10-15(mon) aTV...可以咁睇?!
亞視10月8日大改革…“aTV可以咁睇”…即係點睇?!
睇o左一個禮拜新aTV, 本來幾有期望, 見佢係威係勢咁, 連個台徽都改埋! 改台徽呢part其實幾好, 雖然睇得有d唔慣, 但係感覺好似young o左, 無咁老套! 同埋好似真係好有determination去改革, 以為會掂過上幾次好多添!
見佢之前介紹節目幾吸引, 吸引到我去睇o下, 點知睇o左幾日完全無想像中咁好, 排陣一片混亂…半個鐘半個o既節目"散修修"咁…都唔知佢想點?! 呢種“散打”咪即係叫人去追隔離台一個鐘一個鐘o既劇集囉…錯晒!
本來以為"行行任篤笑"會幾好睇, 但睇o左幾集又係不外如是…最難頂係d罐頭笑聲…真係太誇張, 每講完一句就有, 仲要依家真係唔興罐頭笑聲好耐o架喇…可能全個節目最好笑o既位就係呢度! 最白痴係排"行行任篤笑"打"奸人堅", 仲要係打後半部, 係咪傻o架?!
仲要無啦啦有個"篤女郎"...係咪"謎女郎"個friend?! 其實我一向都好怕劉綽琪, 佢o係無綫o既時候已經係無料扮有料o既表表者…次次見佢玩遊戲節目, 一係就懶醒, 輸o左就永遠賴地硬…其實輸咪輸囉, 何必賴三賴四…最怕輸唔起的人! 你唔好話我知佢係扮o野搞氣氛…一次就話o者, 睇得多佢o既behaviour, 大約都知佢係咩人! 所以我係好怕睇佢有份做o既節目!
至於“斑馬在線”, 擺明係翻版o既“犀牛俱樂部”…好在係無o左劉綽琪囉! 不過金庸小說我真係唔多識, 興趣不大…但係對於金庸迷同埋比較年紀d o既觀眾, 相信會吸引過“味分高下”o既!
o個個什麼“五個半a餐”, 直頭係可以不提…無一個餐係吸引o既! 之前係威係勢咁又話挖邊個過亞視, 又蔡少芬, 宣萱, 羅嘉良…都唔係o既! 雖然其實一個半個過o左去都唔會有咩幫助…之前都試過好多次高薪挖角, 最終d本來o係無綫幾紅o既藝人過到去, 都係dup晒! 依家話挖o左戚黛黛, 樊亦敏, 小雪o個d, 就更加唔會提升亞視o既吸引力…哎! 我都諗唔到有咩辦法可以幫亞視一把喇! 或者好似當年“殭屍”呀, 宮雪花呀, 港男呀咁…做一d大台唔會做o既創新o野, 可能都可以起到一陣o既…at least贏到d口碑都好呀!
今個禮拜9點仲上o個套什麼“激流青春”…真係唔知咩o黎?! 睇o左第一集, 真係好難受, 唔係為o左睇o下邵仲衡, 睇都唔會睇! 個名已經老套, 劇情更加娘到不能再娘, 想學“四葉草”/ “Y2K”…但o個d劇感覺都young d, d演員都吸引d, 個包裝都好d…呢套真係唔知想點? d演員係咩人o黎o架?
無綫o個兩線新劇, 本來無咩期望, 點知睇o左幾集, 兩套都幾好睇喎! 反而之前懶勁o既大劇… 出o黎o既效果又麻麻! “奸人堅”當然無“棟篤神探”或者“男親女愛”咁精彩, 但都不過不失…始終有黃子華都係得o既! Ending放d NG片段呢個idea次次都幾work, 仲有隻新版“黃飛鴻”主題曲都幾好笑…係d女角弱d! 仲有o個個做子華徒弟o既男仔勉強都ok, 但係好多位都over o左, 好突兀, 一d都唔好笑! 達明俾亞視擺佢同黃子華對撼, 真係明玩佢…今個禮拜套“激流”就更加如同自殺!
套“通天幹探”亦都出奇地幾好睇…係警匪定懸疑定點?! 唔理係咩總之都幾好睇! 陳豪都做得幾好…黎姿又真係可以整得幾醜喎, 佢今次都做得唔錯! 兩套劇都用假牙, 葉童又係咁, 佢又係咁…無綫成日都overlap d橋o既! 不過佢又好似唔係整哨牙, 咁佢點整到咁醜o既呢? 同埋, 點解又有阿法拉呀? 真係要力谷佢幫佢台慶做勢?! 仲有, 元彪今點解成日都拍邵美琪, 變o左近年螢幕情侶?!?!?!
