2-15(sun) 豬肝補氣結局篇

話說“豬肝補氣”做o左四個月, 終於做完喇…我對此感到非常高興…因為呢套劇對我o黎講都真係ok悶! 對“學警”第三輯其實無咩期待, 事關d年青主角居然係形象已經無可挽回o既江若琳, 仲有同第一輯時人氣相差十倍的唱k…又無埋我幾buy o既楊怡, 好彩“老一輩”的幾吸引…三哥當然型到爆, 久違了的海味亦都係吸引我睇呢套劇o既原因之一!

“豬肝”o既慘敗, 我諗第一係佢真係太長, 香港電視劇其實係不能太長 (我唔係指七十年代啦o下…o個時套套都近一百集, 收視依然爆燈), 上一套有咁長o既應該係“創世紀”, 仲要已經分開兩截o黎播, 但首播收視依然仆直! 幾年後深宵重播大收係另一回事, 早前已經分析過唔再repeat喇…!

第二我諗係太heavy, 死人就唔算死得太多o既, 但劇情係慘情居多…咁當然, 咁多集o既長劇,唔死o下人塌o下樓我害o下你你害o下我又係唔得o既…但太heavy觀眾係唔多接受, 尤其o係呢個經濟不景大家心情不大好o既大氣候裡面!

第三係對白太深…唔係話深到唔明, 但係係太多含意太多twist, 要咀嚼一番, 唔係一聽就明…之前唔記得聽邊個講過, 電視同電影的分別, 係電影你可以整多d懶有深度o既對白/情節落去, 因為入場睇電影的觀眾係會concentrate一d, 同埋要求o既o野都唔同…而電視的觀眾層面比較度, 你可能食食o下飯/洗洗o下碗咁一邊睇套劇 (而我就通常係上上o下網啦o下), 即係未必會好專心一致咁去望住個電視, 你d對白仲要人反覆思量先消化到o既, 係會令人失去興趣…你估真係套套都係“妙手”/”一號皇庭”咩?

我個人o黎講就只係覺得套劇幾悶囉, 同埋無咩邊條線可以吸引到我追睇…本來大妹+高長勝+阿東o個段係比較有趣, 但後段都麻麻o地喇…不過司棋姐做老人痴呆o個段真係做得好好! 尤其係最尾o個幾集佢睇番自己未病前錄低俾自己睇o個段片, 再好辛苦咁扮無事o黎教訓三姊妹要相親相愛…o個段做得好好!

至於呢期幾單轟動娛樂新聞, 真係愈揭愈騎呢…“魔術鹹豬手”/“觀音娜開口夾著脷”/“黃長髮忘年戀”…搞到日日娛樂版都好忙! 至於我o既“見解”…其實無咩見解可言…我個人就覺得, 好多o野都係“空穴來風”, 尤其娛樂圈o既o野…但洗唔洗咁講晒出o黎, 就真係…um…!

觀音娜事件…我相信佢講o既o野真有奇事都唔出奇…但對於佢無啦啦咁爆出o黎真係百思不得其解…你估真係湊熱鬧咩? 唔通真係身材好會無腦? 又唔係o卦?! 但佢已經唔止一次“開口夾著脷”…無理由佢做任何事之前都唔會諗後果o架? 係就係可以爭到版位, 但係佢咁樣一爆係一定輸晒o架喎…

1) 如果真有其事...未必有人肯認係受害者, 而tbb亦會同佢擘面; 2) 如果根本無呢件事…你作到咁大, 實死硬啦…苑仔都係話人搏懵o者, 佢講到係企圖強姦咁滯喎…警察都要介入啦!
所以無論事實係點, 佢都一定會lai o野…佢又真係唔似咁傻喎! 費解費解! 有無人可以話我聽?

不過我都唔想無綫永不錄用佢, 其實佢玩遊戲幾放幾好笑, 做戲都唔差…佢只係做過“酒店風雲”同埋“律政新人王2”, 兩套都做得幾好…咁就玩完可惜o左d呀…!

Oh, 原來由今日開始一連3個禮拜會做肥姐同驃叔o既“富貴逼人”, “富貴再逼人”同埋“富貴再三逼人”…細個好鍾意睇呢幾套戲, o係戲院睇完仲要仲帶睇…, 真係唔知點解? 不過的確係賀年佳品囉!