2014年4月28日星期一

4-28(mon) 55555

近期出奇地tbb兩線劇集都幾好睇喎! 本來諗住個"m club女人俱樂部"日日喺度哎咩“m club m club無咗邊個都唔得”煩到痴線⋯但睇咗幾集劇情又十分ok喎, 尤其係八十年代嗰part…真係回憶返晒埋嚟!

 麟伯d金曲, 麥記急口呤, 姊妹/青春, 阿燦食漢堡包, 陽光檸檬茶, 落d, 連老洞都講埋...同埋班少女版比我想像中演得好十倍, 個個都幾自然, 仲要真係揀得幾似佢哋o既熟女版! 至於d姐姐, 又的確個個都係當年o既女神, 好有代表性…都值得睇吓!

 

 最經典的…

 “雙層牛肉巨無霸
 醬汁洋蔥夾青瓜
 芝士生菜加芝麻
 人人食過笑哈哈"

... 呢part真係好得!

至於之前講過o既“愛我請留言”…整體都算近期最好睇的幾部劇集, 雖然頭段好睇過尾段…波鞋爸爸同朱古力姐姐嗰段唔知點解反而有d悶! d配角就真係做得好好…梁嘉琪今次做嘅宋柳娟真係進步咗好多! 阿范根張穎康個角色又幾型幾討好囉! 仲有golden uncle…以前對關禮傑o既印象總停留喺”新紮師兄”嘅好姐同埋”蜀山奇俠”嘅警我師兄⋯今次呢個”golden water gives you power"真係一大突破…連帶同佢一組的傅嘉莉都好出…大有進步! 

仲有, 真係唔睇wiki都唔知原來鄭俊弘、張振朗、張明偉etc.有份唱劇中唔係原唱者唱嘅歌⋯連葉凱茵都有⋯同signal wong合唱“非走不可”…點解我之前留意唔到o架?! 

仲有仲有, 悠悠同009真係cute到呢…之後無得睇佢哋lu!


復活節前後一連支持咗三部港產電影…"豪情3d", “紅van"同“愛尋迷"! "豪情”其實一啲都唔三級, 反而係typical八十年代笑片⋯都有d位笑得出o既, 不過個人認為古天樂嗰part最好笑! “紅van"我就真係覺得有點過譽, 結構頗鬆散…我諗作為高登小說o既standard係ok, 拍成電影呢…就差d! 有啲搞極都未完嘅感覺, 但最後忽然完咗⋯感覺很麥兜! 真係要上高登搵番部小說解開下啲謎團! 至於“愛尋迷"…本來只係因為羅霖同關楚耀的gimmick諗住去湊熱鬧睇下⋯點知出奇地有驚喜! 估唔到係幾有深度幾有message⋯阿陶才子今次真係放錯宣傳重點, 未必吸引到right audience...搞到票房低成咁…其實我個人認為三部之中佢最好睇最有意思…o徙咗!


5 Comments:

Anonymous 匿名 said...

M Club 比我想像中好睇。d 少女演員居然演得唔錯。個故事同拍攝手法有D似"4個32A和一個香蕉少年"。
80年代服裝同佈置好似。開屋同麥記連d details 同似!仲有廣播道上的tvb!

溫哥華匿名人

2:30 下午  
Anonymous 匿名 said...

如果"愛尋迷"真係咁好,咁真係宣傳策略失敗。咩美魔女,真係反面宣傳。

溫哥華匿名人

9:35 上午  
Anonymous 匿名 said...

其實我都欣賞愛我請留言既劇情同心思,但奈何節奏實在太慢,某D位拖太耐,搞到變無病呻吟,我睇到最尾一個星期完全HEA睇...
即使係90後都覺得好似女人俱樂部仲啱我睇...節奏快,笑料多,劇情同時空轉換都OK,同埋一班少女演員真係好好睇XD

7:02 下午  
Anonymous 匿名 said...

欣賞愛我請留言拍得有heart,亦同意太過無病呻吟。30+歲人愛就愛,唔愛就過主搵個第二件啦。所以我反而鍾意黃金貴同皎妃個段,起碼佢兩個"呻吟"得有D理由。呀王子(茄牛通)個段其實可以再講多D。結局睇住自己個男人同另一個女人"永遠幸福快樂生活下去"+"最佳位置",TVB 拍 gay 好少拍得咁subtle。唔錯!
一班少女演員仲好睇過呀香香。

溫哥華匿名人

2:17 下午  
Anonymous 匿名 said...

王子不是茄牛通,茄牛通是王子前愛人

11:36 下午  

發佈留言

Links to this post:

建立連結

<< Home