8-10(fri) parental guidance
前兩日有讀者講開話宣萱前排o係新加坡拍o左套英文劇, 都幾得意, 搞到我都有興趣睇o下! 一search之下, 原來youtube有, tudou都有…d fans真係好有心有力!
原來套劇叫“parental guidance” (奉子成婚), 其實劇情真係無咩, 無無聊聊, 不過sitcom係咁o架啦! 話宣萱個表妹嫁o左男主角個細佬, 點知表妹同細佬死o左, 留下三個細路, 要宣萱同男主角撫養…其實宣萱同男主角不嬲好唔o岩o既, 但係為o左唔想o個三個細路要分開養, 所以話要結婚去等佢o地三個唔洗分開喎 (呢d劇情其實真係幾唔該晒!)…跟住當然係會鬧出好多笑話, 然後日久生情啦!
劇情無咩特別, 不過最吸引我係可以聽o下宣萱講英文…仲要係成場講英文做戲! 一向印象中宣萱d英文都好好, 同埋佢好細個已經去o左英國, 我一向以為佢會好native…不過今次睇佢成場以英文做戲 (但係平時o係tvb d戲都係聽到一句起兩句止), 唔係話唔好, 一樣幾好聽, 只係無我想像中咁native, 正確d o黎講係講得好好聽o既香港人…但係個感覺有d怪, 因為平時睇親講英文o既戲, 都會係d鬼佬li li lur lur咁…好少會聽香港藝人以全英文去做戲, 感覺有d似以前睇英文etv, 更加似以前中學d English drama…尤其佢d accent, 真係好似…同埋佢可能好少做英文戲, 感覺佢好自覺做緊戲咁, 無平時咁自然…總之好得意!
至於佢個look, 就係好“賭場風雲”咁…不過佢都係無陰靚d! 好似“流金歲月”o既程天藍大律師個look我覺得就最靚, 長髮無陰, 個look好pro…係佢咁多個角色之中我最鍾意! 今次佢又係做律師…真係第n次…不過呢種角色又的確係最適合佢!
呢個係第一集第一part…大家有興趣可以自己繼續click埋之後d集數…
跟住呢排朝早6點o既"餐餐有宋家"…居然呢幾集係做宣萱+馬德鐘...宣萱有份做呢套劇不嬲都知, 但真係唔記得馬德鐘都有客串過囉…佢o地仲要有對手戲, 話馬德鐘力追宣萱, 介入佢同林偉度…話時話, 宣萱o係劇中個男友林偉點解好似消聲匿跡o左咁o既?! 最搞笑係呢排做緊“歲月風雲”, 又係佢o地兩個…原來佢o地13年前已經有合作! 馬德鐘個眼鏡look仲搞笑...同“歲月”個look差唔多, 不過o個時再薯d! 宣萱當時已經係二線, 但係馬德鐘仲係無人知佢個名o既御用"主角的情敵"…佢都算守得雲開o架喇 (不過早三, 四年個勢更好…呢兩年已經dup番)!
更抵死係套劇一做完, 居然播”歲月”首主題曲...好搞笑....又見到13年後o既佢兩個! 都唔知係咪襯“歲月”推出同時, 特登播番呢幾集o既! 上次“同居三人組”又係咁…o個期幫克勤做勢拿最受歡迎男歌星, 又係無論咩時段都播佢d劇/主持o既節目…連“同居三人組”都特登揀番有佢o個幾集出o黎播!
講開“歲月”, 仍然要講第十次…愈睇林峰同佘佘真係愈姊弟戀feel…好唔襯! 仲有, o個個做華振民o既“內地版吳彥祖”…真係一d都唔“吳彥祖”囉…佢未免太乸型!
oh 睇報紙話宣萱可能簽亞視…點解呀? 羅嘉良先o岩o岩回巢佢就走…我想睇佢拍撈家喎!!!! 希望唔係真啦!
仲有, 個陳自瑤真係因為負面新聞俾人調離“同事三分親”呀? 本來對佢印象真係麻麻…但係依家覺得佢有d慘…俾人調走o既, 唔係應該係o個個搞事男蔡淇浚咩?
原來蘇絲黃係同金燕鈴o既咩? 我真係唔知啊! Btw, 曾經兩次o係中環見過金燕鈴…真係幾靚喎, 呢個年紀o黎講, 真係keep得好好!
