11-15(thurs) 電視風雲五十年
最後一個禮拜o既“再會歡樂今宵”終於從善如流, 真係cut晒d新人經典再重演環節, 淨係播舊片段, 抵讚!
近期忽然多o左好多回顧節目, 無綫40周年玩集體回憶, 點知亞視又同佢一齊玩埋一份, 搞o左個回顧50年電視史o既節目…“電視風雲50年”!!!
喂! 唔錯喎! 睇o左兩集, 雖然都唔係由節目一開始就睇, 因為根本唔知有個咁o既節目, 又無咩點宣傳, 只係撞彩o係禮拜日晚10點幾返到屋企, 睇到一半!
大家都知我一向鍾意睇回顧節目, 今次呢個節目仲要唔止係講atv, 仲講埋tvb, 係成個電視圈o既50年回顧…所以幾吸引! 上個禮拜第一集仲有一part係介紹d"老友記", 令人當年諗起K100的"唐樓"環節! 不過第二集又好似唔見有…定係我miss o左?!
第二個禮拜講男藝人o個集真係幾好睇喎…我居然好全神貫注睇晒成個節目…無睇睇o下走o左去上網或者搞呢樣搞o個樣! 呢d訪問節目其實好睇請d嘉賓請得好唔好, 即係適唔適合同埋佢o地肯唔肯講o野! 今集o個四位 = 盧海鵬, 梁思浩, 尹天照同埋詹秉熙, 除o左詹生, 其他三個講o野都幾大膽又幾抵死! 所以要讚一讚今集嘉賓真係請得好!
不過揀詹秉熙同阿照一齊訪問又係揀得o岩o既, 因為佢o地差唔多同期一個o係tvb, 一個就o係atv參加訓練班, 再第一套就擔正做男主角, 但之後際遇好唔同…所以諗到搵佢兩個一齊訪問又係絕!
知道今集訪問男藝員, 我已經o係度諗會唔會有我前偶像況天佑…點知真係有! 你見芒姐的profile都有quote佢, 就知道我真係曾經幾欣賞佢! 大家都聽過我當年幾咁迷“殭屍1”: 當時有一日居然 (其實唔係太“居然”o既…佢o係條街行有幾出奇呀? 都無人會理佢o架啦!) 俾我o係銅鑼灣見到尹天照…直頭想搵佢簽名, 不過最後都係無咁做到…之後仲不停咁俾人笑我偶像係尹天照添! 99年亞視個台慶頒獎禮見到殭屍全劇演員大獲全勝…真係開心o左好耐o架!
雖然近年佢形象麻麻, 但無可否認佢講o野真係幾好笑, 幾抵死…“殭屍”年代成日錄佢d訪問, 佢其實幾識講o野幾識搞氣氛, 萬綺雯都唔錯…所以希望下集可以請佢上o黎! 今集都係阿照講得最有趣, 無論係內容定說話個節奏 (哈哈…我都唔知幾時開始睇人做節目仲要要求埋呢d?)…無咩冷場同埋可以捉到人o地o既注意力…呢樣好重要! 可惜無論youtube定土豆都無人upload呢個節目, 無得同大家分享番, 只係搵到某d片段! 睇到佢同詹秉熙的大不同, 令人諗起a-level oral時的小組討論…有d組員有好多o野講, 有d就只係負責講o下: “I agree with you…”, 你想“giu”佢把口都“giu”唔開!
阿照o個隻就係比較簡而精, 即係可以剪出o黎做promo o個d…當年台慶佢o個句: “可以嘗試欣賞亞視o既誠意”就好精警, 亞視第二日即刻剪o左呢段o黎大肆宣傳…同埋係佢講呢句先特別有說服力, 因為佢o係亞視出身, 仲做o左好多年先拿到o個個男主角獎!
至於同佢o黎一個大contrast, 成個訪問夾埋都唔知知有無講過10句說話, 直頭好似無出現過咁o既詹秉熙, 又係一個經典…兩年前睇“刑偵”重播我曾經咁寫過佢:
最頂癮係有詹秉熙…佢呢廿年o黎都係唔知幾時出返o黎, 又唔知幾時消失o左…呢個cycle o係廿年o黎keep住發生! 最騎呢o既係佢居然係當年夥拍張曼玉做“劃出彩虹”o既男主角…但更騎呢o既係點解佢拍完呢套劇就無o左呢? 無線cast得佢做男主角, 一定覺得佢係得o架…點解呢套劇之後又忽然唔力捧佢呢? 睇到佢同拍檔張曼玉o係星途上o既重大差別…我都唔知佢當年拍o左套咁出名o既戲…係佢o既幸運定係不幸呢?!
其實我覺得當時捧佢做男主角又唔係特別出奇o既…無綫成日都係忽然間捧一個人o架啦, 一出就俾佢做男主角佢唔係第一個, 亦唔係唯一一個, 係唔明點解一做完會dup成咁 (定係都紅過一陣? 我都好似唔見佢八十年代仲有咩戲…到九十年代再見番佢做電視就已經變o左茄喱啡喇!), 阿照o係亞視有同樣經歷就話唔出奇o者, 因為亞視從來都係無完善制度, 一片混亂o架啦! 依家睇番當然覺得佢一出道就拍國際級巨星張曼玉係匪夷所思, 但其實張曼玉當時咪又係第一次拍劇o既新人, 大家咁高咁大, 只係之後際遇太唔同o者! 其實我又唔覺得佢o係o個套戲做得特別差, 亦唔見得張曼玉當時做得特別好...點解際遇會咁大差別呢? 其實佢當時都算ok靚仔…點解一d都紅唔起?! 但係套劇好紅o架喎!
