11-3(sat) 苗僑偉@志雲飯局
前個禮拜去睇“兄弟”…當然主力係為o左睇四虎, eason同佢o地一齊, 無可否認係有d格格不入o既…同埋佢同苗僑偉o既年紀真係相差太遠…做“父子”適合d!
三哥依然係型, 但亦都無可否認, 佢真係唔細…本來講緊佢o地童年, 跟住轉眼間 (即係好似粵語長片裡面影一影d流水, 代表過o左18年o個隻)到o左現在…o個兩兄弟長大成人…但係, 居然係變o左三哥…sorry, 雖然我buy三哥, 但我感覺上係變o左50年後囉…感覺太怪! 但更怪o既係飾演佢細佬o既係eason…點解唔係劉華?! 同埋, 點解靖哥哥黃日華依家搞到要做人條“o靚”…真可憐!
呢排有好多人向我推介三哥o個集“志雲飯局”, 話好好睇! 尤其係講番佢當年o既好拍檔翁美玲o個part喎…終於o係youtube搵到, 又真係幾好睇, 三哥真係講到想喊咁! 亦都clarify左d o野, 幫佢個好兄弟湯鎮業平反o左少少!
(苗僑偉@志雲飯局- Part 5, 6, 7…講五虎的關係同埋佢o既最佳拍檔翁美玲)
(苗僑偉@志雲飯局Part 6)
(苗僑偉@志雲飯局Part 7)
兩年前因為寫
“八十年代的美麗傳說-TVB當家花旦”, 做資料搜集時睇o左好多關於翁美玲自殺o既資料…唔知道background o既朋友可以重溫番o下先…因為我相信細過我, 甚至同我差唔多年紀o既朋友都唔了解呢件事, 因為o個時真係太細…相信要七十年代初出生的朋友先會記得呢件事…雖然我都好深刻, 因為受我當時好喜歡的表姐 (而佢又好喜歡翁美玲) 影響! 不過我都要睇番先記得d前因後果:
2005-7-23(sat) "八十年代的美麗傳說-TVB當家花旦"之"你是八十年代"
2005-7-24(sun) "八十年代的美麗傳說-TVB當家花旦"之翁美玲
2005-7-26(tues) 翁美玲之死
2006-3-14(tues) 楚留香之蝙蝠傳奇
2006-3-22(wed) 八十年代的回憶…三哥+etv
睇完三哥段訪問, 更加confirm o左我之前o既諗法, 其實翁美玲o既死真係未必關湯鎮業事, 唔係話完全唔關, 但絕對唔可以話係湯累死翁, 可能翁真係只係一時睇唔開, 甚至好似三哥咁講係想激o下佢男朋友, 點知陰差陽錯卻鑄成大錯…其實湯o既傷心唔會比任何人少, 同埋佢之後背上o既罪名再加上廿年後都活o係“累死o左萬人迷”的陰影之下, 其實都幾慘!
三哥話佢同湯鎮業當時直頭失去理智, 想盡辦法想令翁美玲翻生, 又搵道士招翁o既靈魂上o黎…其實湯鎮業當時都好傷心, 同埋感覺都幾情深義重呀!
睇完三哥講番阿翁的死, 唔知點解令人諗起“天師執位”o既經典片段, 佢兩個輪流扮紙紥公仔…真係邪到爆 (佢死後d報章就當然係咁講有幾邪啦!)! 呢個scene細個時都覺得幾係驚o架! 依家睇仍然係有d寒! 不過呢套劇又真係好好睇…重播都睇過n次, 係百看不厭!
(天師執位經典一幕…仲有好好聽的主題曲 “誰可改變”…但係驚o既朋友請勿看!)
(仲有呢段“苗翁配”, 整得好有心! 阿翁真係好靚, 三哥亦都真係好有型 [不過依家老o左好似仲型d! 有成熟的魅力…男人同女人真係永遠無公平!], 佢o地真係好襯囉…雖然高度差成呎, 但又真係出奇地合襯…話佢o地係八十年代其中一對最經典o既螢幕情侶, 一定無人會反對!)
posted by 芒姐 at 12:11 上午
20 Comments:
其實就算係而家，見到三哥ｄ戲，他的表情神態，很多時都彷彿見返以前三哥後生時的神髓家，尤其是係天師同埋射鵰．．好似佢前排的歲月風雲，佢ｄ表情我就時時有楊康＋司徒文武的錯覺，唔知點解，哈哈～
睇返翁美玲的片段,好唔開心!
