…有n個親身見過佢o既朋友, 都同我講同一個comment, 佢o地直頭話連o係電視都好明顯見到; 咁我睇“隨時候命”o既時候, 係覺得佢塊面好多粒粒, 但就未至於爛面o既…不過上鏡化晒妝都遮唔到, 應該真係幾嚴重o下!)…所以, 你都不能不信“歷史在重演”, 同埋…“報應”呢兩樣o野 (都話呢個世界d報應真係報得好應o架啦)!

即使唔信係“報應”, “科學化”d去分析, 其實當初鄭伊健可以為o左佢而咁對邵美琪, 你都預o左佢總有一日會咁對你…呢個係佢o既practice, “始亂終棄”係佢o既嗜好! (同“賤男”梁榮忠單車震新聞一樣, 當年鍾麗淇做得梁榮忠同傅明憲o既第三者, 今日都會預o左梁榮忠會背住佢去偷食…所以佢無得怨, 亦無咩人同情佢!)

照咁睇, 其實衰o既應該係鄭伊面呀, 咁點解, 人人都傾向憎好勝gigi多d?!

咪就係因為佢“好勝”囉 (btw, 睇番d報導先記得,“好勝”呢個term其實係鄭伊健第一個講o既, “生日會”事件後, 佢接受訪問講到梁詠琪o既為人, 口快快話佢好“好勝”, 第二日,“好勝gigi”呢個名就誕生o左, 仲要用到依家, 咁多年大家都覺得好o岩feel! 所以話, 同親鄭伊面一齊都無咩好o野…呢個人太?豬?喇…真係邪!)…份份報紙都portray到佢有咁cheap得咁cheap, 又where爛塊面…又話佢寧願唔出席頒獎禮, 精心策劃逼婚大計, 點知悲劇收場, 賠了夫人又折兵, 最終得番個桔…不過可能去日本旅行只係佢唔出席頒獎禮o既借口, 反正去到又?唔到獎或者只係得個豬肉獎咪仲樣衰!

Image hosted by Photobucket.com

其實可能反而唔係鄭伊面飛佢而係調番轉, 但係點解份份報導都要一面倒寫到佢俾人飛, 或者講到佢逼婚嚇到鄭伊健走夾唔抖, 又話佢犯眾憎, 鄭伊面同佢分o左手又要即刻同父母慶祝, 個個朋友又拍手叫好咁…咪就係因為佢人緣差, 克人憎囉! 因為事件內情永遠都無人知, 要寫都會寫d大眾傾向相信o既版本啦…所以個個記者都咁唔buy佢, 佢人緣一定有d問題, 一早就應該檢討o下!

至於個“逼婚大計”…係真又好, 唔係又好, 好勝gigi o係傳媒或者觀眾眼中從來都係一個咁攻心計o既人…如果佢原來唔係d咁o既人, 咁我覺得佢更加要檢討o下, 點解佢o係人人心目中個形象都係咁差…否則即使傳媒要作故仔, 都唔係一定要寫cheap佢, 可以寫衰鄭伊健o既o者…都話如果一個人唔受歡迎, 佢一定有一d問題, 唔會永遠只係人o地誤會o左佢!

Image hosted by Photobucket.com

上次“奪面雙琪”事件, 其實你都唔可以話梁詠琪做o既o野係好唔o岩, 如果話處理得差, 相信個責任o係鄭伊面度多d…如果佢o地講o既o野係真 (即鄭同邵分o左手先同梁一齊), 咁其實係完全無問題o架, 但係鄭伊健遲遲都無宣佈佢同邵美琪已經分o左手, 跟住仲不停俾人影到佢同梁詠琪偷會…到最後發生核突“生日會”事件…好明顯係鄭處理得差! 但係點解報導又係一面倒寫衰梁詠琪? 咪又係因為佢同傳媒關係唔好囉…你平時對人差, 人o地梗係o係你落難時踩多你兩腳啦! 經過上次你都唔識檢討o下, 改o下你o既態度, 真係無人幫到你!

(待續)