10-7(sun) 1990電視先鋒群星會
前陣子講開邵仲衡, 睇睇o下就睇到去佢參加o既“1987超級新星大賽”…只此一屆, 大家記得嗎?! 真係咁就已經整整二十年!!! 仲要係d罐頭掌聲…都真係久違了!
好似話黃子華都有參加, 不過入唔到決賽! o個期佢拍男親女愛”大紅, 仲播番一d呢個比賽的片段, 話原來佢當年同do姐已經有一面之緣, do姐做主持, 佢就係參賽者! (更正: 黃子華參加o個個比賽, 好似應該係叫“全能司儀選拔賽”!)
邵仲衡…係幾英! 同埋又真係佢做得最好, 抵佢掂! 仲有彭文堅, 梁珮玲 (一比賽完好似即刻開o左套“書劍”俾佢兩個擔正), 劉秀萍 (當年佢做“娛樂新聞眼”主持, 劉德華仲點名加讚佢靚女! 所以之後次次都係搵佢訪問劉華!), 葉碧雲…呢幾個我都記得! oh, 1號楊小揚…呢個名好得啊! 佢o地d武術比賽, 真係做得好過d香港先生好啦…不過無咁搞笑囉!
咁但係我記憶中又係參加呢類比賽o既林文龍, 黃子揚, 王綺琴呢?! 定係有第二個比賽? 咁“銀河十星” 又係咪大部份都係from呢個比賽?
(1987超級新星大賽)
internet真係好勁…真係咩節目都有得睇!!! 最impressed係連"TVB1990電視先鋒群星會"都有得睇番…我屋企仲有呢餅帶, 但係花晒跳晒差d睇唔到lu...依家連呢d重無機會重播或出vcd的一千零一次大show都有得上網睇番…真係好感動!
o個時呢個節目都算幾有新意, 幾突破! 無啦啦全台藝員大晒冷, 好威水囉…其實係為慶祝咩呢? 唔通真係只為o左慶祝踏入九十年代?
呢個係個show的第二part, 講茄喱啡的苦況, 細個睇o既時候覺得好好笑, 依家睇番都ok好笑…
由當年的紅小生演出, 周星馳, 吳鎮宇, 張兆輝, 劉青雲, 郭晉安, 仲有溫兆倫…成part都幾抵死!
posted by 芒姐 at 1:12 上午
8 Comments:
黃子華當年的確參加過0個種比賽. 記得棟篤神探0個期, 黃子華上娛樂大搜查, 播番當年佢哨牙兼耍棍0既表演, 真系勁搞笑, 哈.
講開又講, 蔡少芬好似系為咗拍棟篤神探所以先冇拍金枝欲葉, 不過棟篤神探都真系幾經典, 尤其系0個結局, 都算系電視史上少見. 仲有0個句"You are not my cup of tea," 哈.
0個段回到未紅時真系幾搞笑, 睇到夏雨話劉青雲似殺人犯0個陣, 真系差D噴飯, 哈哈.
講開90年 , 係咪有個叫《xx邁步創九零》的戶外show?? 呢個謎團困擾左我好耐....究竟係真係有....定記錯呢????
因為我印象中呢個 show 好似仲落住雨做架....似層層咁....無理由係我自己幻想出黎架....但上網找不到任何資料呢.....
看來你最能夠解答了 ^^
呢個電視乜乜好似係為左打當年的亞視台慶
係咪因為林伯大挖角,連肥姐果d都挖埋?
記憶中好似何b做完呢個節目都過左檔
(人物可能有錯亂的....但大意啦)
jj,
係呀...你好醒呀! 應該係用o黎打亞視台慶...因為係323做o架嘛...差d唔記得o左添!
nevil,
你應該唔係幻想出o黎o既...我諗你係指呢個show:
http://hejnom.blogspot.com/2007_07_05_archive.html
"齊心同步創90"...又真係落住雨o架喎...
start,
我好似係男親女愛o個期睇過類似"大飲茶"等節目播番呢個比賽段片..."棟篤神探"又的確係經典!
哈哈哈最尾個VIDEO笑死我!!
而家TVB人同以前差好遠
而家有少少青黃不接FEEL.. 同電影圈一樣.
唔通訓練班出黎既真係唔同D?
睇返呢個VIDEO先發現有好多藝員都真係撈左好多年..時間真係過得快
睇完呢個VIDEO, 令我更加上夏雨拎視帝呀今年. 以佢既年資同演技, 真係夠拎有餘呀. (我唔係唔鍾意陳豪架哈哈)
thanks for the video sharing!
christy，
haha, you're welcome...有好的片段當然要公諸同好啦!
我細個時睇已經覺得呢段好抵死...難得十幾年後再睇一次, 依然覺得幾好笑...證明呢段真係好得!
我諗讀過藝訓班真係唔同d, 同埋o個時o個d藝員真係捱o左好耐先可以做一個叫得出名o既角色, 愈難得到先愈識得珍惜...所以以前d藝員就算紅o左態度都唔會好似依家o個d咁差...
發佈留言
<< Home