2006年2月26日星期日

2-26(sun) 神鵰俠侶/The Return of the Condor Heroes (上)

其實呢篇幫yesasia寫o既稿都出o左一段時間, 但係一路都未有時間去介紹…再次強調我係無收commission o既, 只係有收稿費, 但對自己o既作品, 點都要幫佢宣傳一下!

Image hosting by Photobucket

之唔係“千呼萬喚始出來”o既“神鵰俠侶”中英文版囉…之前都有o係呢度提過, 仲幫ya o既編輯們整o左張“Q版神鵰合成照”搞o下笑…因為佢話今次出o既神鵰係情人節特別版嘛! 睇電視宣傳話有好多紀念品+製作特輯送添…仲要係首次推出中英文字幕足本dvd珍藏版, 神鵰fans可能會喜歡! 可惜我唔係呀…!

亦因為我唔係神鵰fans (大家都知我buy時裝劇多d, 反而無咁buy古裝劇…一般人都係同我相反o架嘛), 其實寫起上o黎都有d難度, 因為d情節我都唔係十分記得…所以要o係網上做好多資料搜集先寫成! 但亦因為網上有太多神鵰fans, 我驚寫得太差又會俾人鬧啦!

Image hosting by Photobucket

更難度高o既, 係我今次學人寫埋英文…但正如我之前提過, 我好少睇英文雜誌, 所以更加唔知點寫呢種娛樂性質o既英文稿, 你話叫我認真咁寫篇essay都容易d呀! 所以我都有叫朋友幫我proof read下, 睇o下個style得唔得?!

不過o個位朋友居然話佢一d都唔覺得83版o既神鵰經典, 又話唔覺得劉華做得好, 仲鄙視我話支持劉華 (我雖然唔係劉華fans, 但呢套佢係做得好嘛, 同埋楊過呢個角色的確係佢最o岩做, 而佢同陳玉蓮o既配搭又的確係最經典, 最無懈可擊…我寫o個d內容, 其實全部都係發自內心o架喎!), 所以我只可以話: 佢無taste! 哈哈哈!

即係咁, 基本上每人都有唔同喜好o既, 我都尊重佢o既喜好, 但係呢套係最經典o既“神鵰俠侶”, 又的確係無容置疑呀嘛?! 劉德華同陳玉蓮o既楊過與小龍女真係…誰..能..代..替..你..地..位?! 可能因為劉華真係暗戀陳玉蓮, 所以先可以做得咁逼真! 仲有成套戲o既chemistry同埋蕭笙叔o既功力, 真係一個字: “近”!

Image hosting by Photobucket

雖然好多劇情我都唔多記得, 因為對上一次睇, 可能已經係十幾年前, 仲要唔係好認真咁集集睇…再對上一次, 或者已經係佢83年首播o既時候…但因為o個時只得幾歲, 印象極度模糊, 淨係記得隻幾粗製濫造o既鵰兄 (但就係鍾意佢粗製濫造!), 同埋將手擘塞入灰色衫?面o既肥華dee扮斷臂, 仲有o個兩隻真係幾好聽+到依家去k仲好鍾意唱o既主題曲“何日再相見”同“情義兩心堅” (其實鍾意呢隻多d)! 所以分別o係“五虎”同埋“神鵰”兩篇稿, 我都有提到呢兩首主題曲!

記得小學時代好似有重播過呢套劇, o個時唔知o係邊度可以搵到主題曲o既專輯, 有日行過馬寶道見到有兩位主角o既劇照做封面o既casette tape, 仲即刻買o左…點知返到屋企一聽, 原來係口水歌…o個時真係好鬼興口水歌, 不過都幾好聽!

好彩身邊有好多朋友都係神鵰o既超級fans, 成日同我discuss, 所以好多資料都可以問番佢o地, 有d朋友仲連當年個製作特輯都錄埋, 真係勁呀!

中文版:

In Association with YesAsia.com


英文版:

In Association with YesAsia.com