睇到條題，我都要即刻寫幾句。果集我都有睇，好感動，好傷感。我都係好鍾意翁美玲架，記得當年果日媽媽黎接我放學，同我話翁美玲自殺呀，我好震驚呀，唔敢相信。跟住日日都留意住d 新聞，好似仲有一段新聞話埋佢幾時投胎，姓咩添架。好唔開心呀。仲記得當時買咗好多佢既相，但媽媽猛話唔好架，快d 掉晒去，好多珍藏就咁無晒。唉。
睇完你既「翁美玲之死」，好想喊。
睇完呢個訪問,三哥同翁美玲的感情,應該係除阿湯之外最深的一個啦,由佢講番她的事出黎,真係好直接,好touching，雖然係有點寒，但三哥同阿湯當時只係二十來歲的青年，都敢去招魂，可以感受到佢地果時的慌亂同對阿翁果份深厚的感情。另外，呢個訪問都見到三哥仲係有楚留香果個慣性的摸鼻動作。
講開又講，天師執位裏面果個扮紙人的，我睇的時候唔驚，但反而係一套「八仙過海」的亞視劇，已經好舊的啦，主題曲起初是「仙山隔雲河．．」，里面有一幕係曹國舅死後魂魄回來，隔著道門同自己親兄弟講話，細個時候睇到真係好驚，唔知芒姐知唔知我講的係邊套呢：）
好唔捨得barbara, 佢真係一個好靚好可愛好有貴氣嘅女仔, 依家嘅港姐同電視圈好難再有呢D咁高質素嘅女仔!
照咁講, 幾年前爆出果個傳聞(話阿肥肥搵人搞阿翁, 最終導致佢睇唔開)應該唔係真?
好多謝你的分享, 記得中學時段勁迷戀翁美玲, 迷到俾我阿媽話, 所以今次睇三哥的訪問, 都勾起我好多回憶！阿翁真係好靚好可愛呀！d戲仲好出色添！
我都想知肥姐搞阿翁單野有幾分真幾分假...
雪人,
哈哈...點解中學時會迷戀翁美玲O既? 因為邊套劇呢?
係啦, 可能真係太一瞬即逝, 所以就更加令人難以忘懷!
匿名,
係...之後真係再搵唔到一個人可以代替佢O既地位!
至於肥姐單O野...真係一個謎! 我都好想知...
匿名，
我都相信其實佢ｏ地兩個年青人都係好重感情的人, 湯其實都俾人鄙視o左廿幾年, 佢都有d慘...
係啦, 三哥仲係有當年楚留香的影子, 可能因為我o地係o個個年代, 心中的楚留香總係三哥而唔係秋官...當然, 年長的一輩又唔會認同!
你講o個套亞視劇我又真係唔識喎...
敏兒,
其實如果唔係因為寫O個篇"八十年代當家花旦", 都唔會做O個D RESEARCH, 亦唔會睇番咁多O野...我睇O個D舊報導時, 都睇到好心O翕!
匿名,
係呀, 每次睇番翁美玲的報導或片段, 個心都會"LA住LA住"...
匿名,
其實三哥依家成熟o左好似俾以前更有型添...我覺得!
我細細個時仲未識字, 知道阿翁死左, 都有d唔開心, 仲好想知發生咩事 (不過父母唔得閒應酬我呢個幾歲的豆釘), 之後大個d仲會儲起阿翁的剪報。到左around中四, 知佢下午重播射鵰, 就日日錄起佢放學睇, 就係咁, 開始迷戀翁美玲lu~
無錯~ 我心目中的楚留香係三哥唔係秋官呀!
我想問吓翁美玲係咪同亞湯冥婚??
報紙有冇講過呢?
匿名,
真係唔知...前幾年睇番D報導只係話:
"1985年5月18日，舉行葬禮，香港兩萬多人揮淚相送。警方出動100多名警察維持秩序，新聞界的採訪記者達300多人。 湯鎮業身著黑色喪服，面容憔悴，滿臉哀思。人群一陣騷動：“打死他！打死他！”的喊聲不絕於耳。湯鎮業無動於衷，他已無淚，他手持一枝紅玫瑰，久久佇立在翁美玲的遺體前。他把花輕輕放在翁美玲的鬢髮旁，又拿出一把梳子，細細地給她梳理秀髮。然後他用力把梳子一折兩斷，一半放在美玲身邊，一半放進自己的口袋。這是當地結髮夫妻永別的禮節，他把美玲當作結髮妻子。"
...但我諗無冥婚O卦...佢之後都有結婚呀...我真係不清楚!
雪人,
我O地中學年代又真係成日重播阿翁D戲, "生[金秀]橋王"同"天師執位"都重播O左好多次...好好睇!
係呀, 我仲記得我套套劇都有錄, 飛埋廣告tim~ (除左楚留香, 剩係錄有阿翁的部份). 0個陣真係勁呀, 朝朝早六點起身睇天師執位, 睇完就換衫執書包準備返學。你而家叫我咁做, 我就寧願訓多九個字 :-p
雪人,
咁...點解唔錄O左佢呀?
不過對小朋友O黎講, 6, 7點起身都OK O既...依家又真係唔多做得到!
翁美玲香港影迷會 - Yahoo! BLOG
http://hk.myblog.yahoo.com/yungmeiling-hkfanclub
發佈留言
<< Home