8-5(sun) TVB最受歡迎廣告頒獎禮
原來柏芝話咁快已經生o左, 係尋日行過報攤見到明周封面話佢o地幫個仔改o左名叫"lucas"我先知...因為好幾日無睇報紙...仲俾人笑我"背"添...哈哈! 佢都真係初出道時有少少baby fat係最靚o既...睇番d舊廣告片段, 又憶起最靚時期o既佢!
今晚個"TVB最受歡迎廣告頒獎禮"...真係唔該晒! 創意可以話係零...咁樣抄人o地個idea法, 真係cheap到不能再cheap...大台點可以咁無大台風範o架?
成個節目好明顯係用o黎討好廣告商...tvb呢期廣告收入係咪下跌o左好多? 否則點解無啦啦要搞咁多o野? 仲要o係隔離台搞o左十幾年先o黎抄...真係慢人九十拍! 但係佢有咁多資源, 咁多藝人, 搞出o黎又唔覺得太有聲有色...只為sell o下旗下藝人俾d廣告商, 但淨係搵晒d三/四線o既出o黎...點sell到呀?!
阿旦做司儀都ok, 但係點解無啦啦整個鄧健泓出o黎? 佢唔係消失o左好耐o既呢咩?! 不過成個節目真係好悶, 好辛苦先睇完, 幾乎悶過亞視個廣告頒獎禮, 事關亞視有時都會有d騎呢o野睇o下...仲要o係d台詞度乘機踩對台無人睇...好無風度, 好肉酸囉...!
最大得著可能係睇到張繼聰廿幾年前個雀巢牛牛廣告, 之前youtube成日都話有, 但有咁多個15樓牛牛o既廣告, 都唔知邊個至係...依家終於知道喇!
估唔到tvb要討好廣告商, 真係無所不用其極...嘩, 睇幾集"歲月風雲", 佘詩曼不停咁o係個"雅芳婷"標誌前面轉來轉去...真係太hardsell! 雖然話依家俾廣告商買晒d時段/節目係要咁...但真係over左! 同去卡拉ok唱容祖兒d歌必會見佢整碗即食面o黎食有異曲同功之妙!
仲有, 睇報紙話d人o係討論區話最希望見到羅嘉良o係"歲月風雲"出現, 如果有佢份就會好睇好多, 話好想睇番佢同宣萱拍檔...其實我都係咁話! 佢有份做"歲月風雲"就未必可以令套戲好睇d o架喇, 套戲根本就係"先天不足", 但係我都幾想睇佢做戲, 尤其大半年前睇完"流金歲月"重播, 佢d戲真係好好, 同埋佢同宣萱做一對又真係幾無得頂...仲有, 宣萱真係要做專業人士最討好!
跟住前幾日睇報紙話撈家終於回巢拍劇...都幾值得高興! 不過拍佢"流金"個妹胡杏兒做一對又真係幾唔襯! 其實我係ok buy胡杏兒o既, 除o左"再生緣"o既"皇甫公子"年代...可能因為"律政新人王"o既佢表現真係幾突出, 個look真係好型, 同埋個角色都幾討好...我一向都幾buy呢d口齒伶俐又幾醒o既女仔! 不過唔知點解呢期d人又忽然咁唔buy佢呢? 其實佢都唔係做得太差呀? 雖然又唔係做得特別好...哎...真係可惜!
仲特登錄o左"強劍"個結局o黎睇o下...咩成家班, 又唱歌又唸晒口號咁...但個音樂同beat勁似當年亞視o既"點解阿sir係隻鬼2", 個idea就擺明係學"蓋世豪俠"個"段古母辛府"...但又同人o地當年"蓋世豪俠"個勢差好遠...!
("成家班@強劍"...哎...你睇o下喇...真係好"雞"o下!)
(1989"蓋世豪俠")
posted by 芒姐 at 2:55 上午
19 Comments:
此留言已被作者移除。
tvb自從俾陳志雲、樂易玲果班人話事之後, 就樣樣野都變得越來越衰!
乜'嘉享灣'個樓盤好突出咩? 其實每次見到呢個廣告, 我只會想起'嘉享戀'!
老麥首廣告歌唔係話唔好, 但我覺得冇理由會好得過白花油lor!
講起宣萱, 芒姐有無聽過她在去年於新加坡拍攝過英語單元劇? (13集一季箇種)因為今年初我偶然睇到過.
"tvb自從俾陳志雲、樂易玲果班人話事之後, 就樣樣野都變得越來越衰!"
佢依家成套制度都已經變晒, 變得好急功近利同好冇人情味, 如果唔係有慣性收視, 相信改革帶來O既負面影響會比依家明顯得多。
"老麥首廣告歌唔係話唔好, 但我覺得冇理由會好得過白花油lor!"
係丫, 我好多同事都好鍾意"愛多八十年", 呢首歌最犀利之處係一聽就會上腦, 可以成晚不停咁哼住"來簡約地 . 愛多八十年 . 態度未曾改變...", 真係冇理由撼唔羸麥當當!
