2007年9月18日星期二

9-18(tues) 沉迷Facebook 影響社交應求助

前兩日睇到呢個heading…笑死我! 不過又不無道理...又可能我都係其中一個, 不過都唔係近幾個月o既事...哈哈! Friendster唔興之後就到facebook…不過其實我覺得就算係都唔係facebook特別“影響社交”, 要講都係上網in general又或者打機啦…facebook只係會浪費晒d時間o者! friendster都係搵o下d friend, facebook多o左咁多applications, 一係就唔玩, 一係就玩極都玩唔完…一唔覺意就搞o左兩個鐘...雖然話係睇你點去分配時間, 但又真係好似有d沉迷o左喎! 不過呢d應該搞多一排又唔興, 好似friendster咁…算吧啦…就俾自己玩多陣!

*********************************************

沉迷Facebook 影響社交應求助

每天登入Facebook等交友網站成了不少打工仔的心癮,社會福利署臨心理服務科總臨心理學家劉家祖指出,沉迷Facebook其實跟以往人們沉迷網上聊天室、打機一樣,是潮流的反射。他相信Facebook吸引辦公室工作的人,因為「都市生活局限,他們朝9晚5在同一地方工作,很少機會接觸不同的人,Facebook是另一個渠道讓他們擴大社交圈子,即使那只屬虛擬。」

網民可在Facebook內,向已聯繫的朋友送上「一杯啤酒」、「一條小金魚」或其他虛擬小禮物,更有人會「飼養寵物」,定時定候向那隻自選小狗送上「食物」。劉家祖指,這其實是另一種形式的心意卡,玩家的出發點,是為滿足無法實現之事的欲望投射,如小朋友以送酒滿足其對喝酒的幻想,又或不能養狗的人以此安慰自己。劉家祖說,若玩Facebook至影響日常社交生活,應向輔導員或心理學家求助。



前兩日北上廣州, 夜晚去白天鵝賓館飲o野…居然o係lobby見到一位香港“天王巨星”…oh...請留意相片右下角…o係咁黑o既環境…你…認得佢嗎? 我認得! 差d想去搵佢簽名同埋影張合照添…呵呵! 不過見佢可能等緊人…甚至係等緊記者o黎影佢…所以…費事阻住佢喇!

嘩! 廣州真係熱到痴線, 熱到透唔到氣!!! 好搞笑…有一日行過個公園, 見到好多group人 (主要係40多歲的auntie們) o係度跳舞…好勁好pro又好落力! 無綫雖然成日懶勁咁整埋d“全城舞動, 舞動全城”口號…但播o左咁耐就唔見可以令香港掀起任何“舞動全城”o既熱潮…原來真正“舞動全城”o既…係廣州! Tvb應該去o個度宣傳!

仲有, 無意中o係酒店睇到一part“大時代”, 係講阿孝同婷婷…又幾好睇! 好有衝動去睇番“大時代”! 頭先search youtube同土豆…發覺有好多“孝婷戀”片段…原來有好多人鍾意睇! 好似之前講過, 不過都要point out多次…邵仲衡其實都真係幾型同埋幾討好…點解會紅唔起呢 (唔係唔紅o既, 不過以佢o既條件, 絕對可以更紅)?!


(孝婷戀@大時代...p.s.呢首“一生愛你一個”都真係幾好聽...雖然當年喜歡佢同期的“愛難留”多d...不過呢首都好經典! 鄭伊健真係成日都遇到好歌…可惜…)

嘩! 今日11點幾無啦啦睇到一個叫人做facial同埋keep fit的廣告節目…搵o左落選港姐何傲兒同埋贏o左香港先生少年組o個位弟弟趙國東做主角…嘩, 佢d懶音真係…嚇死人! 比起陳敏之, 唐詩詠, 黃紀瑩, 陳彥珩等等等等懶音大使絕對有過之而無不及…唯一可以同佢媲美o既可能係“柯佬黎”!!! 佢o既一句”做占”應該可以列入本年度懶音佳句 (sorry, 呢句嚴格o黎講唔係懶音, 應該係英文發音問題…佢應該去同“賣飛佛”+ “柯佬黎”一齊上o下初級英文班)…平時d怪英文都可以頂到, 呢句”做占”真係“O”o左100個嘴!!!!!

