2005年12月6日星期二

12-6(tues) 刑偵之私人珍藏3

其實仲有一段刑偵k-100珍藏未公開, 係幾無聊o既…最老套o個隻…臨尾集觀眾力量一齊大聲叫:“jessie快d醒番啦!”就係咁樣…佢就醒番喇! 原來呢套劇當年係有平均34點…o係o個個年代算好勁o架喇…係最高收視o既五套劇集!


Image hosted by Photobucket.com
(第三段: 觀眾一齊大聲哎番醒車匙***私人珍藏, 純粹為公諸同好…版權屬tvb所有***)


睇無線o個個節目巡禮, 原來下年又有大勇同車匙一齊擔o既重頭劇, 叫“雙城記”…不過到時仲係咪由佢o地做就好難講, 事關依家車匙好似辭演無線另一套大戲“太極”而俾無線雪…隨時被飛出局啦!

“《雙城記》: 重現《創世紀》風采
主演:鄭少秋、郭可盈、吳啟華、陶大宇
這是一部欲重現當年《創世紀》之精彩的百集長劇,以港澳為舞臺,刻畫一個大家庭的起跌盛衰。主要演員都是成名已久的老資格藝員,除了重用時下風頭正盛的郭可盈之外,三位男主角也是飾演風流才子與企業界精英的經典人選。劇中將“人性惡”再次放大,製造全城轟動的話題。

故事大綱: 一個源起於澳門,發跡於香港的大家族,經歷香港回歸、澳門賭權開放等歷史動蕩。家族為一洗頹勢,希望在澳門這一片天空重新打拼,但家族中各人經歷這幾年困境低潮,人人自危,爆發出一輪愛恨情仇的鬥爭。”

前日o個集“三個A Cup的女人”有葉璇訪問…都幾好睇, 幾好笑, 仲幾大膽添! 呢三個女人其實講o野都幾抵死…尤其毛舜筠, 講o野啜核得o黎又幾不慍不火…真係估佢唔到! 佢o地仲預告下星期會有張??訪問, 叫江欣燕作好準備去訪問佢個初戀情人…大家記住留意!

仲有, 依家亞視朝早5點半做緊一套叫“天橋”o既戲…見到有林偉同埋朱慧珊等…有無人知係咩戲o黎o既呢? 我以前都好似o係同一時段見過重播呢套劇, 但都無咩點睇過! 其實都好似幾得意o下, 應該係80年代中期o既戲, 好似幾年前重播過一套由85年亞姐擔綱o既“群芳頌”, 隻主題曲仲係用亞姐o既主題音樂再譜上歌詞添!

前日又睇到“名曲滿天星”葉振棠唱“戲班小子”主題曲…仲播番d片段, 見到主角董瑋…令我諗起上年o既演藝人協會“董瑋戲班小子事件”…哈哈哈!

好多謝alison報料, 話我知原來林保怡未返番香港出唱片之前 (即廿年前), 係o係唔知加拿大定係美國返o黎…唔怪得知佢d英文咁好啦, 講得仲好聽過o係澳洲回歸o既陳豪!

原來o係“隨時候命”?面, 最終鄭伊健會同鍾嘉欣, 林保怡反而同o左佘詩曼, 咁楊思琦即係會同黎諾懿啦…又會咁感情大兜亂o既?! 不過睇呢套戲個款, 都仲有排做…唔搞o下呢d大兜亂可能拖唔到咁多集呢!