8-16(thurs) 爸爸閉翳

睇o左個幾禮拜套“爸爸閉翳”…其實都ok好睇…呢種輕鬆小品, 講o下父子/爺孫/夫妻感情o既家庭溫情劇, 通常都幾好睇o既…好似兩年前o既 “甜孫爺爺”咁!

夏雨同歐陽震華都已經係質素o既保證…王喜個感覺就真係悶o左d, 佢咁多年來一係就做d傻傻o地o個隻男仔, 一係就做cool到爆的紀律部隊人員…基本上都係做番自己! 但係佢今次出番o黎真係走樣o左好多, 中年發福晒! d女角就真係弱o左d…譚小環, 向海, “al-佛蒙”真係唔多吸引…本來以前好buy o既楊怡自從變o左個濃妝懶trendy look之後, 就無以前咁討好…其實佢以前最煞食係o個種清純感覺! 同埋呢期佢未免出得太多, 而且d角色性格+look都差唔多!

同埋個班底好似好熟口熟面咁, 好似o係好多劇都見過呢d配搭…上網search下啦, 發現原來真係無記錯…o係十多年前 (如果我無記錯應該係96年, 因為好似係o岩o岩會考放榜o個期睇到呢套劇), 有一套劇叫"緝私群英", 就係搵王喜做男主角, 帶住選完港姐無耐o既譚小環做一對…同劇仲有歐陽震華添! o個期譚小環好似暴肥o左一個round, 仲俾歐陽波比話佢“西環浮屍”! 點知依家譚小環變o左咁瘦…但原來, 佢瘦o左個look仲恐怖, 好似“變臉”後的郭可盈咁! 原來好多人都真係肥肥o地仲好睇過瘦…e.g.張柏芝, 郭可盈etc.! 至於譚小環…真係淨係當選o個日先靚過兩下…之後情況好唔得!

呢套劇簡直係"緝私群英"十年後o既延續篇, 又歐陽震華又王喜又譚小環, 王喜同譚小環仲要又係做一對, 仲要由情侶變成夫婦再有個女…! 而原來王喜, 楊怡, 譚小環, 又一齊做過“水滸無間道”…仲有歐陽震華同蒙嘉慧, 又o係"法證先鋒"做過一對…原來呢套劇係多套電視劇o既延續篇!

Oh…仲有, 點解呢套劇d細路會化晒妝? 最怕細路化妝, 第二就係怕佢o地老積…好恐怖! 睇睇o下, 劇中做譚小環個女個小朋友, 同佢都幾似樣! Jacky仔同歐陽波比亦都有d似樣…呢套劇選角都唔錯!

仲有, 點解又有“柯佬-黎”? 係咪全部有“AL佛-蒙”o既戲都會有埋佢同鄭伊面個媒人o架?!

嘩! 俾我搵番譚小環最靚o個一期…94香港小姐o既片段…嘩! 好勁呀! 咁都有得睇番…本來以前年年港姐準+總決賽我都有錄…但係餅94年準決賽我借o左俾個同學仔居然一借無回頭…實在太可憐喇!

呢年港姐係其中一年我最鍾意睇o架嘛…又有我最歡喜的李綺虹, 仲有張可頤, 陳芷菁, 黃紀瑩, 活麗明, 康華, 當然仲有冠軍譚小環啦! 同埋…o個年準決賽o既嘉賓, 係我喜愛o既sammi同埋“柿籠”!!! 仲有佢o地o個段外景片段o既拍攝手法, 居然係再用番我最impressed o既91年港姐準決賽“神奇”外景o個條橋 (我都係睇番先知)…證明大家都覺得呢條橋好神奇啊!


(94港姐準決賽外景片段)