仲有仲有, 睇報紙話原來孫耀威會考有成28分…真係對佢更加另眼相看! 之前都聽過佢o係中大成績都唔差, 同埋以明星o黎講學歷已經算好高…再加上一向都覺得佢唱歌幾好聽, 個樣仲可以keep到十年如一日(literally)…好得囉! 抵佢隻新曲+精選大賣…抵佢“鹹魚翻生”o既!
posted by 芒姐 at 1:13 上午
23 Comments:
Yes. Her english is like Doo Doo 姐, HK people speaking good english~~
聞說"撈家"都係去亞視, 不過要還"戲債"先返TVB拍埋佢, 拍完就鬆人
Hello 芒姐,
我一向都有追開《餐餐有宋家》,但啱啱大前日朝嗰集我miss咗呀!! 佢之前一集最尾係講到晴晴收到吳啓華嘅花,表明吳想追佢。但之後嗰隻我就miss咗喇!
再尋日一開始就講佢哋嬲咗對方,之後就好返咁。究竟中間嗰集講咗咩呢? 可唔可以拜托你詳細少少講返俾我知呀? 睇唔到硬係爭咁啲嘢咁, 唔該晒你呀~~~~
前排忙到發昏,工作又同電腦無關,今日開機已見芒姐在評論'parental guidance'了.(在此致歉)
宣萱大概在香港生活太久, 英文有點生疏吧?不過英文好,出路也較大, 比如吳耀漢, 林保怡, 陳美琪, 陳慧珊, 李綺紅等. 可能以前有人去過新加坡拍英語劇, 但無人反映過, 而且以前無互聯網.
鄧碧雲在1980年代中期曾在香港拍過, 在亞視英文台播的(好像是蔡和平的獨立製作), 之後90年代末期, 沈澱霞去新加坡拍過兩個seasons.
新加坡華語劇方面, 李司祺拍塘心前就在新加坡拍過一套連續劇. 甚至吳君麗在80年代末都有一套關於粵劇的.
吳耀漢在香港則拍過英語廣告(嘉X伯啤酒), 李綺紅亦有(牛記酸乳酪). 可惜YOUTUBE 無人放上.
SITCOM都好, 有得笑下. :)
哎呀~ 芒姐你有睇呀，好SURPRISE! 我又覺得LEE套野幾好笑，無無聊聊冇咩要求既話都OK，好得意!宣萱D 英文都幾易聽得明，佢仲有訪問~ http://www.youtube.com/watch?v=rtVHdttv8fk
因為收得，今年仲會再拍season 2!
《餐餐有宋家》好爆笑，馬生仲要叫做吳啟華醫生，真係好騎呢，佢個眼鏡仲大過佢塊面，哈哈~ 依家終於上到一線，的確要恭喜佢。
我估宣萱o係英國時可能主要同番香港人玩, 否則應該會好native!
咁話時話, 陳法拉如果真係十幾歲先移民, 咁阿法拉姐姐就有語言天份得多喇, 因為佢d英文聽落真係幾native!
宣萱應該係同你同我同一間中學架，佢讀到中二先走，0係佢初出道時曾0係"k-100"度報導過。
另外，如果冇記錯，孫耀威好似係1st hon畢業架!
「正確d o黎講係講得好好聽o既香港人…感覺有d似以前睇英文etv…」<─ 但以前英文etv唔係由英文人做架咩? 定係只係我個年代先係咁(我同你應該隔了一段頗長日子)?
匿名,
我睇d etv又真係大部份係中國人做o架喎, 不過都可以叫英文人o既, 咪就係講英文講得比較好o既香港人...以前我都有d同學仔被邀請去拍英文etv (不過當時大家仲係細路仔), 可能每集得一至兩個外國人…係咪年代太久遠呢?
Alana Wong,
其實我都有睇過o個個訪問, 所以我更加覺得佢d accent好鬼熟悉, 好似睇學校d English festival咁! 仲有佢個好姊妹後來反o左目o既陳芷菁, 應該都係同佢差唔多o個幾屆…唔知佢o地o係學校有無見過! 不過我以為宣萱咁細個去o左英國, d accent會變得更native…依家只係o係香港傳統英文學校出o黎又講得比較好o個隻!
