8-18(sat) 宣萱

Oh…真係要o黎一個“歲月風雲”妙問妙答giv…唔知大家有無睇今個禮拜一o個集“歲月”? 係講長平俾人話殺o左佢老公, 華文翰去加拿大救佢, 跟住以一百萬懸紅去搵一個可能睇到事發過程o既人…到o個個人一出現…我覺得好熟面口囉! 大約係下面段片09:00…有無人認得佢係咪80年代在無綫做茄喱啡的一位仁兄? 大家有無睇過“生[金秀]橋王”…知唔知我講邊個呀? 因為“歲月風雲”o係加拿大外景有好多久違了的藝人客串, 好似做陳美琪老公o個位演員, 都o係肥姐個”有緣相聚”節目度見過!

終於o係銀姐姐”我們的老友記”度搵到我覺得係佢o個位仁兄…資料如下:

*******************************************************

[[姓名：李揚道
活躍時期：80年代初期至中期
擅長角色：傻更更小子、小混混、衝動青年
代表作：劇集《香城浪子》中飾韋樂(黃日華飾)好友阿根，是個衝動義氣功夫小子。
現已移居加拿大，並開設跌打醫館及教授詠春>>[李揚道趺打醫館 李揚道詠春實戰搏擊拳館]

*******************************************************

Oh…又係去o左加拿大…咁應該係佢啦…真係好似! 我諗都應該係喇! 哈哈…有無朋友可以幫我證實一下?! (我仲特登提自己臨尾要睇字幕…點知都係忘記o左!)

歲月風雲第21集 (09:00)



呢幾集“歲月風雲”阿唱K終於現身…感覺無我想像中咁討厭…不過, 佢女友toby就真係幾唔得…仲有, 佢個樣真係好…老!!!

搵張美妮姐姐做同三哥有路o既女強人+美人…好可怕! 佢都係做主持好d, 佢d戲真係…仲要越級挑戰同三哥做對手…好無說服力! 呢套劇選角真係好得意!

之前講過宣萱主演o個套新加城英文劇 “Parental guidance” (奉子成婚), 有讀者post埋宣萱為宣傳呢套劇o係新加坡接受o既訪問片段…都幾得意! 個節目有d似“香港早晨”o個種講時事o既晨早節目, 但又有娛樂訪問…好crossover囉! 宣萱o係呢段訪問d英文又好似好過o係戲裡面喎, 可能又要講又要做戲難兼顧d!

“Jessica Hsuan in English Singapore drama "Parental Guidance"”…



Oh…仲搵到呢段…13年前的“宣萱 - 流非飛 Live @ 週點”



Hohoho…呢段好經典呀! o個時每個禮拜“週點”呢個環節我都有追o架! 宣萱o個時好後生, 仲算係新新地, 感覺好嫩! 至於唱就真係唱得麻麻啦, 不過幾放…o個時同佢同期+我o個期好喜歡的陳妙瑛, 都有上呢個節目唱梅姐o既”女人心”, 當時我覺得佢唱得好好….不過最終final都係俾宣萱贏o左 (當時我的感覺是: “有無搞錯?”…可能宣萱紅d啦!), 仲有得上“勁歌”表演, 佢o個次好似唱o左sammi的”熱愛佬”!!!

o個兩位主持吳家輝同93年落選港姐鄧麗文, 其實我覺得佢兩個做主持都唔錯! 吳家輝係dj出身應該ok o既, 鄧麗文都唔差喎…其實佢各方面都幾有potential…佢o係”catwalk俏佳人”做o個個後來同o左蔣志光一齊o既man man地女仔都做得幾好! 仲有, 原來阿mark講o野都幾抵死…

嘩, 真係估唔到…“流金”前傳…宣萱+發瘟@十幾年前的廣告…其實佢o地90年代都好似有合作過播劇, e.g. “天降奇緣”…