11-9(fri) 今期流行獨自去kowloon
近期雜誌d標題幾精彩, 尤以“情場老千千千嬅”呢個標題改得最好…勝在夠響嘛, 係咁“千千”聲! 娛樂新聞呢d o野, 最緊梗要娛樂性啦…有幾多成真又有幾多人關心呢?! 仲有, “楊古丁”呢個名又係改得唔錯! 另一單話蔡少芬戀上男裝版陳法蓉, 戴o左個黑框眼鏡就變o左“男人”?! 又係搞笑…有創意, 我鍾意…因為我都愛蔡一智!
前vrf o個位丁子高先生…當年已經覺得佢個英文名real超趣緻, 其實有幾real呢? 仲有佢個隊友個名仲趣緻, 叫raul…個名居然讀成“ra-ooo”, 又係得意! 真係咩名都有!
亦今人諗起佢阿哥丁子峻, 同埋“百份百感覺”裡面o既“1996年o既coca cola”…嘩哈哈哈哈哈! 有無人知我講咩?!
o個時好鍾意睇呢套戲, 係我唯一一套入戲院睇o左兩次o既戲, d演員我好鍾意, 成套戲感覺好young, 好fresh, 好型, d歌又好好聽 (尤其係sammi隻“不拖不欠”同“問我”), 套戲仲好好笑 (鄭伊健真係做戲好過唱歌好多), d對白超抵死 (又或者係好o岩我o地o個個age group啦! 依家d人睇番又可能覺得好老套!)…連sammi同gigi去傾偈o個個銅鑼灣pokka, 我咁多年來直到依家都成日去 (其實唔係太關佢o地事o既, 係我一路都覺得o個度感覺好舒服), 不過裝修o左幾十次之後已經無咁好…拍戲o個時個裝修好似舒服d!
今期流行楊古丁, 特登摷番當年好鍾意o係k跟住跳跟住笑o既“今期流行”o既舞步…係繼“獨自去kowloon”之後另一經典之作 (“獨自去kowloon”有炒餸同埋踩“甲由”[仲係唔識打!]動作, 而呢隻“追命林琴”就有頭痛時抹窗+用手發蛋+頭頂求簽的啜咳舞步…邊個編舞o既我要俾十個爆笑公仔佢!)…好鍾意, 超爆笑, 拍得住張如城小朋友o既“真愛是真”…每次都睇得人好開心!
噢…真係oh my god喇! 估唔到我會搵到“獨自去偷歡”o既片段…之前搵o左好多次都搵唔到, 近期終於有朋友upload o左…真偉大! 我想同大家分享呢d經典舞步好耐! 編舞o個個又係應記一功…至少過o左15年, 大家都一定記得呢d經典舞步! 睇番段片, 原來兩首歌的舞步其實幾相似, 又係有[手禁]實個頭抹窗同切菜等動作…不過呢首仲勁, 一連串舞步無停過…我推介呀! 同埋其實劉華都跳得不太差呀!
o個排真係好興咩都跳一餐…所以o個幾年叱吒軟硬成日扮四大天王o既舞步! 連歌神張學友d歌都要加入動作, 好似“愛火花”, 仲有leon o既“sayonara…啊!”, 城城當然就有最經典的…當時3歲小朋友都識得跳o既“對妳愛~愛~愛~不完”…仲有華仔另一隻“你震撼我的心靈”的動作都係令人“O”晒嘴!
(獨自去偷歡 @ 1992 勁歌金曲第四季季選) )
前兩日睇“勁歌金曲”, 點解仲係鄧健泓做主持o既?! 又話暫代amigo…佢都爬完雪山咁耐, 點解仲唔俾番佢做o既?! 係咪無得做啦?! oh…原來patrick做埋呢期o既“勁歌推介”添…真係好over!
仲有個樂壇新人萱寧, 上次我睇“翡翠歌星賀台慶”已經想講o架喇…佢好熟面口呀!!! 好似98年一隊曇花一現o既女子組合“sisters” o既其中一員...不過今次係個妹囉! 兩年前見到kellykackie個經理人, 覺得佢好似“sisters”o個個家姐, 今次係個妹! 有無人知道我講邊隊組合? 我o係網上係完全搵唔佢o地o既資料, 但真係有d似囉…呢…佢o地98年翻唱過溫拿隻“sha-la-la”, 同埋有首歌叫“設計圖片”都幾好聽! 有無人可以解開我呢個疑團呢?! 腥橋腥橋!
嘩! 原來今年台慶又有多個選舉, 係咩qq網“內地tvb最喜愛藝人選舉”, 好似仲係林峰領先添…整咩今年加o左咁多獎o架?!