孫耀威好似係1st hon…我真係唔知喎! 不過我會睇重佢會考勁多d…因為大學要睇o下係邊間同咩faculty, 同埋仲有好多其他因素影響成績, 反而公開考試係最objective的準則去衡量…
匿名,
我諗都係喇…可能宣萱多同中國人玩…即係好似d香港人去到溫哥華, 聚埋都係華人, 英文可能比起o係香港時更差! E.g. 謝檸檬!
法拉姐應該都有d天份o既, 但佢d英文又好似夾雜d內地口音…不過都算幾好! 仲有葉璇d英文又係講得幾好, 雖然d人都話些微有d內地口音…其實我覺得都幾唔錯o架喇!
Isabella,
套劇ok o既, 無無聊聊無咩內容咁, 好似”餐餐有宋家”, 不過好少少! 個男主角其實做得幾好! 同埋其他人o個d新加坡獨有o既”singlish”都好過癮…”蘇份ni”呢!
睇o左段訪問喇…幾得意喎, 點解好似“香港早晨”呢種講時事咁o既節目, 又有娛樂訪問…都幾得意! 宣萱o係段訪問d英文又好似好過o係戲裡面, 可能又要講又要做難兼顧d!
咪係…”吳啟華”醫生…真玩o野! 不過佢起完又跌番, 宣萱同馬德鐘自己睇番呢套劇唔知有咩感覺?!
i- Joel,
可能係少講會生疏o左, 呢個都好合理, 又可能真係o係英國群得多香港人, 所以去到d英文都唔會變得native!
o係香港英文好 (兩文三語好就更加好) 當然對各方面都有幫助, 藝員亦不在話下…宣萱其實兩文三語都唔差! 吳唱k或者可以向佢學習o下!
嘩! 鄧碧雲都拍過英文劇? 勁喎! 仲要係咁多年前都有? 我又唔知碧姐d英文得o架喎!
Miranda,
估唔到咁多人有睇”餐餐有宋家”....其實我都唔係好記得邊集打邊集…你有無睇佢o地 (宣萱, 林偉, 馬德鐘同埋郭少芸)去o左一間餐廳跟住出去跳舞互相掟碟跟住宣萱好嬲走o左, 一直走埋去碼頭? 如果有, 之前o個集宣萱約o左林偉去碼頭等, 林偉等o左好耐佢都未o黎, 跟住人有三急去廁所, 點知宣萱o個時就o黎, 見唔到林偉所以更加嬲走o左!
Vince,
係咩? 佢兩個都去亞視呀? 但係又唔係咁睇好…個個無綫當紅o既藝員走過去都無咩好結果…反而半紅不黑o個d去到又唔係咁講喎!
Fiona,
Exactly…前排睇o左一篇do姐的訪問, 佢都有特別提到話自少佢爸爸已經同佢講, 英文好o係香港係好重要, 做邊行都有利!
芒姐,唔該晒你嘅解答!我就係無睇佢哋約咗喺碼頭等嗰集喇!乜嗰集無講馬德鐘追宣萱嘅情節咩? 仲以為有添...因為感覺同你講嘅一樣,加上而家又做緊歲月風雲, 覺得好搞笑!!!
i-Joel，
沈殿霞o個套我有印象！Living with Lydia？
芒姐，關於林峰同佘佘姊弟戀，你真係講o左九萬幾次都有。我認爲未至於咁難頂，仲睇得落o既。
二叔婆,
呢個係我個人意見o者...我真係咁覺得喎!
Miranda,
其實我無好留心咁睇, 只係一邊做住其他o野一邊開住, 所以無留意每一個細節, 同埋唔記得邊集做o左d咩劇情...可能都有少少篇幅係講馬德鐘追宣萱, 不過由此至終都唔覺得佢好落力, 同埋宣萱又太由此至終都無動搖, 只係用來激個林偉!
但係宣萱好似o係呢套劇係做秘書...又係好無說服力囉!
原來宣萱係同芒姐同一間中學架??
好suprise ar!!
你同宣萱熟唔熟架?
匿名,
可惜係完全唔同年代, 同埋佢好似無讀到中學...呢D正所謂"我識佢, 佢唔識我"囉...
發佈留言
<< Home