不過可能睇佢同阿照呢part訪問都可以explain到少少…就係睇得出佢完全無爭勝心, 樣樣o野都是但啦, 既來之則安之…可能呢樣係o係娛樂圈最蝕底o既! 所以我一向我都鍾意睇訪問, 因為從好短o既訪問已經可以睇到一個人o既性格!
可能o係娛樂圈大起大跌係一個定律, 無得控制, 入得呢個圈就要有心理準備…所以d嘉賓大部份都話, 有得重頭揀過一定唔會入呢行, 正好等d發明星夢o既小朋友反思o下!
鵬哥話亞視d演員個個去到無綫都會大紅, 話好似佢o係“點解阿sir係隻鬼”裡面全部d學生轉投無綫後都紅o左…其實又好似唔係, 只係得陳錦鴻叫做紅到 (但係陳錦鴻本身就算o係亞視時都已經有人識, 同埋係主角中的主角, 即係男版關詠荷咁), 其他好似莫家堯, 駱達華肯定無紅到啦…o係亞視都叫做做主角, 去到無綫咁多年都係做大配角, 只係可能係多o左人識囉!
至於佢o地講無綫同亞視最大分別係“人情味”, 亞視溫情d, 無記就有系統d, 有制度d…其實呢個“無記亞記特色大比拼”已經講過好多次, 費事悶親大家, 未睇過的朋友可以睇番呢d有關兩台台慶節目的回顧就會知道我o既觀點…
atv: “歷年亞視台慶回顧”
tvb: “歷年無綫台慶回顧”
(電視風雲五十年…鵬哥+思浩)
最勁都係梁思浩的爆料…佢話當年試過俾一個成日同佢扮演兩兄弟的藝人一本“香港電視”飛埋塊面度, 再配以不堪入耳的語言一大堆…事緣當時香港電視本來搵佢個兄弟拍o左個封面, 點知過兩日就叫佢去拍, 咁佢唔知咩事又照拍啦, 點知最終登o左佢個封面出o黎…所以o個位兄弟就o係化妝間發lan jar!
好明顯係講緊溫兆倫啦…我之前又真係未聽過呢單新聞喎…真“背”! 上網搵o下, 居然搵到段咁o既新聞…哎呀! 齊浩男…你咁做又未免太無品, 令人太失望喇…枉我咁欣賞你o既“我本善良”! 不過當年的“陳梅馨事件”, 其實大家都知佢係咩人…難怪佢重返電視圈都無人肯撐佢, 撈極都撈唔起…同郭羨妮拍拖, 亦被視為女方人生一大污點, 成日俾人問佢點解會愛上溫兆倫 (雖然依家更多污點)…所以話, d明星你都係欣賞佢做戲算喇, 人品呢d o野, 好多時都係唔知好過知…
search到呢段: “第一套為人認識的電視劇是《城市故事》，當年因不滿梁思浩有機會拍《香港電視》封面，在化妝間拿書擲向「洗米華」。”
仲有梁思浩o係3周刊呢篇訪問都有提過…不過詳情就好似今次上“電視風雲”講得清楚d…3周刊呢篇訪問都值得睇o下o既, 因為以前都睇過洗米華o既訪問, 佢一生又係幾坎坷…同埋佢經歷o既, 真係比一般人多…睇完佢o既經歷, 應該都會覺得自己其實幾幸福!
********************************************
怪談 梁思浩
鬼神之說，古今中外，流傳已久！也許你我都不想撞鬼，但好奇之心人皆有之，不欲親眼見鬼，卻又忍不住探索鬼域奧秘。當上靈異節目主持的梁思浩，曾夜探台灣猛鬼地，拍下一團鬼影飄過，又在錄影廠布景板，遇過靈體現身背後。觀眾安坐家中，看他撞鬼，見他撞邪，不禁替他抹一把汗，又大呼過癮。
跟梁思浩做專訪，預了鬼話連篇，要他講恐怖經歷，他想也不想就說︰「恐怖過鬼！」有甚麼恐怖得過鬼？原來是醜惡的人性。
今天梁思浩不講鬼，大講人性醜惡一面，他口中的人，比鬼更猙獰。從小時候被雙親遺棄，寄養婆婆欲趕出家門，到娛樂圈的跟紅頂白，被朋輩藝人兜口兜面掟雜誌，甚至被無解除合約時，致電高層查問死因，對方回答︰「無原因！」，他都認為人比鬼更恐怖！
恨過父母，嬲過養母，怨過朋友，罵過樂易玲、陳志雲，他知道有怨有恨，一世也不會快樂，今天他選擇放低仇恨，還說︰「以前我驚人、唔驚鬼，家我人鬼都唔再驚。」「心善則到處天堂」，唔止劉德華咁講，梁思浩亦如此說。
靈異之事，無奇不有，還冥冥中有主宰。小時候的梁思浩，一天經過廟街，遇上一位高人，對方說︰「你冇父母，上天派你落，要你做一樣。」那時梁思浩不明所以，直到今天他有點領會，從他述說的經歷中，參透一切。
父母遺棄