我完全唔明點解要搵佢做…點解要咁樣虐待觀眾? 佢外型又唔得, 說話又唔得…究竟想點? 點解唔train o下先? 大把人適合過佢啦! 又或者叫佢去做“東張西望”o個個奇怪教你改善懶音o既環節…咩“方力申約鄧麗欣去買燈”(類似係咁啦!)…真係作得…太好喇! 同地鐵 “小心梯邊夾腳仔”有得揮…勁! 今日仲搵o左本身說話都好“清晰”o既葉翠翠小姐做示範…不過佢示範錯同o岩o個兩段, 真係無咩太大分別…究竟點解要咁玩佢? 搵佢o黎做示範, 咪即係要佢自暴其短?!

仲有o個位何傲兒小妹妹, 又話志願要做律師, 一定唔入娛樂圈…好心擺明係想入就唔好咁講o黎自打嘴巴啦…咁樣唔會抬高到身價o架喎?!

16 Comments:

Anonymous 麥豬仔 said...

芒姐~~
你有冇睇"同事三分親呀"
陸哲先係懶音之王呀..
唔信你睇0下,
不過,,佢英文發音ok ge

12:36 下午  
Anonymous 匿名 said...

果位何小妹妹...
佢同我曾經做過一年同學
佢擺明係想做明星..又成日扮哂野..

3:44 下午  
Blogger Tommy said...

芒姐,

好耐無上黎喇~~~~

講開東張西望個改善懶音, 葉翠翠固然就係冇乜分別...最搞笑係試過有次係蒙嘉慧負責讀,跟住個教授解釋一輪後竟然係叫個主持讀返個正確讀法!! 我絕對有理由相信蒙嘉慧係讀唔返個正音,所以先搵個主持讀咯~!

5:49 下午  
Anonymous Vince said...

我想知幅相嗰個係邊位......張相太黑喇

6:10 下午  
Anonymous 匿名 said...

我都好鍾意邵仲衡架~~
尤其係佢同郭藹明做一對o既天倫,仲有同張智霖o既黃埔傾情~~~
其實佢果時都有好多機會做主角,可惜正如芒姐話齋,佢應該可以更紅~~~
唔知佢而家去左邊呢!?

7:50 下午  
Blogger 芒姐 said...

匿名,

哈哈...我呢排都有睇番少少天倫...佢同郭藹明o個段真係幾好睇, 同埋郭藹明真係好靚, 以前反而唔覺!

邵仲衡個感覺真係幾討好...可惜!

1:09 上午  
Blogger 芒姐 said...

Vince,

哈哈...係好鍾意戴假髮O既...夏蕙姨!!! 真係令人好振奮!

1:12 上午  
Blogger 芒姐 said...

Tommy,

係咩? 幾時O架? 我無睇到添...太可惜喇!

1:15 上午  
Blogger 芒姐 said...

匿名,

UM...其實我覺得佢立志做明星無問題, 但落選後人O地問佢係咪會入娛樂圈, 佢仲斬釘截鐵話唔會就多此一舉O左!

1:16 上午  
Blogger 芒姐 said...

麥豬仔,

哈哈...雖然我對陸哲真人的為人不大有好感...但我覺得佢D懶音又唔算係最勁O個個喎...黎諾懿一定勁過佢...呵呵!

1:22 上午  
Anonymous sunnie said...

岁月风云确实难顶
芒姐有冇睇“补习天后”呀
我觉得晤错woh

6:08 上午  
Anonymous kathy said...

何傲兒乞人憎
唔嫁又嫁,擺明係自抬身價

10:36 上午  
Anonymous Grace said...

我都ok邵仲衡呀,佢紅唔起真係唔明點解... but 我曾經將佢同麥包哥哥撈亂左...佢地有d似樣呢!

12:14 下午  
Blogger 芒姐 said...

Grace,

哈哈...呢個我認同...真係同麥包哥哥有D似樣, 尤其係十多年前O既麥包哥哥, 不過邵仲衡靚仔D! 睇報紙話邵仲衡簽O左亞視, 唔知係咪真呢? 係就好, 有得睇睇番佢...以前都無發覺佢咁型, 依家睇番佢D舊戲仲型O左!

2:51 上午  
Blogger 芒姐 said...

kathy,

哈哈...可能佢細路女比較天真啦...

2:52 上午  
Blogger 芒姐 said...

sunnie,

哎...初段都仲好D, 依家真係好悶, 拖極都未完, 打官司都打足三集, 夾硬拖, 真係好難睇!

"補習天后"我都想睇, 好多人都話幾好笑, 題材好抵死, 可惜我已CUT了有線...無得睇...

2:58 上午  

發佈留言

<< Home