2006年1月28日星期六

1-28(sat) 年廿八, 洗邋遢

廿八終於的起心肝進行我o既“小掃除”, 但搞到年廿九都未搞掂! 近廿年無掃過, 係咁上o下…真係好佩服d人可以一日搞掂晒! 以後真係一年應該掃一次, 如果唔係累積o左廿年真係唔知點搞?! 所以話, 中國人真係好有智慧, 整個咁o既“年廿八, 洗邋遢”習俗…其實只係提醒大家每年都要執o下o野, 否則“一發不可收拾”!

無法…我個人講得好聽d係太念舊, 咩都唔捨得dum, 所以儲到成屋都係o野, 尤其係d舊雜誌…好珍貴! 我寧願dum教科書都唔捨得dum舊雜誌…何況我連教科書都未捨得dum, even幼稚園d書都仲o係度! D朋友成日問我咩都唔捨得dum屋企係咪有三千呎? 就係無, 所以咪無位行囉!

於是, 我就開始o左呢個咁偉大o既執拾工程…真係好偉大! 仲要開始o左一半又唔可以半途而廢…依家洗濕o左個頭, 分分鐘搞到初十五都未搞完! 不過執乾淨o左d o野又真係幾有滿足感, 尋晚?覺時忽然好有一種o係英國剛搬入新hall o既感覺…開晒d窗o係度吹…好refreshing囉! 同埋不停咁思考每樣o野應該擺o係邊, 個腦停唔到, 搞到?唔著…人往往就係為d咁芝麻綠豆o既事而好煩惱!

不過今次執拾行動真係有好多大發現…同我d久違了o既兒時玩意相遇o個一刻, 好感人啊! 我諗有好多玩具我都十幾年無見過佢o地…真係好唔捨得丟去每一樣o野, 每摷一樣出o黎就幫佢影張相留念…有d都忍痛丟o左, 有d真係唔捨得…不能忍著淚說goodbye!

就係因為咁摷一樣影一樣, 搞o左成日都未搞到十分一…尤其係d舊雜誌, 摷出o黎又睇兩睇…十日都睇唔完…咁樣“小掃除”法仲得了o既?!

Image hosting by Photobucket

另一件年尾特別事件簿就係要“慶賀”容將軍愛妹又見報…呢期真係“你最紅” (唱: 真恭喜…您的好運氣…)!

好耐都無買過雜誌 (對上一次可能己經係台慶特刊, 再之前係黃仁龍, 再再之前分分鐘係我偶像邵美琪比堅尼封面…同瘋熱時期o既一個禮拜至少買兩本係一個好大o既contrast…依家d雜誌, 睇完我都捨得dum, 舊時o個d, 真係唔捨得!) 就係因為容將軍話我聽佢愛妹見報, 我立即去買o左本忽週o黎睇! (btw, 曾幾何時我係期期買忽週, 因為覺得好抵又好睇…試過有一段時間係3蚊雞一本, d料精彩, 又不太厚…我最鍾意…但係十年前!)

本雜誌居然偷o左容妹妹xanga?面自製o既佢幅相+獨有佢超級偶像sammi利是合成靚圖…明目張瞻地侵犯佢版權…網上偷o下圖我相信人人都有試過 (嘻嘻!), 但唔係咁明目張膽咁偷o左登o係雜誌o卦?! 我話過一定要post呢件事上o黎警惕o下世人…小心小心! (不過我未諗到可以點樣小心?! 因為都已經幾小心o下…前幾日先講完話網絡世界實在太難控制, link o下link o下就會入o左o黎, 完全無私隱可言, 所以千祈唔好o係網上面寫一d你覺得唔可以俾人知o既o野, 即使你lock o左都好容易俾人入到! 估唔到d記者真係咁神通廣大…)!

o係雜誌見到容妹妹張相係有d好笑o既, 但好笑得來又有d可憐 (佢話其實最嬲都唔係俾人偷o野, 而係記者歪曲事實寫衰sammi!)...放心, 我o地一定會集齊最“精英”o既律師團去告死佢, 再唔係claim番佢版權費一大筆都好…反正我o地有最最最specialize in呢方面o既“美麗朋友” (而佢亦都最擅長呢樣o野, 包括抄人o野…哈!)! 呀! 我忽然仲諗到一個方法…阿“爛妃”佢咁鍾意delete o野, 叫佢幫你成篇忽週報導“delete”o左佢囉…反正佢咁“爛”…哈哈哈哈哈哈…係咪好提議先?!

Image hosting by Photobucket
(哈哈! 唔好為呢d人勞氣喇…特別送張sammi91年珍藏玉照過你…須知道我都曾經係sammi超級fans…呢張係我幾年前特登去舊相舖買番o架! 因為我真係最鍾意91年“浪族闊少爺”時期o既sammi, 好清秀…無錯, 又係“浪族闊少爺”!)

除o左本忽週, 呢期其他雜誌都好唔掂…搞到好似鹹書咁! 過o左早兩個禮拜o既“奪面雙琪”潮後, 呢個禮拜d封面就走三級露骨路線! 有本咩葉璇屋企練“招式”?富豪逐格睇已經夠核突, “便利”個側田封面簡直嚇死人 (唔係講佢個m字額…雖然坦白講都有d震撼…你一早估到係一回事, 睇到又係另一回事!)…個標題簡直唔知咩事, 以為睇緊“龍虎豹”! 今次“便利”簡直捉錯晒用神, 捉到鹿唔識脫角…明明係where到單堅料 (因為人人都想知道側田的帽內乾坤…本來唔想知都俾佢公司故作神秘搞到好想知), 點知佢就present到太嘔心 (仲“勞絲動眾”拎d垃圾去化驗!), 搞到大家個focus已經唔係側田m字額或者叫paco回水 (因為佢演唱會個gimmick已經完全破滅!), 而係齊聲聲討鹹書便利! 本來應該?晒分, 依家反而蝕晒! 計錯數…錯晒!

哈哈! 仲有亞視套晨早5:30檔老套劇“冬日驕陽”終於做完o左…真好! 劇情老套但睇開o左又要睇埋, 一邊鬧一邊睇…真係覺得自己好老套! 個劉玉婷超厚粉 (我覺得佢本身個樣係娘, 但ok靚o架喎…可唔可以唔好咁厚粉? 我以為見鬼…“藝伎回憶錄”咩?!), 個羅頌華曾經幾好樣 (佢做華英雄個仔時, 我真係覺得佢同何家勁好似樣! 而佢仲好似擔過幾套青春劇…係咪有套講 “四驅車”o架?! 但唔記得叫咩名喇!), 但o係呢套劇好樣衰…好蒼白, 個唇又乾…點解搞成咁?

同埋…由尋晚深夜三點幾開始早o既 “呆佬賀壽”係咩o黎o架?! 賀歲劇呀?! 好鬼得意!