2014年5月20日星期二

5-20 (tues) M CLUB


呢期最好睇o既劇依然係”m club”…雖然我認識一d八十尾/九十後的朋友, 話點解do既劇都會有人睇? sorry, auntie我覺得好好睇好有八十年代嗰種feel…同埋好有校園色彩...d似我一向好鍾意睇嗰d“iq成熟時, “淘氣雙子星, “不再少年時”o個隻青春劇feel!

後生嗰同班妹妹我無expect佢哋會做得咁好囉完全蓋過咗班熟女! 咁多個我最鍾意做小吱喳o既吳嘉熙其實平時喺super girls我已經有留意開佢估唔到佢除咗唱得跳得, 仲演得喎! 邦民女anjaylia都做得比我想像中好好多, 仲有一個係做少女版張慧儀o既賴慰玲, 咁多個佢知名度最低, 但表現亦最有驚喜! 其實真係咁多個都做得唔錯, 反而班熟女就無咩特別! 我最唔明係陳慧珊點解會肯接呢個角色, 做奸角唔緊要, 一係奸得型d…佢個角色係乞人憎兼無鬼聊, 完全唔討好!

Atv用連我作為殭粉都覺得播到爛的我和殭屍有個約會tbb八點半套西遊記”…其實又真係醒o, 因為根本無得輸, 你播新嘢舊嘢咩嘢都無收視o架啦, 咁你攞套剛剛喺歲月留聲台播完的1”出嚟再播, 輸咗都有得賴呀呢招我覺得高喎! 同埋有賣點, gimmick, 本來都無人知亞視同時段做咩節目, 依家可能反而有d人會玩嘢轉過去睇吓殭屍!


另一單呢期最hit o既新聞當然係翠蕭芝三角戀翠如bb一下子變成翠狐bb…都咪話唔大吉利是! 佢連雪雪雪都搭上, 又真係唔怕死喎, 證明愛情真係盲目的! 何傲芝句邪不能勝正又真係靚抽喎呢吓我有d欣賞佢…o既抵死! 聽聞做完西遊記就會播佢哋撻著之作咩師奶madam”…咁就真係要睇吓喇

12 Comments:

Anonymous 匿名 said...

我都覺得M CLUB好好睇,非常好睇. 真係代溝...正如有D 80尾/90頭勁捧嘅台劇韓劇我都唔明點解會有人睇!
我最BUY係少女珍妮.佢D戲仲好過好多TBB自家花旦.其實我真心覺得,呢班妹妹演戲仲順眼過好多TBB女演員.
M CLUB的確好有當年青春劇FEEL.班女仔一齊溫書會考個PART好鬼淘氣雙子星!!

溫哥華匿名人

3:16 下午  
Anonymous 匿名 said...

以"翠蕭芝"3個知名度都可以搞到上封面同C1,仲要成咁多日.證明HK娛樂圈幾冇新聞同幾冇星.

溫哥華匿名人

3:22 下午  
Anonymous IRIS said...

芒姐,
我都係九十後,一直都有睇開你同帶銀公主的blog啊。(可惜公主唔寫了,好掛住佢呢。)
M club 這劇最初我都無咩點睇﹐但睇睇下又係有點回憶返來的感覺。
很多人常說八十年代很美好,令我都有點好奇呢!
p.s:芒姐,想問下你知唔知有咩途徑可得到tvb的月歷呢?好想要呀~~~~

11:08 下午  
Anonymous 匿名 said...

少女版張慧儀o既賴慰玲 -
佢係羅冠蘭老師推薦佢去試鏡的。

10:41 上午  
Blogger Unknown said...

M CLUB好正呀, 我晚晚都追, 但我D FD就冇個識欣賞, 令到我好沮喪, 仲話我睇老彊驅風...我覺得M CLUB係治癒系作品, 睇完會令人覺得好舒服, 今晚呢集講小詩老公死左, 好SAD...我對M CLUB既評價真係好高, 編劇同幕後班底真係抵讚!

11:06 下午  
Anonymous 匿名 said...

M Club呢個禮拜(第21-25集)真係超級精彩!好多經典場面同對白出現,值得再三回味!話咩"點解咁既劇都出得街"嗰d完全係盲反到不得了~

8:09 下午  
Anonymous 匿名 said...

RE: Albert Man
睇M Club最大意義,係明白時間過得好快不留人. Flask back 少女時代好似唔係好耐之前嘅事咁,但話咁快佢地人生已經過咗超過一半.四眼妹講M講第一次(真係好女校FEEL!),一轉眼已經老花要飲"HERO"經歷過人生起落.郁吓就話人地老彊話人OUT嘅人,絕對應該睇M Club反思反省。每個老彊不久前都係活潑無憂少男少女,追偶像,打波,爸媽捧在掌心呵寶貝。今日自以為好年輕好潮睇唔起人,唔洗好耐一樣會被更年輕嘅人話out。

溫哥華匿名人

12:59 下午  
Anonymous 匿名 said...

我呢個禮拜睇到流眼淚。3個女人再去追ALAN TAM已一轉眼28年,小詩奶奶怨個仔唔留錢比佢,小詩爸同佢講因而每個為人子女都理所當然以為自己可以照顧父母至百年,冇諗會世事無常自己先走。好感人。

溫哥華匿名人

1:08 下午  
Blogger 芒姐 said...

iris:
tvb月歷應該只係會送俾D客, 除非你有朋友係佢D客囉!

11:59 上午  
Blogger 芒姐 said...

哈哈...我都好掛住帶銀公主個BLOG!

11:59 上午  
Blogger 芒姐 said...

M CLUB簡直係近年少有的佳作...喺FB已講得太多, 唔重覆喇...總之回味無窮!

12:00 下午  
Anonymous 匿名 said...

芒姐,
我真是很喜歡帶銀公主寫的東西呢,總是帶給別人一種窩心的感覺。我都知道公主沒有再寫了,只是有時會很想再上以前的遊樂場遊覽一下,可惜網上空間都沒有再續了。真是很可惜呢,感覺好像跟一個很熟的朋友失去了聯絡一樣。
iris

8:38 下午  

發佈留言

<< Home