4-11 (fri) 愛我請留言
喂…“愛我請留言”真係ok好睇喎…好多個位都寫得好到肉…只係d演員演技真係差d! 翠如bb同洪永城做旅遊節目真係perfect match…但佢兩個d演技呢…翠如bb都仲好少少, 勝在形象夠討好同埋夠自然…洪永城就真係,,,應該返番去做旅遊節目吧啦!
反而做樂悠悠個小演員同埋009都好cute….黃浩然同姚子羚都ok! 同埋我想講, 姚子羚近幾年好似靚咗好多囉…
之前終於有時間睇番“食為奴”…本來係為咗睇吓馬小玲 (眾所周知本人唔鍾意睇呢隻劇種)…點知出奇地幾好睇 (我指佢同ben哥哥同埋張繼聰嗰段, 同埋幾兄弟爭皇位嗰段…做得好緊湊囉…至於王祖藍同何雁詩嗰段呢就…)…最終有幾集我係無fast forward睇晒全集囉! 估佢唔到!
仲有我想講番之前去睇伍樂城演唱會…嘩! d嘉賓陣容估唔到真係拍得住黃wyman⋯最驚喜係有juno唱“有人+沒有人＂….同埋當“低泣的聲音沙與啞~~”一響起時, 全場陷入瘋狂狀態o既謝霆鋒! 呢part堅係幾感動! 曾經, 佢係每逢出場都會被全場人集體狂噓的死o靚仔! 我第一次睇佢現場表演係97年度十大中文金曲…佢個人未行晒上台, 啲噓聲已震耳欲聾…我心諗: 嘩! 駛唔駛咁呀?! 16年後嘅今日, 再次喺紅館聽佢唱”無聲仿有聲”…全場報以熱烈嘅掌聲同歡呼聲…我都被感動了⋯畢竟真係見證住佢由死o靚仔演變成極man成熟男嘅成長歷程…而我作為同代人, 亦同佢一齊成長了!
posted by 芒姐 at 11:30 下午
7 Comments:
芒姐，
唔知你有冇一種感覺，就係人大了就覺得d電視劇無細個時覺得咁好睇，不過真正既經典就係另一回事啦。其實港劇既質素係咪真係每況愈下定係不嬲都係咁呢？眼見依家d人咩都批評，其實點解有時唔可以好好咁欣賞下身邊的事物呢？受不了咁負面呢。其實有時我地都要檢討下自己，在話人既時候有冇想過自己有冇資格話人呢？
沒什麼的，只是想跟你說說感受。=)
iris
咁唔排除點都有d情意結因素, 令人總覺得新不如舊, 但平心而論, 劇集的質素對比起八九十年代的確差咗好多, 唔知係江郎才盡定係因為已經無咩人睇電視, 所以無咩心去製作更好劇集...不過我都同意依家人人都只懂批評不懂讚美, 係好discouraging!
芒姐，
以前少時候覺得tvb的劇合口味很多，可是現在真是沒興趣看，加上有很多tvb的負面新聞，唉，連呢個唯一免費娛樂都冇埋=(
IRIS
RE:ＩIris 希望你唔好被Ｄ所謂＂負面新聞＂影響。而家個社會根本就充斥大量＂新聞＂，負面居多，而且真假難分。睇電視不過係一種娛樂，唔洗搞得咁復雜，而且唔洗被人影響。自己覺得娛樂到自己睇得開心覺得好睇咪睇，覺得唔好睇咪唔好睇lor。即係你有你睇李敏鎬，我有我鐘意陳展鵬，關你鬼事。以前d人都係羊群，不過多數正面羊群追捧同一樣嘢。起碼大家開心。而家Ｄ人係負面羊群踩同一樣嘢。的確discouraging!
RE:芒姐 而家d劇無咁好睇，最大問題係題材同拍攝手法無以前咁多樣化。今時今日係唔可能再出現＂彊屍奇兵＂（呢套真係超經典！）。原因大家都明。無辦法。不過就算電視台肯（敢）拍，都又一定惹投訴。而家Ｄ人真係好煩。電視台都好難做。學王晶話，而家Ｄ人又塵又水，只懂批評又唔實質支持。橫豎都係，不如長拍愛回家好過。以前d劇overall係好睇d，不過如果話真係當年套套都好而一定新劇冇好連Ｏn Call都批評話爛就太過唔理智地舊＂時＂情意結啦，雖然家陣真係好多人係咁心態。
溫哥華匿名人
Ｏn Call 1 ok; Ｏn Call 2 的確爛
re溫哥華匿名人，
唔知呢，但係我發現原來睇電視係好多人的娛樂……
非常同意"Ｏn Call 1 ok; Ｏn Call 2 的確爛"...:p
發佈留言
<< Home