梁思浩的父母，十來歲就結婚生子，由於二人年紀尚輕，當誕下思浩後，發現彼此性格不合，繼而斷絕夫妻關係。那時兩位年輕父母，不欲兒子阻礙前途，把他帶到寄養家庭，然後說︰「我有事，好快湊你走！」說完這句話，爸爸從此一去不返。之後梁媽媽從加拿大回港，要思浩跟新歡改姓，再把他帶回加拿大，怎料思浩一口拒絕，惹來媽媽狠心地拋棄，「我明明姓梁，點解要改姓，我死都唔肯，後來媽媽真係一去不返，丟低我畀無血緣婆婆照顧。」
父母沒有留下贍養費，令寄養婆婆十分生氣，「我好憎爸爸媽媽，點解佢唔負責任？一聲唔出一走了之，留低個包袱畀婆婆，時婆婆見我無錢，成日想趕我走，話我白食白住，好憎我。不過我無家可歸，如果佢趕我走，我一定要街。唔想做乞兒，我咪求佢囉，我話︰『我爭住你先啦！我唔會白食白住，第日我搵到錢，我會還畀你。』」
險做乞兒
十來歲，經歷過被父母遺棄，思浩見盡人性醜惡，但他還相信人間有情，相信父母不是狠心人。十五歲那年，有模特兒公司找他拍廣告，最後他決定當廣告明星，一來可以賺取生活費，二來又給父母贖罪空間，「我成日諗佢係咪唔認得我，所以佢搵唔番我呢？我諗我出鏡，佢就會認得我。我希望係我誤會佢，其實佢好想認番我。可惜到今時今日，佢都無出認我。」
思浩一直解不開這個結，甚至當他加入無後，有玄學家建議他改名，把梁思浩改成梁恩浩，就可以大紅大紫，但他寧願不紅，也不肯改名字，因為怕父母不認得他。
自幼讀天主教學校的思浩，仍然相信人間有情。80年代他正式加入無，在《城市故事》飾演洗米華，展開了銀色旅途，那時年紀尚輕的他，不懂世途險惡，縱使他懷有單純的心，也給別人誤作有機心，甚至給當紅藝人排斥，「娛樂圈係一個戰場，你一心當人係朋友，但當大家身處同一戰場，就會成為競爭對手，當大家有競爭性，你唔當人係敵人，人都視你為敵人。」
兄弟反目
要思浩找一個活生生的例子，他嘆了一口氣說︰「當年我有一個好朋友，大家感情好好，佢冇錢，我借佢，有錢兩分使，你話幾咁好。不過有次我分別去《TVB週刊》影相，後佢用我做封面，我重記得係第1036期，你知嗎？當年做到封面好犀利，代表你有一定位置，有得做封面喎，梗係好開心啦。點知我都未開心完，我朋友就衝入化妝間，將本《TVB週刊》掟落我塊面，然後好嬲咁話︰『你好！你使橫手呀，做封面啦！我唔信我唔夠你呢個口靚仔鬥。』嘩！冇利益衝突就係朋友，有利益衝突就係敵人，你話人性幾咁恐怖。」
翻查當年的娛樂版新聞，他與溫兆倫是難兄難弟，後來盛傳為了爭上位，導致兩人面和心不和，兄弟變仇人。追問梁思浩是否真有其事？是否他所說的兄弟變仇人？他卻不肯正面回應，只說︰「總之我視佢係好朋友！一直以來都無變過啦。」
無故被炒
遇上父母離棄、兄弟反目，還未見盡人性醜惡的一面。01年，傳出思浩得罪有勢力人士，需要被警方廿四小時保護，那段時間他居無定所，失去人身自由，甚至精神崩潰，除了行唔安食唔落，又失去了排尿功能，還差點中尿毒，需要插喉放尿。在極度恐慌之下，思浩找朋友傾訴，但人性可怕一面，又再令他膽怯，「段時間想搵朋友傾訴，咁咪打電話約朋友飲，點知對方一聽就話︰『嘩！你唔係靠害呀，你重叫我出，係咪想我死呀。』原來大難臨頭時，我約人飲，都叫做害人。」
03年，他走出可怖經歷的陰影後，隨即收到無的解僱信件，那時梁思浩有如晴天霹靂，「我無咁多年，一直都盡心盡力，佢要我做乜，我從來無推過。公司嫌我人工貴，我咪收少，共度時艱囉！咁多年，我自問無功都有勞，點解佢咁無情先？」
當年思浩對被炒摸不頭腦，為了解開心結，決定找出原因，「我唔想死得不明不白，咁咪打電話問陳志雲、樂易玲囉，只要佢畀一個原因我，我就走得甘心。當時我直接打電話畀樂易玲，但佢點都唔肯講炒我原因，於是我咪問︰『你係咪好憎我呀，如果你話好憎我，呢個都係一個原因。我只需要一個原因！』但佢只肯答我︰『冇原因！』」
無怨無恨
人比鬼更恐佈，思浩體會深刻。然而這幾年間，回頭再看往事，思浩有所領會，早就消清怨氣，放低仇恨。是甚麼點化思浩？他說得很玄妙，「重記得我講神算經歷嘛？佢話︰『你無父母，上天派你落，要你做一樣。』初頭我唔明，睇番以前經歷，漸漸有領會。父母遺棄我，令我同寄養婆婆生活，婆婆無兒無女，以前佢養大我，後來我養佢終老，佢臨終時曾經講︰『你係上天派天使！』呢句說話，即刻開竅，原來上天要我做孤兒，係要我照顧婆婆。另外，諗番成日逃亡段時間，如果我有父母，肯定嚇死佢，上天揀我去經歷，因為我經歷得起。又例如被無解約，佢唔迫我走，我唔會出去闖，家我得到，比無更多，講真！我真係要多謝樂易玲、陳志雲，我係真心咁講，唔係晦氣說話。」
