2012年3月26日星期一

3-26(mon) 黃凱芹25週年演唱會 + 洪天明&周家蔚@張家界...

無錯…我又去咗睇黃凱芹演唱會…原來今次係慶祝佢25周年, 我都係去到先知! 前年o係毫無寄望下去咗睇佢o係九展開o既演唱會…居然好有驚喜…除咗佢d金曲, 仲發現原來佢講嘢真係好好笑, 轉數好快! 仲有仲有, 上次係有勁多九唔撘八的嘉賓, 但d嘉賓又好令人有驚喜!

今次就有預咗會有o既“流離所愛”余劍明, 同埋chris o既最佳拍檔周慧敏, 最"驚喜"算係事先張揚的梁雁翎…但每個嘉賓只係唱一首合唱歌, 連自己歌都無得唱吓…本來真係唔緊要o既, 可惜chris其實唔夠hit歌, 一開始佢唱晒最hit o個幾首, 都替佢擔心…到中段就真係開始悶喇…其實應該將d hit歌spread開d囉! 總括o黎講係無上次咁好睇o既, 入座率亦只得八成…不過點都要支持吓佢o既!

唔search番都唔記得, 原來除咗前年個九展concert, 我仲睇過一次04年chris的concert…我自己都估自己唔到…黃凱芹夢幻傾情演唱會1 &黃凱芹夢幻傾情演唱會2…hoho!

點都要播番首經典hit歌o既…黃凱芹+余劍明"流離所愛"…就算分開仍然能相愛,你願永遠等待...


o係報紙睇到呢段…堅好笑囉...


難避追訪委屈現身

天明喪鬧Chester期間,家蔚躲到錄影廠外避席,再現身時一臉委屈尷尬,她說:「我同天明講明唔請前度,當晚見到Chester,我都問佢做乜喺度,佢話係我表弟叫佢嚟,期間佢整跌杯水,整濕我件衫,我知佢係唔小心。本來想大事化小,但我尊重老公。(幾時拍拖?)我選完港姐冇耐,表弟介紹下,同Chester拍過半年拖。分手係佢提出,因為我哋辯論,我唔同意,佢就提分手,後來佢要復合我都拒絕。(乜嘢題目咁緊要?)『人喺呢個世界究竟有冇自由呢?』。」


其實我一路都想講但一路都唔記得講…洪天明同周家蔚呢段戀情一開始我就印象好深刻…話說佢哋因為一個好似係張家界o既大陸旅遊特輯撻著…其實當時我睇呢個旅遊特輯, 已經覺得佢哋好"有路"…事關呢, 首先我係好少會好認真咁睇旅遊節目, 但因為o個期上唔到網, 咁我就少有地好專注咁望住個電視, 咁啱就做緊佢哋兩個唔知撘吊車上咩山o既節目…唔知點解係一睇就會覺得佢兩個好眉來眼去好sweet咁, 從來睇旅遊特輯好少會有呢種感覺…但又明明o個時睇報紙係話佢兩個都有另一半o架嘛…咁之後我就無咗作事!

點知無幾耐後我睇報紙…真係話佢哋因為拍呢個旅遊特輯撻著咗, 仲搞咗個多角戀…由最初唔認, 到最後相繼飛咗另一半o係埋一齊…到咗今日仲結埋婚添…又係估佢唔到!

所以我對於呢個旅遊特輯印象好深刻, 一路記到依家! 每次睇佢兩個d新聞, 都會諗起呢個節目…唔知tbb會唔會重播吓呢?! 同埋, 我想話…原來撻著真係有樣睇…呃唔到人! 連九唔撘八的人睇旅遊特輯都睇得出…haha!

好奇走去search吓…原來真係張家界…仲有咩"二人同到當地的廟宇求姻緣,當時洪天明居然將自己和周家蔚的名字寫在一齊示愛,在場工作人員對他“肉麻”追女行徑為之側目。"…wahaha…媾女王果然係媾女王…睇番呢d舊聞…又幾搞笑! 不過d人講得啱, 愛情從來都無話先定後或者啱定錯, 只有愛同唔愛…咁佢哋依家都好sweet呀! 祝福佢哋白頭到老!



