2009年3月14日星期六

3-14(sat) 新紮師兄

呢期睇開“學警”, 又見到林利飾演天哥, 不期然令人諗起佢o地小虎隊o個首經典名曲“伴我啟航”, 亦更加令人諗番起“學警”o既”祖先”~~~”新~紮~師~兄~”! Yo!

呢套係真經典…雖然“學警”係佢o既後代, 但sorry…又真係差好遠…不過“學警”都已經算係近期比較好睇o既一套劇!

嘩! 睇番呢段“新紥師兄”片頭, 再配上當年無人唔識唱o既“拿jar~~~不怕海龍王” (雖然我細個時覺得呢句歌詞好好笑)…真係每一個畫面都好深刻…一聽到首歌再睇埋段片, 真係有“想喊”o既衝動…因為又係o個句…回憶返埋o黎…好似返番去4, 5歲o既時候咁…真係those were the days喇~~~!

杰佬, fit佬, 高佬泉, 好姐, 穎之, 嘉汶…全部都係我o地o既好朋友…呢套劇84年首播時, 我真係有睇過o架…當然之後亦o係唔同時段睇過好多次! 第一次睇o既時候雖然好細個, 但唔知點解好多場口都好記得, 好似杰佬帶穎之去配con, 仲有一幕o係餐廳分手o既場面(?!)…唔知點解當時已經好深刻…仲有穎之個巴渣妹…唔知點解又係好記得…不過佢真係做得幾好!

回憶返埋o黎之…”新紮師兄”…


至於第二輯, 個人而言, 我覺得無第一輯咁好睇, 但都尚算唔錯, 仍有”新紮師兄”o既感覺, 好過第三輯o既人面全非!

雖然好多人都buy朝偉同華倩呢一pair (現實中我都係覺得佢o地十分相襯, 同埋我幾buy曾華倩真人…又係轉數快講o野啜咳o個種…雖然80年代o既佢完全唔係呢個形象, 係嬌滴滴嗲聲嗲氣我最唔buy o個隻)…但o係”新紮”裡面我都係最鍾意睇朝偉+曼玉…所以到第二輯佢同o左巧兒我麻麻地鍾意睇! 反而我更鍾意韓賓同巧南 (戚美珍係咪叫“巧南”?)o個段…雖然任達華係奸角, 但佢個角色ok型, 同阿巧南亦ok襯…仲有最記得係後尾唔知係巧兒用一把用o黎做擺設o既大叉殺死韓賓, 定係韓賓殺死巧南?! 總之o個把大叉嚇死小時候o既我…

而第二輯由朝偉主唱o既主題曲亦都唔錯…“堅~持~心中理想~”拍得住“拿jar~~~不怕海龍王”咁經典喎…又係一睇就回憶返埋o黎! 而片頭梁朝偉同任達華一齊企o係度等上司頒獎盃, 點知上司頒o左個獎盃俾任達華而唔係梁朝偉o個幕…又係好深刻…一睇番就記得!

Btw, 其實objectively, 我真係認同幾年前o既唱k係有d朝偉年青時o既感覺 (朝偉迷一定打死我…:p), 所以05年”學警”一開始選角時揀o左佢…我係覺得幾合理o架喎…但唔知點解佢o係呢幾年就完全無晒o個種感覺...

回憶返埋o黎之…”新紮師兄2”…


到停o左幾年再拍第三輯…sorry, 人o地好似叫”新紮師兄1988”而唔係”新紮師兄3”…但無咩所謂, 呢套對於我o黎講真係可睇可唔睇, 人面全非, 故事都怪怪咁…不過通常拍到第三輯都係怪晒o架喇, 好似“刑偵3”之”我真係咩都唔記得…”…但反而“學警3”又出奇地ok喎…可能因為已經當o左佢係另一套劇咁睇!

其實”新紮師兄1988”如果當係一套全新o既劇咁睇或者都ok 既…不過我都無咩印象佢係講咩喇, 只係覺得都唔係o個回事…穎之又無o左, 巧兒又無埋…淨係得番杰佬一個力撐…拍到第三輯, 真係變成“雞肋雞肋”啊…

而呢隻主題曲(定係插曲?)…對我o黎講亦都係幾乎全無印象…不過for the sake of completeness, 我o地都睇埋佢啦…

回憶返埋o黎之…”新紮師兄3”…