以往他恨父母，怨沙煲兄弟，不滿樂易玲、陳志雲，現在他不對任何人心存憤恨，他希望做到天不怕地不怕，不怕人、不怕鬼。他說︰「上天有巧妙安排，唔到最後，唔知好壞。劉德華個手機廣告都有講啦，『心善則到處天堂』。」身處天堂，當然天不怕地不怕。
當思浩碰上志雲
我受過辦公室政治迫害，曾被八婆講是非中傷，對於害過我的人，我恨之入骨。思浩自稱已放低仇恨，原諒了他恨過的人，起初我不相信，因為我做不到。
訪問那天，思浩收到一個電話，然後躲在一旁密斟，其間隱約聽到《志雲上素》四字（陳志雲主持的訪談節目，請來有過節的藝人煮齋菜，以「上素」暗喻「上訴」！）問他是否被邀出席節目？他大方承認︰「佢係有搵過我！」記者一連串假設性問題，「你到時會唔會寸爆佢、質問佢？你咪可以趁機發洩怒氣囉？」怎料他心平氣和地說︰「如果我赴會，一定有火花，但唔係怒火，無晒仇恨啦。」心善則到處天堂，就算遇上恨過的人，同樣可以無怨無恨。
posted by 芒姐 at 1:57 上午
15 Comments:
詹秉熙套劃出彩虹我記得有呢套劇，但無睇過，係好記得陳百強首主題曲…
我係95年睇古天樂版神鵰見佢無啦啦出呢做耶律齊先記得有呢個人，極度無啦啦，拍完呢套之後又唔見咗佢啦喎…好似你咁講，真係一個cycle啦…
根據線報，這個星期日(11月18日)那集會邀請四大「電視橋王」蕭若元、文雋、高志森、李力持擔任嘉賓。蕭若元會分享其「度橋」心得，更會重溫當年「千帆並舉」，迫使友台再三腰斬節目的經過。文雋、高志森、李力持則會細說初入電視圈時，接觸多位「橋王」前輩的點滴，以及學習成為「橋王」的辛酸史。
(續上)
合照:
http://app.hkatv.com/_upload/atvnews/2007-11-14-2-01.jpg
http://app.hkatv.com/_upload/atvnews/2007-11-14-2-02.jpg
其實一向都覺得思浩係唔多識同人爭"呢"爭"LO"既人..同家樂仔有d似 :) 最鄧佢驚既係01年單野呢。 哈哈而家有時會聽佢做電台節目, 勁好聽勁好笑哈哈.
btw, 有時真係覺得tvb有一日會俾陳生玩"lum"... 真係唔明點解經理級高層會成日拋頭露面...
p.s. : tvb個頒獎禮就到喇芒姐有冇咩心水? :)
雖然我覺得佢會俾男主角個獎陳豪, 但我始終都係想bobby/夏雨哥拎 :P
雖然明知大細契一定有獎, 但我都好想宜萱有獎哈哈 :P
christy,
UM...TVB無咁易"lum"O既...6叔千歲千歲千千歲O架嘛...WAHAHAHAHHAHAHA!
我都估係陳豪, 夏雨哥咪拎"我最喜愛"囉...無綫都係分豬肉O既O者!
女主角都真係...應該唔會好似04年咁玩"驚喜"要如妃大熱倒灶喇O卦？！
Al佛，
哈哈！好高興自＂溏心＂之後再見到你出現...哈！
OH...原來係佢O地, 可惜今個星期日要去睇城城, 錄影機又壞O左, 睇唔到呢個節目添...太可惜了!
Domotoiceko,
其實我印象中呢套劇都OK, 當然首主題曲更加得...
OH, 唔係你講番都唔記得佢就係耶律齊...我諗佢80年代尾90年代初唔知係咪走O左去拍電影呢?
哈哈, 芒姐, 我早排忙左d, 所以少出post, 不過我都有keep住睇芒姐你既blog架.
另外, 對唔住, 線報錯誤, 這個星期日(11月18日)會改播「香港選美秘史」呢一集, 嘉賓包括羅霖、宮雪花、吳文忻、呂晶晶、樊奕敏及寇鴻萍. 至於「電視橋王」呢一集我估會於之後既星期日(11月25日)播出, 請芒姐留意.
Al佛,
哈哈...你個名真係改得好, 一見到你留言就諗起溏心!
其實我想睇選美秘史O個集多過電視橋王...可惜要去睇演唱會, MISS O左, 又完全無人會放上網...
