2008年8月6日星期三

8-6(wed) 2008香港先生選舉

咁遲先有時間講今年o既 “香港先生”, 自己都覺得自己out out地…哈哈哈! 多得個北冕8號風球, 令我們多o左一日有薪假期, 我本來以為頂多得半日, 依家居然有一整日…真係超感動! 終於可以catch up番d o野!

又係呢個全年最富娛樂性o既show…雖然今年d參賽者無咁騎呢…不過都仍然係全年最具娛樂性o既show! 香港小姐呢d傳統大show真係要行埋一邊, 近年完全無人睇無人講! 反而我d唔係成日睇電視o既朋友, 個個都話要錄低香港先生呢個節目, 可見呢個騎呢show已經變成一年一度全香港最期待o既節目…無綫應該cut o左港姐, 投放更多資源去做港男…反正港姐近年都無人睇喇!

香港先生詳情…可以睇o下呢兩篇報導先, 都真係幾好笑o下…
http://appledaily.atnext.com/template/apple/art_main.cfm?iss_id=20080803&sec_id=462&subsec_id=463&art_id=11427249

http://appledaily.atnext.com/template/apple/art_main.cfm?iss_id=20080802&sec_id=462&subsec_id=463&art_id=11423899



今年d港男質素其實算幾高, 要靚仔有靚仔, 要大隻有大隻, 仲要個個d才藝都算唔錯…天才表演或者玩武術個個都做得幾好! 不過質素高即係騎呢指數就相應減低, 變得搞笑...不過依然係一個good show…尤其係d女嘉賓o既表現…每年都咁放!

d女士都係一年一次借d易去癲o下o者...no harm! 當然, 最緊要係每年o既女嘉賓鐵膽伍姑娘…佢每年都好落力, 做得好好, 無o左佢香港先生真係失色不少...如果佢唔得閒, 香港先生直頭應該要為遷就佢而改時間囉我覺得! 佢仲要帶埋個道具去扮吸氧氣…仲有d抵死表情…真係笑爆嘴!

究竟香港先生d入場券點攞? 咁有娛樂性, 下年都應該去睇o下…包保笑死!

其實個show一開始d港男好肉緊咁做晒表情動作自我介紹已經好好笑…4號個陳冠標超肉緊, 仲要成日show佢d肌肉…oh! 但原來陳小朋友得20歲, 真係點睇都唔似…佢唔講我以為佢至少有34…報紙仲話佢輸o左之後返後台痛哭…陳小朋友真係可憐!


(呢句好笑: 本 身 是 健 美 先 生 季 軍 的 陳 冠 標 狂 谷 肌 肉 , 不 過 當 其 他 參 賽 者 已 換 回 便 服 後 , 他 仍 穿 著 三 角 褲 四 圍 走 。)

“盛年組”我以為有幾咁盛年啦o下…原來都係24歲左右…oh! 咁我係老年組囉唔該!

呂慧儀個男友黃文迪個樣同埋身型都幾好, 著泳裝行天橋擺pose都ok, 但一講o野就完全唔知想點…輸o左都合理o既! 今年個鬼仔冠軍都幾好…tum得d女士好開心…又係抵佢贏o既!

至於主持方面, 今年都係do姐做膽, 搭anna同埋千fa做主持…呢個組合ok啦, 不過不失…反正重點都係d瘋狂嘉賓同埋d放盡港男…主持係邊個無咩大所謂!

雖則話香港先生係全年最富娛樂性o既show, 每年大家都尖叫一輪大叫大笑…但d港男選完贏o左之後, 又係無一個撈得掂…個個都徘徊o係3, 4線…其實都幾灰o下!

香港先生回顧:

2007香港先生選舉

2006香港先生

2005香港先生