2005年11月16日星期三

11-16(wed) “佢想攞咪俾佢囉!”

原來“勁歌金曲”轉o左去禮拜三11點做咩?! 如果唔係o岩o岩返到屋企開電視睇都唔知! 整咩成日調節目時間o架?! 好無所適從o架喎! 雖則依家由amigo主持個節目o既收視係會差過何韻詩年代好多…但都唔洗幾個禮拜就調一次o架? 咁樣即係逼我唔好睇o者!

連續兩日o係屋企樓下間ok便利店都買唔到tvb週刊, 我知道今期有台慶特刊…但係都唔洗咁好賣o架?! 呢期咁有紀念價值, 我點可以唔keep番一本o架?!

本來諗住買番本壹週刊, 睇下呢期可唔可以執番個2000蚊獎啦…點知呢期玩估街名, 完全唔係我o個瓣! 平時我都淨係會知d大廈名而唔知街名…完全唔好玩! 跟住個封面又係我“ex-偶像”郭可盈…呢期佢真係“紅”喇, 本本都係佢做封面, 但都唔係d好o既標題! 佢同“刑偵三寶”o既另外一寶梁榮忠同一命運…個朵已經醜晒 (咁當然, 梁榮忠o既“名譽掃地”程度嚴重好多!)…仲有另外一寶陶大宇就“霉”晒…呢套劇都係邪o架喇!

如果話張可頤係“贏o左獎輸o左品”…咁郭可盈直頭係“輸o左獎又輸埋品”! 咁當然, 你不能排除今年會輪到佢o既! 正所謂:“佢想?咪俾佢囉!”黎姿呢句說話, 真係好有玄機…邊個想攞, 咪俾邊個囉…正如佢自己舊年咁想?, 咪俾佢攞o左囉! 所以我終於明白點解郭富城會?到金馬影帝…因為佢想?嘛!

不過呢堆人每日都你一句, 我又一句…確係好有趣! 仲帶o左無限娛樂俾我o地! 咁呀車匙又係慘o既…o係撈o左10年以上o既當家花旦之中, 唯獨佢無攞過女主角獎! 又正如宣萱話齋:“緣份到, 獎項隨街都會執到!”(好鬼死鍾意佢o地d每日一金句, 真係好有玄機…證明依家d花旦全部都好有“學問”, 簡直精警過80年代蔡楓華o既金句:“刹那光輝唔係永恆!”)…咁郭可盈同台慶獎項, 又的確係欠缺o左d緣份o既! 話晒佢撈o左10幾年, 無功都有勞呀! 佢都話?埋呢個獎就好圓滿啦嘛! 佢咁恨…咪真係俾佢囉!

最核突係佢同黎姿上演完一人一句o既“鬧劇”之後, 人o地訪問佢時仲要扮friend…又話雖然佢本來同黎姿唔熟, 但係經過呢件事, 佢o地開始傾偈喎, 感情仲跨進一大步…又話叫大家唔好影響佢o地“滋長緊o既感情”…真係唔該晒! 係人都知佢o地唔多o岩啦…爭台慶獎事少, “爭仔”事大呀嘛! 明明黎姿以前係同林文龍一齊…人人都知o架啦, 唔係扮唔記得呀? 老公個舊女友…都唔慌o岩得去邊啦!

但係又真係好似無咩人再記得林文龍同黎姿以前係一對喎…明明o個時睇“龍的天空”同“怒海孤鴻”都係話佢o地戲假情真o架嘛…我又真係幾鍾意睇佢o地做一對o架喎…好鬼死襯…尤其o係“龍的天空”?面…呢套又係當年曾經力追o既戲 (但直至林文龍o係劇中入獄為止…因為之後太慘)! 黎姿當年又的確係幾靚o既 (咁依家o既佢都算係佢個年紀o既花旦最索o個個!), 仲好sweet添…而年青o既林文龍亦都十分討好 (大家可以參考壹週刊封面佢兩個當年o個張合照!)…係唔知點解去o左亞視之後就變得好唔掂喇!

Image hosted by Photobucket.com

但係我個ex-偶像車匙先走樣走得勁…個樣真係變晒咁 (即係基本輪廓仲o係度o既, 但係面型, 牙齒 [d牙型好怪…講o野時好似箍緊牙咁…即係好似“刑偵2”佢個同事呀凌祖絲咁], 仲有成個感覺都唔同晒!) 咁當然, 老o左梗係無以前卜卜脆咁省鏡, 但係都唔洗搞到咁…尤其係有本週刊o既封面, 話佢哭訴真係唔夠人玩呀咁…嘩! o個個look好恐怖呀…又黃又“巢”, 仲老過dodo姐! 再睇番佢“刑偵”個所謂“包面”look…真係靚百倍! 原來瘦得滯, 真係會好恐怖o架! 咁真係寧願肥肥白白有d福氣喇!


Image hosted by Photobucket.com
(無線女主角獎戰火升級 郭可盈哭訴矛頭直指黎姿…你話以前飽滿d靚定依家靚喇?!)


無法! 再拼埋黎姿度, 人o地真係贏幾條街! 直頭係“輸o左獎又輸埋樣”…好大鑊!

好搞笑, o係d相關新聞度睇到一篇叫“讀者e見”o既o野…d讀者o既意見都幾啜核, 其中一個話: “為什麼郭小姐會變成這樣?數年前還覺得她很端莊,現在卻覺得她愈來愈沒修養,時常[手台]高自己及看低人,就算真的拿到獎又怎樣?她是不是“我們喜愛的女主角”,還真難說!總之,有時言談修養比演技更重要,上述只是個人意見。”

o岩o岩睇 “東張西望”o既台慶回顧, 個“萬千星輝大獎”都係俾阿修哥, 蝦叔, 羅蘭姐, 上等人呢d超級老前輩…郭可盈話阿姐應該?呢個獎又確係玩o野o既…抵俾阿姐反擊佢…真係未死過!

台慶女主角獎就唔知佢贏唔贏到喇…不過人心佢就輸晒! 我喜愛o既爽朗車匙…你去o左邊呀?! 定係你一路都無存在過, 只係一個虛構o既角色?! 但係就算個角色扮演者唔係好似佢咁型, 都唔好搞到咁老土呀…大佬!!!

前日睇o個個咩“台慶節目巡禮”, 話從個排位就可以知道依家邊個得勢…咁吳美珩呢期真係起得勁喎…我比較希望佢今年可以得女主角獎! 仲月佢個 “最佳拍檔”苗僑偉…確係型…但係o係o個個節目巡禮度再扮“楚留香”, 本來應該依舊地型o既…但係…無線唔知係咪想玩佢, 俾個咁可怕o既假髮佢…仲整o左一jup“陰”…好可怕呀! 點解佢本來咁型仔, 要咁玩佢呀?!

Oh…原來下年會拍攝o既新戲中, 又有一套係會有車匙同大勇合作 (仲會有另外兩大師奶殺手鄭少秋同吳啟華)…但係一d都唔期待, 因為車匙同大勇o係呢幾年合作o既劇已經唔再好睇… “青出於藍”同“心花放”都只可以換o黎一句 “唔該晒”! 尤其係佢兩個個look同埋頭大宇o既“一號表情”…同“師奶殺手”張大勇o既年代完全無得比! 唔睇好過睇…都係懷緬番d舊戲好d!