你好，我當年是詹秉熙的fans，近日剛重看完畫出彩虹，依然覺得當年的他超迷人。而且以第一次拍劇就擔正的新人來說，表現實在算是相當不錯。
關於你說唔明他點解一d都紅唔起，一做完畫出彩虹會dup成咁，定係都紅過一陣？我回應一下。其實他當年並不是一d都紅唔起，而是有紅得起，但瞬間就因為得罪高層而被狠狠雪藏。
他當年的CASE絕對有別於其他因紅不起而dup的新人，他是紅得起但因為得罪高層而被刻意打壓下去。
關於當年他瞬間天堂瞬間地獄的戲劇化遭遇，我以下再講講詳情，我咁多年來都真係一諗起就很為他惋惜，如果當年沒有因故被雪藏，他之後星途肯定不止於此。
話說當年詹秉熙一出道原本曾是tvb打算力捧的對象，讀了2個幾月藝員招募班尚未畢業便被選中擔正做畫出彩虹主角。主要是因為當時的他外型俊朗，而且很多人都覺得他樣子像劉德華，星途備受看好。
畫出彩虹出街後，很受年輕觀眾歡迎，雖然成熟觀眾就反應一般，但這套本來性質就是拍給年輕觀眾看的青春劇嘛！當時詹秉熙個勢頗有走紅跡象，星途看似一片光明。
但係，可惜他性格太過自我，做人處事又不圓滑，拍畫出彩虹期間已一直傳出不少負面新聞，例如傳他工作態度欠佳、傳他得罪張曼玉，另外，當時他處理同女藝人黃造時的感情瓜葛(詹未入娛樂圈前已經認識黃，黃話當時詹已經和她拍緊拖)又搞到一團糟不歡而散，黃更一直向傳媒數詹壞話。而詹生又不大熱衷和同傳媒打交道，例如試過有記者想約他做專訪被他推卻、撞見他想即場和他傾多幾句當做專訪，他卻說外面好天氣要趕住去游水；諸如此類的例子，被某些傳媒認為他驕傲耍大牌(其實，睇完他在atv那個節目的受訪，我覺得佢當年應該不是存心對記者耍大牌，而是唔多習慣向外人表達或宣傳自己，所以提不起勁和記者做較長的訪問)。總之由套劇拍緊至出街，報紙都不時有關於他的種種負面新聞，高層對他已相當不滿，但他都是一副我行我素堅持自我的態度。最後，傳聞詹生在套劇出街後見反應好就要求大幅加薪，此事成為高層決定將他就此狠狠雪藏的導火線，不但不再捧他，甚至不再派給他任何工作！當時tvb高層劉天賜公開話過不滿詹太多負面消息，我估雪藏詹極可能是劉的主意。
畫出彩虹拍完及播出是84年中左右，同年開拍的重頭劇"新紮師兄"(當時暫名"少年警校")本來有預詹秉熙一份，但被雪藏後立即被飛出，後來加入了關禮傑頂替空缺。詹秉熙拍畢畫出彩虹後，就一直不派給任何工作，大約停了半年都是完全無工作，停工半年後方開始派他參加一些公益戶外宣傳活動，做做活力大使之類，之後1年幾都大概是這樣過。咁雪法，一個只拍了一齣劇的新人，之前84年畫出彩虹得番來的人氣都已經被玩謝晒了。
足足等到2年後，到86年中他才再有機會拍劇擔任要角，但已經不再是受捧對象，86年中他參演流氓大亨做個出幾集就死的沙塵2世祖，同年稍後參演赤腳紳士算係第一配角or第三男主角(男一係呂方，男二係劉青雲)，做一個由壞人變好人的富家子，當時有報紙記者問他有否諗住憑此劇翻身，他話總之公司派給工作就會盡力做好，但不會刻意去想翻身之類，因為自己經過畫出彩虹的慘痛經歷之後，學懂不要要求太高。我覺得，當時復出後拍劇的他，自信心和意志都很大程度已經被之前那段初出道就上天堂然後又旋即被地獄式雪藏2年的經歷摧毀了。
此後幾年派給詹演的都是2線或以下的角色，而且多數都是衰格2世祖之類的不討好角色，作品數量也不多，都只是每年1、2套劇左右。80年代尾那幾年，詹秉熙拍劇之餘都有一直在外做自己的其他生意(好像是珠寶業，他以前未入娛樂圈前都是從事珠寶業)，後來tvb都有和他傾續約，但他覺得薪酬不理想，而且有感過去幾年的演出機會也很少，發展並不理想，所以80年代尾約滿就不續約了。
後來有個由tvb過檔atv的製作人何嘉聯叫詹秉熙過去，於是他90年代初就去了atv，但可惜都是沒受重用。當時他對報紙記者講過，本來他已淡出娛樂圈，現在返來拍劇都是為滿足興趣，有劇便拍，只想過些平淡生活。我覺得他對演藝事業的鬥心，真是被當年tvb幾個月天堂緊接2年地獄式雪藏+幾年投閒置散的經歷壓垮了。感覺他是很害怕讓自己面對很大壓力，所以在那幾年經歷後已經不渴求再上一線了。
我真是很為他婉惜，他真是太浪費了自己。憑他當年的條件，加上出道作畫出彩虹的成績，如果他當年做人處事圓滑一些，不要搞到自己被雪藏，之後應該起碼可以紅多幾年。又或者如果他對演藝事業的鬥心強些、主動一些，被雪藏後去主動出擊找tvb的高層或監製給機會，應該還是很可能可以早些解凍，或再有較好的發展。又或者如果他毅力強些，80年代尾後繼續留在tvb，熬到90年代初tvb當時的小生有些青黃不接，他也有可能再有轉機。
