9-28(fri) 舞動全城
Oh…點解個地鐵有史以來最肉酸o既“小心梯邊夾腳仔”口號又出番o黎??!??!!??!?!! 真係每次聽到都毛管棟…點解cut左又整番? 真係好核突…抽起咪好囉! 邊間廣告公司幫地鐵諗出o黎o架?! 應該永不錄用囉!!!
睇o左幾個禮拜套“舞動全城”, 我又真係覺得幾一般喎…完全無咩衝動去追…好過後段o既 “歲月風雲”少少, 但都係ok悶!
雖然我幾鍾意廖碧兒, 不過又唔覺得佢o係呢套劇個角色特別吸引, 同埋佢同馬浚偉真係…一般啦! 跳舞係好睇, 不過正如我上個禮拜o係蘋果所講…“連場歌舞都係放o係台慶/港姐/東華等大騷比較適合”, o係一套劇裡面不停有d跳舞場面, 仲要係斷斷續續咁, 其實唔係太吸引! 仲要間涼茶公司的員工個個被逼學跳舞, 真係十級九唔搭八囉! 仲要騎呢到d主角無啦啦o係街會跳, 傾傾o下心事會跳, o係屋企又跳…真係好趣緻o下! 雖然話係 “舞動全城”…但咁樣未免太點題喇!
而呢套劇同近期無綫其他劇一樣, 又係為o左賣廣告而賣廣告, 一日拿住支涼茶o翕三o翕四, 但呢d劇情又勁牽強…tvb幾時先可以停o左佢?! 點解…真係點解…d高層講極都唔明, overdose of一個藝人或者一樣產品, 係會令人由唔反感都睇到反感…仲要咁九唔搭八咁加落去, 就更令人反感…對於該藝人或產品都係有百害而無一利…d廣告商都應該會明白呢個道理啦…點解仲要咁樣落廣告法?! 真係太突兀, 太over, 好肉酸的手法!
我就比較buy廖碧兒, 但係聽聞全線網民 (應該係男士o卦) 都係為o左睇阿法拉先睇呢套劇, 話廖碧兒係“大隻妙”喎…但係, 我見過佢真人幾次, 真係靚爆鏡, 幾討好啊! 可能呢d又係男女大不同! 正如女仔無一個會buy一級豬楊c琦小姐, 但好多男仔都覺得佢超正…哈! 唔緊要, 各花入各眼, 家家有求o者! 我就真係暫時未游說到自己去buy阿fala小姐喇!
反而最大o既謎係點解另一位女角徐子珊小姐做電影時俾杜琪峰, 梁家輝, 任達華個個力讚佢, 捧到上天, 又話係最有潛質新人, 演技自然到不得了etc., 但睇佢做電視又真係唔覺喎? 唔通電影同電視的要求真係差咁遠? 點解d comments會有咁大分別? 今次特登留意佢, 係比起上次“學警出更”好o左少少, 至少無咁浮誇 (雖然上次話係角色需要…但真係over o左!), 同埋佢個樣真係靚o左d…但上次係底線之作, 今次無上次咁令人反感唔代表係做得好好…究竟係咪我唔識欣賞呢?!
反而葉翠翠今次有d驚喜喎, 雖然只係客串幾集, 不過做得幾好, 演技進步o左好多! 同埋佢o係近期咁多是非之下都無咩出聲, 反而覺得佢幾有風度…呢樣我欣賞! 本來佢選完之後一路都覺得佢真係唔多ok, 唔應該拿冠軍, 但呢期感覺好o左…有時人真係品緊要過樣o既…至少我個人係咁認為!
posted by 芒姐 at 12:17 上午
14 Comments:
嗯！
當我開親＜舞＞的時候，我Ｄ同屋都會問今集有冇法拉chan先！！！如果冇，我都幾難安安靜靜咁睇！
本人都係較欣賞廖碧兒，雖然上鏡有時係包左Ｄ，不過佢真係跳得幾好睇！
同埋聽好多好多見過佢真人的朋友講，佢真人好靚呢！
攪到我都想撞下佢！
聽聞好多電視行內人都讚徐子珊做得好
新一輩黎講有演技有potential
學警出更時監製係雜誌度仲大讚佢表現好添
電影呢....要睇過跟蹤至知
不過呢d落差都可能關佢既觀眾緣吧
徐子珊的觀眾緣由選出黎既時候已經麻麻地
講到做戲...."行內專業"同"觀眾專業"係兩回事
廖碧兒係靚,不過畀唔到男人幻想掛:p
我本身唔討厭徐子珊, 但講到佢嘅演技... 對唔住, 我真係接受唔到, 尤其是佢把聲, 同個勁嘟勁"where"嘅小丑咀, 如果佢咁都叫有演技, 咁其實當年嘅李美鳳都應該算做好有潛質... 唔明點解方小姐、樂小姐要捧佢?
it's me again :)
你講得岩.
