10-12(fri) 1999年度香港小姐
前排講開港姐, 又睇番99年港姐決賽…郭羨妮真係好靚, 雖然我係唔buy佢, 但客觀地講真係幾靚, 對答亦算幾得體…不過唔知點解佢呢幾年連個樣都變埋…o係“學警”入面真係唔多靚, 尤其個嘴好似唐老鴨咁…勁怪!
胡杏兒個樣其實唔起眼, 但討好, 同埋佢識得搶鏡搏好感…佢係聰明精叻o既…抵佢有今日! 同埋佢呢隻style係幾typical會拿季軍o個隻…通常一開始唔係大熱門, 唔係話最靚o個批, 但中途出到位有人識, 又口齒伶俐幾討好o個隻!
(胡杏兒@99香港小姐決賽)
反而企佢隔離, 年紀同佢差唔多, 走差唔多路線, 質素亦唔可以話差好遠o既何婷恩 (唔知有無人識佢? 佢做過一輪tvb兒童節目, 又拍o下刻做三/四線藝員…例如“學警雄心”o既學堂女警…跟住好似又去o左亞視, 呢期又見佢返番無線, 但居然係同一jar新人做“千金小姐”while佢已經入行8年!)…做到依家仲要去番同新人一齊做“千金小姐”…但係胡杏兒已經去到一線花旦o既位置…真係同人唔同命! 唔知佢o地見番, 會有咩感覺?! 哎…!
許志安做最上鏡小姐評判, 仲頒“活力風采獎”俾胡杏兒, 話胡杏兒見到偶像頒獎俾佢面都紅晒…風水輪流轉, 估唔到幾年後許志安會dup晒, 走番o黎拍戲仲要俾佢個fans胡杏兒帶住, 我諗當初佢兩個都估唔到會咁…娛樂圈呢d o野真係話唔埋…!
當初郭羨妮大熱拿冠軍, 亦都唔會估到爆冷奪季軍o既胡杏兒今日會紅佢咁多, 而佢自己就因為負面新聞一籮籮而搞到dup晒…仲要咁辛苦走去爬山搏翻身…!
(郭羨妮@99香港小姐決賽)
除o左99年, 我覺得最好睇o既, 都係91同94年港姐…之前可能都有好多屆好睇o既, 不過當年太細未識好認真咁睇…!
posted by 芒姐 at 12:18 上午
11 Comments:
靚 vs.合眼緣? 系娛樂圈, 好似真系冇咩女明星系特別靚而又特別有觀眾緣0既.
又或者系, 靚女0既緋聞比較容易制造? 其實明星0既八卦新聞來來去去都系0個幾樣, 都唔知點解會有0甘多人睇, 仲要系完全相信添, 而0個D相對來講少D八卦新聞0既明星就會被認為系清清白白0既, sigh...
講起上來, 上次無意中發現, 原來郭羨妮系中英混血兒, 真系唔講唔知, 因為她一D都唔似混血兒.
你睇真d, 其實係似嫁, 佢唔係ana r., lisa s. 果d咁似, 不過你細心睇佢下嘅輪廓丫, 其實真係似嫁...
話時話, 李嘉欣當選港姐之初(大家睇下佢參選時或參選前, 同入行一至兩年之後, 佢對眼明顯唔同嫁, 個雙眼皮明確深左好多嫁), 都有好多人話睇唔出佢係混血兒, 雖然佢個鼻真係幾高 + 眼睫毛真係幾長。
芒姐~
有野請教你
雖然亞視你剩係睇大how,不過唔知你知唔知d個節目
都好多年前下架喇
係日本節目黎ge
有快咇同慢咇做旁白
唔知你知唔知呢?
係無線以瓶同樣有個日本節目
我記得好似有一集要d參賽者起特別ge屋之後
都係類似亞視o個個咁
唔知你知唔知呢?
Re: yan
你講既亞視節目係咪 "一級奸巴爹"?
係呀, 郭羨妮係mixed黎架我知. 但係我想知佢daddy係英國人丫, 定係祖父母果d係外國人? 坦白講, 唔知點解佢參選果時我又冇特別覺得佢真係好靚..反而覺得佢個樣有d老, 總覺得佢參選完個樣好d (其實好多港姐都係..) 不過而家有略嫌太瘦了。
唔知點解呢. 我覺得港姐季軍好多都係口才了得同埋俾人既感覺好smart, 尤其係對答環節。
哈哈胡杏兒就開心啦, 可以同偶像拍劇 :)
娛樂圈真係好奇怪架. 港姐冠軍唔等於會紅,有talent又唔代表一定紅硬, 你呢一刻紅唔代表你下一秒都係咁, 真真正正係變幻莫測.
by the way, 乜原來李嘉欣都係mixed黎架?
係咪呢, 喇, 真係有人唔覺李嘉欣係混血嫁...
christy, 佢阿爸係葡萄牙人, 所以佢其實係姓reis的。至於郭羨妮, 我記得以前睇過d資料話佢有4分1英國血統, 即係好似江欣燕同江欣慈兩姊妹咁, 江氏姊妹嘅外婆係英國人, 但郭羨妮係外公定外婆、爺爺定"麻麻"係英國人呢就唔記得lu!
monjeh, sorry to off topic
mr davis shiu!
http://www.hkatv.com/v3/drama/07/teenwaves/character.html
m@linxism,
哈哈...THANKS!
我有睇亞視介紹呢套劇, 不過一路都唔知有邵仲衡...本來真係完全睇唔起興趣去睇半集, 依家可以考慮睇少少啦...佢劇照個樣真係比以前老O左好多...
START&匿名,
RE: 混血兒...
郭羨妮其實我一開始都覺得佢似混血兒, 不過又真係一D都唔知佢係喎, 因為佢又無李嘉欣咁明顯...我係指D輪廓好深咁!
以前TVB周刊登過郭羨妮細個D相, 佢話自已直至F.7先好樣D, 再之前好似菲傭, 睇O左佢中學D相, 又真係一D都無錯...可能因為佢膚色比較黑...
christy,
可能通常D評判揀季軍都覺得係得得意意, 口才好但又唔洗太靚咁O卦, 反正通常都係2,3名仲紅過冠軍...因為靚又真係唔等如有觀眾緣O架嘛!
好認同你講, 娛樂圈係最變幻莫測O架啦!
yan,
快咇同慢咇做旁白, 我都只係識"一級奸巴爹"O乍, 唔知你係咪指呢個節目?
發佈留言
<< Home