2006年9月25日星期一

9-25(mon) 群星薈萃《鹿鼎記》

各位觀眾…

群星薈萃《鹿鼎記》!!!
http://global.yesasia.com/b5/mc/-/R5tU04i4B2/featureArticle.aspx/section-videos/code-c/version-all/articleId-89


無呀, 之唔係又有劣作面世囉…今次呢篇係84年梁朝偉+劉德華版本o既“鹿鼎記”…出o左足本珍藏版dvd喎, 有興趣o既朋友可以買番set珍藏o下! 有英文字幕都幾搞鬼…唔知呀小寶係咪叫“little treasure”呢? 反而呢套劇比起“神鵰”有更多朋友話想買…咁我個人都喜歡呢套多過“神鵰”, 因為比較funny同cutie, 比較係我杯茶!

當年首播時, 我都有睇過o架…不過因為得o個幾歲, 所以印象唔係太深刻…最深刻o個幕係七個老婆o係張床度打交, 最終打lum o左張床! 同埋唔知點解好記得呂有慧 (應該係個真太后) 被人收埋o左o係衣櫃, 覺得好嚇人!

跟住記得有一年o係深夜12點幾重播, 又睇多次…都真係幾有趣o下! 同埋覺得首主題曲好好聽! 無線揀呢套o黎出珍藏版dvd都係明智之舉…相信會有market…至少有一大jar偉仔+華仔fans一定會買! 唔知下次會出邊套呢?!



其實呢, 我個人認為我呢篇係寫得唔係太好…因為寫o既時候正值“反轉豬肚”時期, 個人心情不佳, 思緒凌亂 (不過請放心, 依家好好多…我個人無咩好, 係比較樂天囉, 好快會唔記得d唔開心o野)! 原來無心情真係會影響表現…睇番以前d作品, 好似真係寫得好d…激死人! 同埋坦白講, 其實係無o左初時有自己寫o既o野刊出o個種興奮…睇番寫完第一篇 “TVB劇集─十大經典 重現眼前”時o個篇日記…個心情又真係興奮好多! 原來好多o野到你習以為常之後, 又真係會失去o左應有o既興奮…真係可惜!

不過點都好, 我都好在意大家o既comments同埋feedback, 仲有希望大家可以幫我check o下有無錯漏 (尤其係錯字, 因為自己永遠都好難睇到自己o既錯處) …有o既請話我知…唔該晒!

延伸閱讀:
1. 2006-2-26(sun) 神鵰俠侶/The Return of the Condor Heroes (上)

2. 2006-2-27(mon) 神鵰俠侶/The Return of the Condor Heroes (下)

3. 2005-11-19(sat) TVB38年, 人氣所在創新天

4(a). 2005-7-21(thurs) 八十年代的美麗傳說-TVB當家花旦

4(b). 2005-7-22(fri) “八十年代的美麗傳說-TVB當家花旦”之製作特輯

4(c). 2005-7-23(sat) "八十年代的美麗傳說-TVB當家花旦"之"你是八十年代"

4(d). 2005-7-24(sun) "八十年代的美麗傳說-TVB當家花旦"之翁美玲

4(e). 2005-7-26(tues) 翁美玲之死

5. 2005-4-23(sat) 八十年代的電視傳奇-TVB五虎將

6. 2005-1-1(sat) 周星馳—喜劇之王的誕生

7. 2004-12-19(sun) TVB劇集─十大經典 重現眼前



另外, 因為寫呢篇o野research時睇到…原來當年係cast劉華做韋小寶, 點知後尾佢好似又唔肯續約, 同埋偉仔表現更稱職, 於是就起用o左偉仔呢個新人擔呢支大旗…不過又真係出奇的稱職! 如果唔係, 大家睇到o既就會好似依家大陸版個“過兒”黃曉明咁, 過兒又係佢, 韋小寶又係佢!!!

Hoho, 仲有想講o下商天娥…o係舊年11月4日個entry我講過:


“最搞笑係主持李思捷提番起當年娥姐拍o既“鹿鼎記”…話記得佢當年好靚, 又話佢做最靚o既劇中最靚o既阿珂同埋阿珂媽媽陳圓圓, 簡直無得頂! 嘩! 呢段簡直係抵死呀…商天娥係就係有style, 但我認為佢絕對稱唔上靚, 仲要係好靚添…後尾李思捷仲話覺得佢係七個老婆之中最靚o個個 (呢句好明顯係恭維說話)…當年o既劉嘉玲, 毛舜筠…肯定靚過商天娥啦!

跟住佢仲要再下一城o係“儂本多情”做一個“傾倒眾生”o既角色…係有d牽強…但橫顧當年o既電視圈, 又真係無一個花旦更適合做呢個角色!


呢個話題其實我o係兩年前哥哥死o個期已經o係呢度講過, 我話…

“前幾日咁o岩聽電台, 個dj又係講緊哥哥, 介紹緊佢隻“儂本多情”…佢話記得當年隻歌跟本唔係叫呢個名, 而係有一個好有詩意o既名…“一串夢”! “情愛…就好像一串夢, 夢醒了一切亦空…”! 個dj話相信講起呢套劇, 無人會唔記得leslie個殺死人o既玩世不恭不?look, 更加無人會唔記得呢套劇o既最經典場面 -“掟枕頭飛羽毛” 一幕 (I agree!)!

但係佢話最唔明係點解會搵商天娥做女主角, 仲要加句話佢咁講絕對無惡意 (咁反而顯得更核突, 更有惡意!)…咁我都認同商天娥係唔夠靚又唔夠紅去做一個咁 “癲倒眾生” o既角色o既, 仲有d baby fat添…但係橫顧番o個個年代o既無線, 我又真係諗唔到一個比佢更適合做呢個自信而倔強角色o既花旦喎…唔通搵阿君如咩?! (雖然佢係劇中o既一大配角, 仲成日提番話無理由當時由商天娥做主角而唔係佢!) 有時唔係要靚先得o既, 我覺得商天娥某程度上幾有佢o既style呀!




其實要娥姐做“鹿鼎記”裡面最傾國傾城阿珂+陳圓圓母女真係有d欠說服力o既…但o係當時o既tvb又確係搵唔到第二個更適合喎! 我好鍾意睇o既“儂本多情”裡面個傾倒眾生莫少儂角色亦都係同一道理啦! 正如之前所講…o個個年代真係搵唔到另一個花旦有呢種氣質…藍潔瑛? 劉嘉玲? 曾華倩? 張曼玉? even邵美琪? 鄧萃雯? 個個都靚過商天娥, 但係又真係無一個有o個種獨特o既倔強氣質! 依家雖然佢已經年華老去…但係睇佢o係“鳳凰四重奏”o既表現…真係只可以講一句: “好戲”!