呢d連場歌舞都係台慶果d大show搞會好過電視劇搞..
最重要既係佢而家搞左我又唔覺得好特別"舞動全城"到
可能係有某部份演員跳得麻麻啦
令到我好唔能夠投入齣戲去相信佢地係高手/跳左好多年舞..
不過咁, 我都feel到佢地每一個都盡左力 :)
係呀係呀
一間大公司, 大公司既員工同跳舞呢條線真係拉得好勉強.. -_-
哈哈 我又幾鍾意徐子珊喎.. since佢參選果時.
但.. 我都唔係幾頂到佢講野個嘴..
不過其實佢improve緊架. 因為佢第一套參如既劇重難頂 XD
btw
1) 我buy BERNICE 多過 fala. 直覺覺得fala唔係nice人. 哈哈哈哈哈哈哈.
2) 係喎
果次o係歲月風雲見佢無啦啦zoom近部電腦同相機, 原來係想影SAMSUNG個名! -0-
點解呢排tvb咁hard sell佢d贊助商既? 以前都有贊助商架但又唔見佢好似而家咁hard sell得咁誇張架喎! 有時佢咁賣廣告重顯得影得好奇怪...
睇過舞動全城的節目大綱后, 始終覺得沒興趣去睇...
男人睇女人同女人睇女人幾時都不同, 男人prefer "sharp"(?), 女人perfer "smooth"(?). 這兩個形容詞用得比較怪, 但比我o既感覺系o甘...
一D大牌電影都要靠賣贊助商的廣告先有資金, 所以TVB的做法都無可口非o既. 不過, 賣廣告o既手法可以聰明一D, 而不是重重復復o甘去將個產品擺系鏡頭內, 畢竟電視劇的時間比電影長好多, 同樣的手法系電影或者可以接受, 但是系電視劇里面, 就真系令人不厭其煩... 話時話, 其實有冇人真系因為電視劇里面的廣告而去幫襯贊助商?
呢個我估係男女既唔同掛！我又唔覺陳法拉有咩咁正！如果論跳舞衫，廖碧儀著得好睇好多好多倍，ｄ入膊款著得佢瘦，身材好又有肉，絕對係佢著衫唔係衫著佢！相反陳法拉就要著ｄ若隱若現既先搶到少少鏡，廖小姐贏好遠！
雖然一直有追你個blog
但今次你篇文章
我竟然有8成disagree
想法有何不同不要緊
芒姐今期提到有關普遍的東東
似乎都是你獨特的想法
匿名,
無所謂呀, 人人都有不同意見, 絕對歡迎發表...
雲,
哈哈...我諗呢d真係男女大不同...大家o既睇法同觀點都唔同, 咁無壞o既, 各有捧場客囉...
start,
哈...你o個兩個"s"的形容詞都幾準繩呀...
其實以前都係有大量廣告唔覺意用在劇集上, 但近期的手法又真係突兀o左d, 我最可以接受又覺得最有效o既, 會係冠名節目, 好似咩咩特約"真情"咁...咁咪好囉, 人人都o翕一次, 但又無咁夾硬o黎...
christy,
你好! 其實跳舞我都鍾意睇, 不過咁樣夾硬link落d舞蹈場面度, 又未免騎呢o左少少!
徐子珊參選o個陣, 我都幾buy佢, 不過之後真係倒退到 (無論個樣定形象)...佢做"女人唔易做"都好難頂...不過近期又好番少少...不過我都認同佢個嘴係一大敗筆!
匿名,
我都唔知...或者真係各花入各眼啦...不過佢暫時真係無法入到我o地眼!
jj,
你分析得好好...正如你話齋, 可能真係"行內專業"同"觀眾專業"的分別...或者再俾多幾次機會佢囉!
b.,
去中環啦...我成日o係o個頭撞到佢...佢仲要唔會好似d三/四線星仔咁日光日白帶晒超扮晒o野...
發佈留言
<< Home