你好，我當年是詹秉熙的fans，近日剛重看完畫出彩虹，依然覺得當年的他超迷人。而且以第一次拍劇就擔正的新人來說，表現實在算是相當不錯。
關於你說唔明他點解一d都紅唔起，一做完畫出彩虹會dup成咁，定係都紅過一陣？我回應一下。其實他當年並不是一d都紅唔起，而是有紅得起，但瞬間就因為得罪高層而被狠狠雪藏。
他當年的CASE絕對有別於其他因紅不起而dup的新人，他是紅得起但因為得罪高層而被刻意打壓下去。
關於當年他瞬間天堂瞬間地獄的戲劇化遭遇，我以下再講講詳情，我咁多年來都真係一諗起就很為他惋惜，如果當年沒有因故被雪藏，他之後星途肯定不止於此。
話說當年詹秉熙一出道原本曾是tvb打算力捧的對象，讀了2個幾月藝員招募班尚未畢業便被選中擔正做畫出彩虹主角。主要是因為當時的他外型俊朗，而且很多人都覺得他樣子像劉德華，星途備受看好。
畫出彩虹出街後，很受年輕觀眾歡迎，雖然成熟觀眾就反應一般，但這套本來性質就是拍給年輕觀眾看的青春劇嘛！當時詹秉熙個勢頗有走紅跡象，星途看似一片光明。
但係，可惜他性格太過自我，做人處事又不圓滑，拍畫出彩虹期間已一直傳出不少負面新聞，例如傳他工作態度欠佳、傳他得罪張曼玉，另外，當時他處理同女藝人黃造時的感情瓜葛(詹未入娛樂圈前已經認識黃，黃話當時詹已經和她拍緊拖)又搞到一團糟不歡而散，黃更一直向傳媒數詹壞話。而詹生又不大熱衷和同傳媒打交道，例如試過有記者想約他做專訪被他推卻、撞見他想即場和他傾多幾句當做專訪，他卻說外面好天氣要趕住去游水；諸如此類的例子，被某些傳媒認為他驕傲耍大牌(其實，睇完他在atv那個節目的受訪，我覺得佢當年應該不是存心對記者耍大牌，而是唔多習慣向外人表達或宣傳自己，所以提不起勁和記者做較長的訪問)。總之由套劇拍緊至出街，報紙都不時有關於他的種種負面新聞，高層對他已相當不滿，但他都是一副我行我素堅持自我的態度。最後，傳聞詹生在套劇出街後見反應好就要求大幅加薪，此事成為高層決定將他就此狠狠雪藏的導火線，不但不再捧他，甚至不再派給他任何工作！當時tvb高層劉天賜公開話過不滿詹太多負面消息，我估雪藏詹極可能是劉的主意。
畫出彩虹拍完及播出是84年中左右，同年開拍的重頭劇"新紮師兄"(當時暫名"少年警校")本來有預詹秉熙一份，但被雪藏後立即被飛出，後來加入了關禮傑頂替空缺。詹秉熙拍畢畫出彩虹後，就一直不派給任何工作，大約停了半年都是完全無工作，停工半年後方開始派他參加一些公益戶外宣傳活動，做做活力大使之類，之後1年幾都大概是這樣過。咁雪法，一個只拍了一齣劇的新人，之前84年畫出彩虹得番來的人氣都已經被玩謝晒了。
足足等到2年後，到86年中他才再有機會拍劇擔任要角，但已經不再是受捧對象，86年中他參演流氓大亨做個出幾集就死的沙塵2世祖，同年稍後參演赤腳紳士算係第一配角or第三男主角(男一係呂方，男二係劉青雲)，做一個由壞人變好人的富家子，當時有報紙記者問他有否諗住憑此劇翻身，他話總之公司派給工作就會盡力做好，但不會刻意去想翻身之類，因為自己經過畫出彩虹的慘痛經歷之後，學懂不要要求太高。我覺得，當時復出後拍劇的他，自信心和意志都很大程度已經被之前那段初出道就上天堂然後又旋即被地獄式雪藏2年的經歷摧毀了。
此後幾年派給詹演的都是2線或以下的角色，而且多數都是衰格2世祖之類的不討好角色，作品數量也不多，都只是每年1、2套劇左右。80年代尾那幾年，詹秉熙拍劇之餘都有一直在外做自己的其他生意(好像是珠寶業，他以前未入娛樂圈前都是從事珠寶業)，後來tvb都有和他傾續約，但他覺得薪酬不理想，而且有感過去幾年的演出機會也很少，發展並不理想，所以80年代尾約滿就不續約了。
後來有個由tvb過檔atv的製作人何嘉聯叫詹秉熙過去，於是他90年代初就去了atv，但可惜都是沒受重用。當時他對報紙記者講過，本來他已淡出娛樂圈，現在返來拍劇都是為滿足興趣，有劇便拍，只想過些平淡生活。我覺得他對演藝事業的鬥心，真是被當年tvb幾個月天堂緊接2年地獄式雪藏+幾年投閒置散的經歷壓垮了。感覺他是很害怕讓自己面對很大壓力，所以在那幾年經歷後已經不渴求再上一線了。
我真是很為他婉惜，他真是太浪費了自己。憑他當年的條件，加上出道作畫出彩虹的成績，如果他當年做人處事圓滑一些，不要搞到自己被雪藏，之後應該起碼可以紅多幾年。又或者如果他對演藝事業的鬥心強些、主動一些，被雪藏後去主動出擊找tvb的高層或監製給機會，應該還是很可能可以早些解凍，或再有較好的發展。又或者如果他毅力強些，80年代尾後繼續留在tvb，熬到90年代初tvb當時的小生有些青黃不接，他也有可能再有轉機。