仲有, 唔知大家有無睇過前兩日“娛樂直播”羅嘉良o既訪問?! 好搞笑…搞笑在葉翠翠o既表現, 我諗佢真係好仰慕撈家, 當佢神咁拜…佢講咩佢都雙眼發亮係咁“嘩! 嘩! 嘩!”…我衷心覺得佢真係好仰慕佢+好開心+好興奮而唔係擦鞋喎…所以好搞笑!
posted by 芒姐 at 12:57 上午
12 Comments:
我有睇段訪問呀! 亞葉翠翠真係勁開心勁hyper咁, 多次不自控地「哈哈哈」, 真係好搞笑! 話是話, 我總係覺得羅嘉良好"無線一哥"feel! 同埋眼見葉翠翠咁buy佢, 我諗撈家真係一個好好既前輩! 唉.. 講講下好想睇返佢堆劇, 好想睇佢part番宣萱/陳慧珊!!
我覺得呢期TVB捧捧地葉翠翠。不過我始終都覺得佢唔係奧運主持既最佳人選。
“今期流行”o既舞步真係超搞笑, 古天樂完全係零節奏感, 實在係太冇天份喇!
至於劉華, 又係勁冇節奏感果隻, 不過已經好過mr. cool 好多, 但你有冇發覺劉華好鍾意跳break dance? 我留意左好耐, 每次有快歌音樂響起, 當其他唔識跳舞嘅歌手唔知點算好唯有0係度un黎un去嘅時候, 劉天王就會跳break dance... 唔知遲d古巨基會唔會都係咁呢?
訪問果段,唔知係咪原先得一個男主持訪問嘉良的呢?有可能係葉翠翠好想參加,所以先坐賣去呢?好似呢d訪問大多數都係一個家嘛?仲有時時都聽到葉翠翠叫羅家師傅啊,係好仰慕果種叫法啊~~咁係新戲裏面,佢做羅家的前女朋友,仲好似係好好果種,我諗她一定係開心到合唔到嘴咁笑啦~~~
芒姐，
Raul係西班牙文名，皇馬未有個Raul （魯爾）囉。
Real 係西班牙文解Royal ，以前d體育記者唔知呢個意思，就將“皇家“馬德里叫做“真“馬德里。
不過我未聽過丁生個名就境係用英文發音抑或西班牙文發音？老實講，我最近先知呢位係人兄。
btw,我都係溏心時候鐘意左林峰, 看過你既文章先留意到你個blog，無線都係想分多幾個豬肉獎，而且內地個市場又真係大得驚人，我諗呢個獎林峰 sure win 。
剛才睇「歡樂今宵團圓夜」見到你偶像表演呀, 佢都真係算保養得好!
Diaryland時期讀者,
哈哈…我鍾意你用呢個名, 好似呼應番我上一篇entry咁…
至於我偶像…嚴格o黎講佢唔算係我偶像o既! 不過睇完佢o個個表演, 我真係要封佢做偶像囉, 除o左保養得好, 佢o既表演真係“神符奇技”, 睇到我“o”晒嘴!
Btw, 呢個「歡樂今宵團圓夜」幾好睇喎, 好睇過平時「再會歡樂今宵」好多!
匿名,
咁我都同意加多d獎又係可以多d人獲獎, 皆大歡喜d o既…但係就無以前咁矜貴囉!
丁生個名咪係平時人讀 “真實”的real咁讀囉…其實佢o地vrf o個4位都係想改四個r字頭的名, 正正常常咪算囉! 不過可能正常又無人記得, 正如我都唔記得正常名有個叫ray (好似係小雪個男友), 另一個係叫咩喇?!
話時話, 其實o個時vrf的歌都ok好聽…我尤其鍾意o個首“寒冰掌”!
匿名,
係啦, 我都覺得好怪, 平時好少兩個一齊訪問 (雖然都可能有試過)! 不過俾葉翠翠一齊o係度都好, 佢真係超hyper…反而幾搞笑…淨得敖嘉年實悶爆!
匿名,
“今期流行”超爆笑…我好鍾意!
劉華好佢些少o既, 近年d演唱會有進步!
Christy,
哈哈哈…佢實在太開心! 我都覺得撈家o係娛樂圈應該都算係比較好人, 你睇佢人緣都唔錯就知…我都好想睇番佢part宣萱/陳慧珊!
Tvb呢期明捧葉翠翠啦…台慶又有佢, 奧運又有佢! 不過我都覺得佢完全唔適合主持奧運…佢兩文三語麻麻地啦, 不過佢勝在聽話嘛! 當年葉璇其實係揀得好, 又幫tvb搵到好多內地運動員訪問, 就算d人覺得佢over但都不能抹煞呢點呀! 依家都唔知可以搵邊個…或者法拉囉…佢英文/國語都ok!
1996年o既coca cola”… 收到, 係咪仲要加片加里福尼亞橙區o既黃皮 lemon scarrrrrrrr?
匿名,
WAHAHHAHAHAHAHHAHAHA!!!!!!!!!!!
發佈留言
<< Home