posted by 芒姐 at 12:40 上午
22 Comments:
Mon Jeh,
"近年螢幕情侶？" ^-^ U r funny. But 元彪 did request that the Producer 王心慰 cast Maggie as his 拍儅。:-p
陳法拉 2007 電視劇 同事三分親 溏心風暴 通天幹探 師奶兵團 舞動全城 森之愛情
係啦...睇到邊都有法拉... 真係人都癲...仲要好似每套劇佢o既造型都係差唔多, 好悶
btw 我都幾鍾意黎姿呢個造型, 清純o的, 又nerd nerd地, 幾得意同討好~
至於亞視, 我都覺得佢個新台徵已經係最吸引架啦... 見到亞視而家咁, 真係好難想像自己細個係勁睇亞視o既! 當年套點解啊sir係隻鬼實在係太出色啦~~~
哈哈，我都好"怕"劉綽琪（芒姐你用個"怕"字實在太精警喇!)~佢俾人個感覺好唔舒服囉，叻唔切同自以為是，仲有把聲好似太"抑揚頓挫"，總之唔知佢想點啦。其實我唔知而家佢在亞視發展如何，但我覺得佢真係0係到扮一姐咁（因為以佢性格又可能睇唔起亞視同埋張文慈果堆姐仔）。
對佢印象比較深刻的兩部戲，係【識法代言人】既一心同【創世紀】(!?)個愛滋名模，因為果時覺得佢個樣做名模實在冇乜說服力（仲要馬德鐘好lum佢喎)。不過呢，雖然我對佢印象真係一般，但我果時幾鍾意睇【識法】一心同raymond果part。一心個角色其實好岩佢，本質係好人，但成日懶醒得罪人多咁。同埋我係第一次見黎耀祥扮專業人士，初時覺得好騎呢（因為本身我唔多鍾意黎耀祥)，但睇睇下又ok，果期都幾留意佢地兩個既新聞。
講開又講，果期睇某本雜誌關於劉綽琪既訪問。佢好似童年幾悲慘架，阿媽在佢好細個時就跳樓(好似仲有d野，當年都有上新聞)，阿爸就應該有d錢啊幾風流，到而家身邊仲係好多女友咁。如果冇記錯的話，哈哈。
紙巾,
哈哈, 估唔到你有留意到我用個"怕"字, 果然係有用心睇...因為我真係怕佢多過憎佢, 佢係有D可憐, 因為太刻意在人前自大其實係自悲的表現, 仲要當佢真係唔係好有料O既時候...真係有料O既人, 根本唔需要咁刻意表現D人都會感覺到!
我最深刻係佢上阿旦個"智者"遊戲, 又係一貫以為自己贏硬 (D人都係咁吹捧佢, 但真正玩親遊戲都贏O既, 反而係當年仲係年紀好輕O既胡杏兒, 佢就真係醒醒O地O個隻)...點知唔知點講錯晒, 跟住仲要勁窒/笑個觀眾話人錯, TURN OUT梗係佢錯啦...DETAILS唔記得, 但個戥佢"火羅"爆的感覺仲O係度...呢次係最深刻一次, 之前都有其他例子, 不過已經忘記喇...
我都覺得"識法"個一心角色好O岩佢, 又係有D懶巴閉, 叻唔切咁...
原來佢有咁O既故事, 咁唔怪得知佢成日要呈強O既...因為佢要保護自己嘛...所以好多O野都係有果必有因O既...
Janice,
我都幾鍾意黎姿呢個角色, 同以前幾唔同, 出奇的討好&搞笑...
"點解阿sir係隻鬼", "大提琴", "藍月亮", "Q表姐", "殭屍"ETC...亞視其實曾經真係幾多佳作...
匿名,
真係太多法拉, 仲要個個角色都差唔多...今年真係法拉年!
shaw_mag,
哈哈...咁係呀嘛! 好似近年的許紹雄同商天娥咁樣囉...
芒姐~
上次我問過你亞視中快咇同慢咇做旁白ge節目
應該係o個個...
不過網上都search唔到...
可能真係太遙遠ge年代喇
唔知你搵唔搵到呢?!
亞視每次都講都好有heart咁
但每次都係"lar"野
我都無哂期望架喇...
可以因為我比你細d
我係八十年代尾ge
亞視中最鐘意ge節目都係再見艷陽天...彊屍系列(雖然3真係太唔好睇= =)
其實有諗過再係咁落去亞視會唔會執?.?
係外國無得睇電視
上網dl又慢...
好想有得睇電視撈飯呀>.<
亞視想同TVB爭一日長短的話, 真系需要更多0既創意. 不過, 香港人其實都幾揀飲擇食, 接受能力不算系特別強0既0個種, 而且, 我覺得以目前香港的市場來講, 真系冇辦法同時支持兩個大臺, 0甘落去, 亞視未來的發展實在系不容樂觀。其實, 亞視點解唔考慮進一步同內地合作? 畢竟內地有好多人睇港劇, 市場大資源多. 我覺得, 要做到名副其實0既"亞洲電視"先有前途.