年前洪天明大方公開模特兒女友Lillian身份,兩個經常手拖手到處去,甚至連老爸洪金寶都見過準媳婦,大讚對方人品不錯。感情穩定,洪天明還定下兩年內結婚生仔大計,以為“追女王”定性收山,怎知事隔半年,本性又再現形。

半年前,洪天明聲言會同Lillian結婚,怎知轉個頭又說感情有變,還一腳踏兩船。

上週三晚(2008年1月16日),陳敏之在銅鑼灣搞廿九歲生日化粧舞會,洪天明丟下女友,同06年港姐亞軍得主周家蔚一起現身。為怕偷食真相曝光,他居然教女方用衫罩頭拉衫尾鬼祟離開,狼狽舉動,似足警方“掃黃”行動。

一腳踏兩船

洪天明自從同“千億媳婦”徐子淇分手後,感情生活以食散餐為主,直到06年才公開與Lillian戀情,兩口子還打算兩年內結婚生仔。今年1月1日,洪天明為未來老婆舉行大型生日派對,在他有份投資的酒吧內廣邀親朋。

以為“追女王”一鳥在手,便放棄森林修心養性,想不到,近日他竟與06年港姐亞軍周家蔚暗地拍拖,一腳踏兩船享齊人之福。

上週三晚(16日),洪天明與周家蔚先後現身銅鑼灣出席陳敏之的生日化粧派對。當晚沒女友在身邊的洪天明,十足甩繩馬騮整晚與周家蔚狂飲狂劈說悄悄話。兩杯到肚,周家蔚向洪天明大送秋波。

玩到淩晨六點,開心了整晚的洪天明,在後門步出時見到媒體,居然花足半小時口水,苦苦哀求對方收工不好拍,然後截定的士,走去正門等人。
女友嚎哭

正門後門都有記者,眼見無路可逃,洪天明於是自度屎橋,先找來女友人做掩護,繼而叫周家蔚用衫罩頭,然後拉住自己衫尾跳上的士離開。

以為見腳不見樣便神不知鬼不覺,可惜周家蔚腳上所著的長靴,同早前她出席“TVB高清數位廣播全面看”揭幕禮時已曾亮相,加上場內耳目眾多,偷食事實不攻自破。

“那晚天明同周家蔚玩得好好,別人走過去聊天,他們都不理!周家蔚知道天明有女友,所以怕被人拍到說她是第三者,加上又驚自己飲到面紅紅會被公司罵,所以天明教她用衫笠頭,她想都沒想就照做!”知情者說。

風流快活何止被撞個正著,更有人向Lillian即晚通風報訊,搞到未來洪太在夜場內哭到收不到聲。

張家界拍拖

其實二人暗地來往早有前科,較早前,洪天明與周家蔚合作主持旅遊節目《美景湘輝》到張家界拍特輯,二人更同到當地的廟宇求姻緣,當時洪天明居然將自己和周家蔚的名字寫在一齊示愛,在場工作人員對他“肉麻”追女行徑為之側目。不到三個月後,周家蔚居然“玩認真”,飛甩自己男朋友,決定纏牢洪天明。

對於一腳踏兩船,洪天明死口不認,只承認跟Lillian感情生變,他說:“同她有問題啦,好複雜,私人的事就不想講,結婚是一直有想,但都要可以才行,不過我不是同周家蔚一齊!那晚同她一齊走?我不記得了,我連自己玩到幾點都不記得!”


weekend睇番少少"東西攻略"…雖然有d笑位, 但整體都係ok悶…呢d真係唔係我杯茶! 郭晉安點解自從阿旺之後做親呢d輕鬆角色都有阿旺o既影子?! 同埋陳法拉d廣東話點解好似又差番? 定係因為今次有太多對白所以暴露咗佢呢個缺點?! 聽得人好辛苦!

反而深夜的"學警狙擊"好睇好多, 又緊張刺激...不過我唔知點解失憶一樣, 唔記晒d劇情囉…連有陳茵媺做我都完全唔記得! 不過都好, 可以當新戲咁睇…hehe!



係微博見到呢幅轉圖…哈哈! 呢張真心有heart又有才囉…