2008年4月11日星期五

4-11(fri) 樂壇風雲50年

亞視自從做完o係佢o地個台收視算係好好o既 “電視風雲50年” 之後, 再乘勢推出佢o既“孖生兄弟”“樂壇風雲50年”…連訪問嘉賓時o個張金魚缸枱都係同一張...嘩哈哈! 睇o左上個禮拜第一集, 唔錯呀…因為係我杯茶…最鍾意睇呢d“懷舊”節目, 仲要d嘉賓同埋topic都幾吸引!

第一集講九十年代大hit o既卡拉ok…開正我o地呢個年紀o既朋友仔o個瓣…連我d唔係話十分追電視o既朋友, 都出奇o地有睇到, 仲睇得好開心…因為真係最適合我o地呢d九十年代成長o既青少年…依家懷o下呢d舊就o岩晒喇! 不過佢d target audience錯o左囉…去捧場o既全部都係師奶或者婆婆…卡拉ok年代最興o個d歌, 唔係佢o地杯茶…佢o地應該上去睇“名曲滿天星”, 或者“超級靚聲演鬥廳”嘛 (又忍唔住要講句: 請~坐~低~)…雖然我睇到有位姐姐都識唱晒“片片紅葉轉…他低嘆再會了這段緣…”!

呢d節目令人有種熟悉感覺返埋o黎o既feel...真係應該做多d, 我最鍾意睇! 尤其講卡拉ok最hit o既時間, 即係八/九十年代香港樂壇最光輝o既年代…”真開心”, “天碟”, “碟聖”呢d名一d都唔會陌生, 人人屋企點都總會有一兩隻, 勾起好多回憶…我好記得我第一隻買番屋企o既碟仲有“face to face”o既“情迷milano”唱添…好開心!


(樂壇風雲50年 : 2008-04-06 湯寶如)

一開場居然係湯寶如…雖然佢無話曾經大紅, 但係都有一種好熟悉o既感覺…果然係我o地個年代o既歌手! 唔係咁樣聽番, 都唔覺得佢隻“活著就是等待”原來真係幾好聽喎! 仲有佢首“絕對是個夢“…當年佢咁多隻歌之中我最鍾意呢一首…好型的感覺呢!

其實湯記多唔多fans o既呢?! 靚佢又真係唔算靚 (artistes o黎講), 唱佢又唔係唱得特別好, 不過佢個男仔頭形象幾特別...但係初期其實不停撈亂佢同同期出道o既唐韋琪姐姐囉, 雖然有比較之下湯記又靚少少! 其實我都好想知道…呢度會唔會有朋友係佢粉絲?

跟住張崇基+張崇德唱四大天王o既歌, 又係一聽到o個d歌, even係個前奏已經起雞皮, 心”la”一“la”...你明白o個種感覺嗎?! 對上次聽歌聽到咁“感動”…係無啦啦o係兒歌金曲聽到松松姐姐唱經典金曲“烏卒卒” ...好unexpected, 好感動!


(香港樂壇其中一首最經典的合唱k歌…張智霖 + 許秋怡 - 現代愛情故事)

另一高潮位當然係許秋怡同佢老公王書麒合唱九十年代其中一首最經典合唱k歌“現代愛情故事”啦…不過佢同佢老公成日要合唱同個舊情人o既飲歌, 其實又係有d難堪, 不過搵食艱難, 無法啦…聽聞佢o地平時北上登台, 最主力都係唱呢幾首同chi lam o既經典合唱歌!

但最難受係許秋怡o既唱腔變晒…佢用粵曲腔再加酒廊歌手style去唱呢首情歌, 真係有d恐怖! 唔明點解d八/九十年代歌手無見一排走返出o黎會變晒唱腔 (仲要全部都係變差o左!), 上次陳慧嫻上勁歌以“演歌”o既style唱d少女情懷o既歌已經嚇死人啦…點知今次仲驚…“得意少女”許秋怡變o左黑妹李麗霞咁o既feel (當然人o地o既歌藝又好佢好多, 只係個style有d似o者), 仲要唱呢d冧歌 (“現代愛情故事”呀, “片片楓葉情”咁)…好唔配合! 佢d口脗, 台風, 講o野o既style都好似想同你猜枚咁…勁驚! 雖然佢o既唱功可能可以叫做進步o左, 但係真係一d都唔配合…好怪…寧願佢以前把雞仔聲仲好好多!

仲有佢同chi lam另一首“hum”歌”片片楓葉情”…當年又係早晚的飛圖時段日播夜播…每日一邊做功課一邊點都聽到, 想唔識唱都幾難…但係唱k千祈唔好唱呢隻…慢到呢…仲要repeat又repeat好多次…悶爆! 但聽又唔同喎, 幾好聽!


(片片紅葉轉…他低嘆再會了這段緣…)