個頒獎禮真係悶到熄左電視，上次港姐已經用番自己d artist，今次又黎... TVB好窮咩
真係好掛住羅嘉良，歲月有佢我會開心d，佢同宣萱好有默契，好有情侶feel。佢同胡杏兒拍我真係O 晒咀law~
話時話，上集真係好好笑，完全唔知王敏德同佢老婆(應該係李亞男掛...)講咩~ 即刻又變笑片
只想講,我好同意樓上幾位ge說話
依家tvb完全以賺錢,節流呢d野諗,其他野唔理,包括唔理觀眾意見,除非令佢賺少左la
不過d個頒獎禮擺明係造馬la,邊個俾多d錢賣廣告咪有law~
另外,我唔太buy杏兒(唯一欣賞佢咬字算標準入耳,不過把聲有時(浮誇演繹個時)唔得,佢做律師個d我ok wor,可能表情唔誇(偶然難頂,但唔頻密)但係情迷黑森林個年,我覺得佢一表情誇張(笑/喊,皺眉...)就好樣衰,肥田都唔得,而亂世亦好難頂,加上佢個look唔得,所以肥田之後咪多人唔like佢law
小月,
胡杏兒可能有時係浮誇o左d o既, 但其他的花旦亦都真係唔見得特別好...可能佢拍"肥田"增肥40磅又真係over左, 再輸埋個女主角獎就更加個勢都衰埋...其實我最欣賞唔係佢做戲, 而係佢真人真係幾醒o個批!
Isabel,
個廣告頒獎禮, 真係求其到唔恨...既然抄橋, 起碼都整得勁過人都威d呀!
我都好想再睇撈家拍宣萱!
哎...王敏德做呢套真係做得好差, 不過又真係幾好笑..李亞男d戲仲屎...佢兩個真係唔知想點...
匿名s,
哈哈...我覺得陳生呢期最醒o個樣係食住柏芝生b個勢訪問到拉姑...大家都好期待睇囉...
我都支持"愛多八十年"...唔係話好好聽, 但係超hit...人人都識...顏福偉嬲無記係o岩o既!
嘉亨灣個廣告...真係唔知有幾突出...可能廣告商落得多廣告, 咪俾個獎佢囉...頒獎禮的遊戲規則...係咁o架喇...
i-Joel,
我又真係無聽過喎...叫咩名呀? 網上會唔會有得睇?
鄧健泓最近簽咗TVB經理人合約, 緣來自有機主題曲係佢作曲, 而鄧健泓嘅曝光率亦將會陸續增多.
你好呀,不知從那裡找到你這個blog,看了一兩頁後發覺實在好吸引,好多看電視的回憶都勾返起,你d comment又中肯又好笑,我仲瘋狂到用足大半天把你這個blog 05年開始的全部看返哂添^^"
我都有曾經像你這樣keep低好多影帶,雜誌ga,不過以前好痕心咁一口氣丟哂,如face to face出過的一盒錄音帶(係情迷melano <-唔知有冇串錯),整set古巨基做的"總有出頭天"的香港電視劇情介紹,好後悔,呢套劇又冇得睇返,現在得返首阿叻同alan唱的主題曲『分甘同味』陪著我咋>.<
我都覺得陳志雲、樂易玲佢o地話事之後差
o左，近年d劇集/節目真係唔多掂，d演員同編劇都未夠班，唯一印象較深只有"棟篤神探"咋。
"強劍"真係幾雞，d古裝造型不淪不類，搞笑不足無聊有餘，同"蓋世豪俠"差好遠囉。
而且"蓋世豪俠"除o左有賴星爺之外，一班配角如吳孟達，吳震宇等，佢o地d角色都好出。
話時話，當年我覺得"蓋世豪俠"主題曲，同葉倩雯既"瀟洒走一會"，另外仲有一首唔記得
o左，三首歌個前奏音樂勁似，當然後面就完全唔似啦！
TVB成日要胡杏兒演D誇張喜劇,一係就勁好人但幫唔到手既角色。鬼咩! 十部入面有 7、8個角色都係咁，觀眾唔討厭就奇啦。如果要D有觀眾緣既演員，好似楊怡、唐寧呀去做呢D角色, 仲要係一套演完又一套咁, 相信而家好多人都一樣咁討厭佢地 luu.
次數太多，人就好易因為咁而討厭個演員, 始終唔係個個都會將頻率,角色同演員分開。好似羅嘉良得到第三次視帝o個陣時，好多人都hur佢啦。就算佢有實力, 好多人都已經將呢樣野拋諸腦後，只係睇到‘乜又係佢’?! 故勿論佢應唔應該得獎, 佢o個年既努力始終都係被人抹殺o左
我自己都曾經對某D演員有咁既反應, 記得有一段時間我係好唔想見到湯盈盈, 因為成日都見到阿好! 當然,而家就冇事luu...
匿名,
好認同你o既講法, 劇中角色有時其實真係幾影響觀眾對藝人o既觀感, 尤其係repeat又repeat同一種角色的時候...當然, 負面新聞亦都好有影響...
Kitty,
係..."蓋世豪俠"其實係成個package都好好...d演員可以擦出火花...其實我o個時係鍾意睇吳鎮宇o既段玉樓同藍潔瑛o既雪雁...佢o既古裝扮相真係好靚! 當然, 星爺當時o既笑料都好新鮮!
兩首歌o既前奏又的確有d似...
笑哈哈,
多謝你o既捧場同埋讚美!
"總有出頭天"...上youtube或者tudou search下有無囉...我o個時唔係鍾意睇古巨基同鄺文珣, 反而鍾意睇吳家樂同修身堂ceo張玉珊小姐囉...
rtv2atv,
原來係咁...tvb居然會簽番鄧健泓?!
TVB最受歡迎廣告頒獎禮，四個字——完全唔掂！亞視有誠意d，TVB完全無誠意！擺明造馬之餘，仲乘機踩對台無人睇，好小家！不過鄧健泓表現幾好，我認爲唔差。
我覺得歲月風雲幾好睇喎！點解你覺得唔好睇o既？
撈家同胡杏兒？感覺好亂倫，咪搞！哥哥同妹妹！
發佈留言
<< Home