仲未有機會睇新劇, 但就以cast來講, 通天幹探好似吸引D, 加上幾個月之前睇過部劇0既預告(某部劇0既DVD0既節目推介), 預知能力好似幾有趣. 預告0既元彪系配音0既, 唔知依家仲系唔系.
點解大家要這樣說法拉呢?
我不是法拉fans,甚至有些不喜歡她過分暴露,但我看得出她是挺用心去演戲,廣東話進步挺大的.
我絕對不覺得今年是法拉年,因為在同事三分親和森之愛情里她只是客串,在溏心里戲份很少. 所有劇最好都只是能當女三.
我覺得今年更像是碧兒年,突圍行動 強劍 舞動全城 全都當女一(又客串過同事三分親), 仲勁過佘詩曼黎姿和胡杏兒lor~
wahaha,
我諗大家唔PREFER法拉, 可能係佢形象問題,畢竟喜唔喜歡一個藝人係好主觀O既!
至於廖碧兒個CASE又有D唔同, 起碼佢都做O左好幾年, 同埋佢觀眾緣好D...不過當然, 我相信法拉都會有支持者O既...! 3套又唔算太勁, 05年胡杏兒的五套紀錄才是強啊!
start,
"通天幹探"係唔錯...元彪係原聲出O架喎...
其實內地觀眾比起香港觀界更"崇"TVB, 所以即使亞視同內地合作, 都未必太大幫助...哎, 都係難搞O架喇!
yan,
"一級奸爸嗲"我真係無咩點睇過, 畢竟真係唔係我杯茶...初時好似係梁奕倫同李志剛做O架, 後尾先CAST快慢咇...
哈...無咁易執啩?! 執O左無得睇D精彩舊劇啊!
Monjeh:
我覺得, 睇TVB嘅內地觀眾比較多嘅主要原因應該系因為他們對亞視嘅認知率實在太低啦, 唔系冇人睇, 而是冇人知. 我諗除咗廣東人之外, 都真系冇乜人知道亞視嘅存在.
有時真係好想亞視可以多d好節目,唔駛下下把人踩,我都算係亞視fans,有一排只係睇亞視同完全唔睇無線,應該係彊屍o個排,所有節目都好好睇,要鋤強扶弱,不過又係青黃不接,但係今次我又覺得話哂叫做有d改革,都未至於mon姐你講得咁差喎,你話d資訊節目唔好,我覺得總好過只買劇回來播呀,亞視係得返資訊節目ga咋,睇睇下個奸人堅好百痴,真係冇乜好感,睇元彪我係睇詠春,難得個個都原聲,仲係有洪金寶(雖然仲未出場)無線反而要元彪做時代劇總係冇乜興趣覺得怪怪咁
笑哈哈，
係呀，我都曾經好鍾意睇亞視劇（唔止係殭屍，應該係９０年代初的青春或搞鬼劇），我都唔想佢衰，不過今次的改革又真係無想像中咁好！
＂奸人堅＂劇情真係麻麻，不過對＂激流青春＂又係唔洗鬥！
＂通天幹探＂我真係覺得出奇地幾好睇喎！
start，
咁又係...不過如果亞視太過"內地化"就更加無人睇, 香港人覺得"娘", 內地人就更加唔會睇, 因為內地大把台選擇...TVB之所以多人"崇", 因為佢同內地的台唔同, 同埋D藝人紅嘛!
芒姐，我同妳文中所提及的，「討厭」的女主持合作過，出過trip……佢真人現在唔知，但果時初出道無名氣都仍然狂扮野、懶醒，可讓不得人心，不過佢勝在識巴結有力人士同賣口乖，結果後來有劇拍有主持做。但本身料子有限，就算齣齣劇做女主角都無用，只可惜佢自己唔明呢個道理，以為TVB人多才上唔到位，去到A記，結果咪又係一樣。
十十兄:
好高興得到你的引證, 證明我O地無睇錯人, 即使就咁在螢光幕睇佢O既表現, 都掩蓋唔到她的懶巴閉德性...又或者因為佢演技實在太差!
其實我又真係唔明點解A記要簽佢 (雖然佢去到A記感覺仲霉過以前)? 演技, SO FAR我真係唔覺得佢有, 除O左做O個D巴之閉角色, 好似"識法代言人"! 記得O係"法網伊人"見佢做李克勤個女友, 她的樣貌+演技令我嚇到噴飯, 咁我明點解會安排佢做主持喇, 因為起碼無咁多近鏡!
芒姐,好想问下你可知第七集近尾时Ada & John
(Moses Chan & Fala Chan)在車內講話时的音樂是什么?好好聽. Thanks.
匿名,
oh, 我也不知道, 不好意思!
發佈留言
<< Home