2-5 (wed) 羊崢波波b

又到新一年, 踏入馬年最爆的娛聞, 當然係黃宗澤同楊崢呢一對啦…感覺超級九唔搭八…但就係因為咁, 我又覺得幾interesting喎…估佢哋唔到先有趣呀嘛! 正如我哋喺fb講…如果佢同姚子羚嗰啲反而唔interesting呀!

不過羊崢外型上睇起上嚟真係唔似只係大波波b五年 (如果wiki沒有騙人)…即使對比起報導說的真實年齡42…都依然老多幾年, 感覺好似波波b同咗馬詩慧一齊咁囉(哈哈, 係誇咗少少)…感覺好新鮮! 反正最襯o個d都未必會開花結果, 我覺得佢哋呢pair又ok喎!

而套賀歲劇“新抱喜相逢”…其實我覺得無無聊聊幾好睇囉! 本來以為係普通賀年劇, 點知幾有驚喜! 尤其頭兩集d惡搞情節, 咩"天雨避", "雷霆掃墓", "名媛入獄", "跟錯梟雄之二奶豪情", "按摩36小時"...笑死我! 抽返自己台同高登的水…呢種劇好耐無見過…令人諗起10幾年前的“娛樂插班生”…好經典囉!

但係反而sell陳mo嫂茵媺嗰套“單戀雙城”, 雖然叫做”強”d卡士(at least tbb自己咁覺得)…但有d悶囉!