P.S.頭先貼完留言好像被系統食左，好彩有備份，可以重貼。否則打了咁多字真係一殼眼淚，未必提得起勁再重新打過。不過我每次諗起詹秉熙都真係好百感交集，考慮遲下寫個BLOG記念一下呢位曾經令我好迷的藝人。
之前剛剛在刑偵提及詹秉熙篇文都留左言，係呢度再補充番多些資料，同講埋80年代尾解凍之後到90年代中的事。
之前個留言提及到詹生當年因為上位太快太順利就得意忘形飄飄然，待人處事屢屢失當而得罪高層被雪藏，所以瞬間被打壓到突然消聲匿跡。本來同年開拍的重頭長劇新紮師兄(當時暫名少年警校)已安排詹秉熙有份擔任要角都即刻臨時飛走，換入關禮傑頂替空缺(基本上係演番原本詹秉熙的角色，但劇本好似有因換人而修改過)。
補充番事情詳細時間，畫出彩虹係84年5月播完，而詹秉熙正式被飛出新紮師兄兼從此雪藏就係6月底左右。
所以，雖然當年呢套青春劇幾受青少年學生歡迎，而詹秉熙當時亦算係呢個青少年學生MARKET有紅起來(記得當時身邊都幾多朋友仔鍾意佢，而且男女FANS都吸引到，男生投入到佢個白手興家傻小子角色，而女生都覺得佢靚仔兼幾清新。我當時好迷佢，佢係我人生中第一個迷上的藝人。)但可惜佢在套劇播完一個月左右之後就已經被雪藏，之後半年是完全沒工作無得露面，再之後1年幾都是出席一些公益宣傳戶外活動做活力大使之類。事隔2年後再復出拍劇，畫出彩虹時佢積番來的人氣都已經差不多無晒，青少年迷偶像通常貪新鮮易變心，無KEEP住推出新作品就好易被遺忘，高層咁樣雪佢2年，都擺明係想打謝晒佢的了。我覺得高層對一個初出道憑處女作崛起的唔聽話新人打壓得咁狠，某程度上都係對以後的新人起著殺一儆百的警惕意味，即係既然可以好快可以捧起你，亦同時好快可以打謝你到一無所有。
84年拍完處女作後被雪2年才再拍劇，人氣幾乎等於要重新由零開始，而且，雖然讓他解凍拍劇，但已不再捧他，至80年代尾那幾年在TVB都幾乎算是被投閒置散，產量甚少，平均每年只得1、2套，當中86年赤腳紳士演個由壞變好的富家子，都可以算係男三(男一係呂方，男二係劉青雲但個角色是奸奸地的)，已經算係最好的待遇，可惜呢套劇反應一般，其實我覺得赤腳紳士呢套劇幾好睇，不過呂方個大好人角色可能編得太正氣太健康到有D老土。而其他寥寥無幾的作品就多數都係3線或以下的壞人角色，例如87年(好似係87拍88播)民初劇名門演個衰格敗家有錢仔，89年連城訣也是演衰人，87年成吉思汗演成吉思汗的其中一個弟弟，86年流氓大亨做個在頭幾集已被殺死的沙塵囂張有錢仔，86年黃大仙也是演衰格有錢仔，好似都係得幾集戲。
之前個留言都話過佢出番來拍劇後好似雪到已無晒士氣和鬥心，雖然外型就冇大走樣只係肥左DD，但精神就謝左好多，同畫出彩虹時朝氣蓬勃神釆奐發既佢判若兩人。而呢種情況之後都係都無什麼起色，反而好似仲每況愈下，起碼我從87年以後都無再見過佢有畫出彩虹時咁瘦同咁面尖尖(佢個臉型當一唔夠瘦時就好易變左包包臉，復出後佢身材唔係肥但唔夠瘦，所以有時上鏡某D角度就出現包包臉)，亦無晒初出道時朝氣蓬勃的感覺。
當時佢都似乎已經對娛樂圈越來越無心戀棧了，80年代尾拍劇之餘一直忙於在外做其他生意(好像是珠寶業，佢未入娛樂圈前曾從事珠寶業)，後來TVB同佢傾續約，但佢覺得薪酬不理想兼且過去幾年的演出機會也很少，發展不如意，所以80年代尾約滿，就選擇不再和TVB續約。
本來佢離開TVB後已幾乎淡出娛樂圈，但之後有個由TVB過去ATV的管理層何嘉聯，叫詹秉熙過去ATV，於是詹90年代初就去了ATV。雖然那幾年他在ATV拍劇方面都是沒受重用，最多做到2、3線，但在ATV那幾年他有同時兼顧在外面拍一些低成本電影，都有D係男主角，而這些低成本電影當中有包括3級片。
之後95年中返TVB，除了95神鵰耶律齊，其實佢另外仲有一個算係待遇較好的角色，就係刀馬旦的吳優(經常幫忙男主角陳錦鴻的有錢仔死黨，後來同許秋怡一對)。吳優可能算得上係佢自86年赤腳紳士以後在電視圈得到的最好角色了，之前射鵰耶律齊個角色本身雖然出名，但95版的編劇沒甚編戲給這個角色發揮，通常都是和一班人一齊做群戲行行企企講幾句。反而刀馬旦的吳優仲佔戲較重又多D地方可發揮，形象又鮮明，早期係個一味愛玩但善良又有義氣的灰諧有錢仔，雖然那些戲份多數係在群戲中插科打諢搞下笑，但起碼個角色性格形象幾突出，效果亦幾討好；而後期吳優破產落難後生活和心裡轉變的戲份，亦幾有發揮，由當初不能接受現實自暴自棄到反省完後重新振作，好幾場戲都幾令人動容。另外，我留意到佢在劇中早期有錢同後期落難時的肥瘦好似幾有分別，唔知係咁啱越拍越瘦定係特登富肥窮瘦，初出場時肥嘟嘟兼戴副金邊眼鏡，而且係好似阿伯式戴法咁低低掛在鼻上，我第一眼差D認唔出係佢。我覺得佢做呢個角色時個人又有番好多朝氣了。可惜刀馬旦呢套當年的重頭台慶劇收視係十分不理想，否則詹秉熙的演藝事業可能可似繼耶律齊和吳優中興之後再有些好轉機。其實刀馬旦套劇如果折開來看有D部份都幾好，但整體來講就散亂左D，而且男女主角陳周之間的感情戲好似一直都交流唔到，都感覺唔到兩位之間有情，我睇梁藝齡單戀男主角條線反而更充滿濃濃情意。刀馬旦之後，詹秉熙似乎沒再遇到較好的角色了，佢D星運好似在一出道中完大獎後就沒再有運行了，可惜當初佢中大獎時唔識處理亂咁FING晒。
