3-22(thurs) 桃姐+鎮金女人週記

睇咗萬眾期待的"桃姐"…無我想像中咁好…坦白講幾係悶, 我睇咗錶n次…事關佢d情節係日常生活我成日會接觸到o既情節, 簡直係好似將平常起身擦牙洗面澡涼拍番出o黎! 鏗鏘集都有戲味過佢! 不過可能佢呢個就係sell寫實啦…但真係平淡得滯! 其實之前已經有好多朋友講, 話完全唔係d人講到咁感動 要喊濕幾包紙巾咁…真係只能夠欣賞阿deannie姐的演技! 不過佢扮老人家的確係做得幾好, 同我認識的老人家好相似!

可能呢套戲係拍俾d少接觸老人家呀, 老人院的朋友睇…又或者係我期望太高…所以我成日都話, 呢個世界manage expectation係最重要! 你無expectation, 自然唔會失望, 但係講到好勁, 自然期望過高, 咁要求亦更高, 相對的失望亦更大!

不過我依然好期待呢套…“n 55!w !”~~~



有日o係網上搵資料, 點知咁啱click咗入去一個討論區…睇到呢段應該自1994年都無睇過o既安仔+sammi"鎮金女人週記"! 嘩! 好經典, 尤其當過咗十九幾年, sammi同安仔由一齊咗n年, 再分開咗n年, 又再復合番無耐…依家重睇番好有趣! 幾cute幾sweet…不過"劇情-wise"係負5囉…呵呵呵!

呢集仲有歐陽陽波比同電眼美人李美鳳做一對, 一見到"LMF" (李美鳯,..唔記得邊個節目有人咁叫佢, 我覺得好搞笑!)…就即刻諗起"熱愛CAN'T LET YOU GO"個MV同埋想唱番兩句: "can't let you go go…"…哈哈哈!

我印象中其他集數有d都幾好睇…第一集好似講話個個女人都好想有人同佢求婚, 等一世都係等呢一日…點知有日個女主角居然一日有兩個人同佢求婚…原來感覺都唔係幾好受吓! 呢集我覺得好有趣! 不過係邊個做o既我已經唔記得咗!

記得當時"鎮金女人週記"好似逢禮拜四唔知10:30定11:00做…o個個時段d節目其實幾好睇!









嘩! 好似好耐無o係呢度o黎個"美食大特搜"…應該至少有n年無o係個blog度介紹過美食…今日心血來潮, 要去介紹吓…

話說有日睇報紙見到介紹灣仔強記…咁我從來都未去過, 咪去試吓囉…其他食品其實一般, 但我最愛的煎腸粉同臘味飯是不錯的…但好肥囉! 同埋食完喪飽!



眾所周知, 芒姐是很愛吃腸粉的…有日路過, 又食咗久違了的大埔腸粉…like!



南華會的片皮鴨…係得喎, 報紙果然無介紹錯!



呢間上環街市的愛皮西…閒日都咁多人, 不過係幾好味o既!