之前剛在刑偵提及詹秉熙篇文都留左言，係呢度再補充番些，講埋80年代尾解凍之後到90年代中。
之前留言提及到詹生當年因為上位太快太順就得意忘形飄飄然，待人處事屢屢失當而得罪高層被雪藏，所以瞬間被打壓到突然消聲匿跡。本來同年開拍的重頭劇新紮師兄已安排詹秉熙有份擔任要角都即刻臨時飛走，換入關禮傑(基本上係演番原本詹的角色，但劇本好似有因換人而修改過)。
補充番事情詳細時間，畫出彩虹係84年5月播完，而詹正式被飛出新紮師兄兼從此雪藏就係6月底左右。
所以，雖然當年畫出彩虹呢套青春劇幾受青少年學生歡迎，而詹秉熙當時亦算係呢個青少年學生MARKET有紅起來(記得當時身邊都幾多朋友仔鍾意佢，而且男女FANS都有。我當時好迷佢，佢係我人生中第一個迷上的藝人。)但可惜佢在套劇播完一個月左右之後就已經被雪藏，事隔2年後才復出拍劇，畫出彩虹時的人氣都已經差不多無晒。高層對一個初出道憑處女作崛起的唔聽話新人打壓得咁狠，都擺明係想打謝晒佢的了。某程度上都係對以後的新人起著殺一儆百的警惕意味。
84年拍完處女作後被雪2年才再拍劇，人氣幾乎等於要重新由零開始，而且，雖然讓他解凍拍劇，但已不再捧他，至80年代尾那幾年給他的都多數是不好的角色，而且產量平均每年只得1、2套，當中86年赤腳紳士演個由壞變好的富家子，都可以算係男三(男一係呂方，男二係劉青雲但個角色是奸奸地的)，已經算係最好的待遇，可惜呢套劇反應一般，但我覺得呢套劇幾好睇。而其他寥寥無幾的作品就多數都係3線或以下的壞人角色，例如87拍88播的民初劇名門演衰格敗家有錢仔，89年連城訣也是演衰人，87年成吉思汗演成吉思汗其中一個弟弟，86年流氓大亨做個在頭幾集已被殺死的沙塵囂張有錢仔，86年黃大仙也是演衰格官宦子弟，好似都係得幾集戲。
之前個留言都話過佢出番來拍劇後好似雪到已無晒士氣和鬥心，雖然外型就冇大走樣只係肥左DD，但精神就謝左好多，同畫出彩虹時朝氣蓬勃神釆奐發既佢判若兩人。呢種情況之後都係都無起色，反而好似每況愈下。我從87年以後都無再見過佢有畫出彩虹時咁瘦同咁面尖尖(佢個臉型當一唔夠瘦時就好易變左包包臉，復出後佢身材唔係肥但唔夠瘦，有時上鏡某D角度就出現包包臉)，亦無晒初出道時朝氣蓬勃的感覺。
當時佢都似乎已經對娛樂圈越來越無心戀棧了，80年代尾拍劇之餘一直在外做其他生意(好像是珠寶業，佢未入娛樂圈前曾從事珠寶業)，後來TVB有同佢傾續約，佢覺得薪酬和發展機會都不理想，所以80年代尾約滿就不再和TVB續約。
本來佢離開TVB後已幾乎淡出娛樂圈，但之後有個由TVB過去ATV的管理層何嘉聯，叫詹秉熙過去ATV，於是詹90年代初就去了ATV。那幾年他在ATV拍劇方面都是沒受重用，最多做到2、3線，但在ATV那幾年他同時在外拍一些低成本電影，都有D係男主角，而這些電影當中有包括3級片。
之後95年中返TVB，除了95神鵰耶律齊，都仲有一個算係待遇較好的角色，就係刀馬旦的吳優(男主角陳錦鴻的有錢仔死黨，後來同許秋怡一對)。吳優在刀馬旦都算係佔戲較重又多D地方可發揮，人物形象又鮮明，早期係個灰諧形像的好人有錢仔，插科打諢搞下氣氛，角色性格形象幾突出，效果亦幾討好；而後期破產落難後生活和心裡轉變的戲份，亦幾有發揮，由當初不能接受現實自暴自棄到反省完後重新做人，好幾場戲都幾令人動容。我覺得佢做呢個角色時個人又有番好多朝氣了。可惜刀馬旦呢套當年重頭台慶劇收視十分不理想，否則詹秉熙的演藝事業可能可似繼耶律齊和吳優中興之後再有些好轉機。其實刀馬旦套劇如果拆開來看有D部份獨立睇都幾好，吳優部份同梁藝齡部份我都覺得幾好。
刀馬旦之後，詹秉熙似乎沒再遇到較好的角色了，佢D星運好似在一出道中完大獎後就沒再有運行了，可惜當初佢中大獎時唔識處理亂咁FING晒，如果佢當年不是得罪高層被雪，後來既星途肯定會好上不少。
嘩! 多謝你的資料...真係好詳盡! 為我解開好多謎團!
對不起，之前留言時系統有問題出不到，所以重複了，請刪除重複的留言吧。謝謝。
發佈留言
<< Home